" လူစားလဲမယ့်_တစ္ဆေ "
(စ/ဆုံး)
(ကြောက်တတ်သူ အစွဲလန်းကြီးသူများ မဖတ်ရ)
ကျုပ်နာမည် ထိန်ဝင်း။
ကျုပ်က သရဲတစ္ဆေတွေကို လုံးဝ အကြောက်အလန့်မရှိဘူး။
ဘာလို့လဲဆိုတော့ သူတို့ကလူထက်နိမ့်တဲ့ လောကသားတွေလေ။ဒါကြောင့်သူတို့ကိုကြောက်စရာမလိုဘူးလို့ကျုပ်ယူဆထားလို့ပဲ။
ဒါပေမယ့် တကယ်တမ်း ပရလောကသားတွေနဲ့ ထိပ်တိုက်တွေ့လာရတဲ့အခါမှာတော့ ကျုပ်ယူဆချက်တွေဟာမှားသွားပြီဆိုတာ သိလိုက်ရတယ်။
အဲ့ဒီနေ့ကပေါ့…
ဆောင်းလေတို့မင်းမူတိုက်ခတ်နေသည့် နတ်တော်လကွယ်ည…။
ကောင်းကင်တစ်ခုလုံး ပိန်းပိတ်အောင်မှောင်နေသည်။
ကြယ်မှုန်ကြယ်မွှားတချို့၏ မပီဝိုးတဝါးအလင်းရောင်တို့မှာလည်းတိမ်ညိုတိမ်မည်းတို့၏ ပယောဂကြောင့် လင်းချင်တိုင်းလင်းခွင့်မရကြပေ။
လယ်ကွင်းပြင်များကိုဖြတ်၍ တိုက်လာသောဆောင်းလေကလည်းအရိုးကွဲအောင် အေးစိမ့်လွန်းလှသည်။
လေတိုက်ခတ်မှုကြောင့် စပါးပင်တို့၏ တရှဲရှဲမြည်သံနှင့် ပုရစ်အော်သံတို့မှတပါး ညက တိတ်ဆိတ်ငြိမ်သက်လျက်…။
ရွာသို့ပြန်မရောက်တာ ၄နှစ်လောက်ရှိပြီဖြစ်သည်။
ယခုတော့ ရွာမှာကျန်ခဲ့သည့် ညီမအငယ်ဆုံး ဆုံးသွားသည့်အတွက်ကြောင့် ရွာသို့ပြန်လာခြင်းဖြစ်သည်။
ညီမငယ်လေး၏ အသုဘမီရန်အတွက်သာ လာခဲ့ရသည်။လမ်းခရီးတလျှောက်လုံး တခုမှအဆင်မပြေခဲ့…။
ရွာသို့ပြေးဆွဲသောအဝေးပြေးကားတို့မှာလွန်စွာမှ ဟောင်းနွမ်းစုတ်ပြတ်လှသည်။
ထို့ကြောင့် လမ်းတွင် ခဏခဏကားပျက်သဖြင့်ရွာထိပ်သို့ ည၈နာရီခွဲမှရောက်သည်။
ရွာထိပ်ဟုဆိုသော်လည်း ဆည်းလည်းကန်ရွာ သို့ ၂မိုင်/၃ဖာလုံ ဟူသောလမ်းညွှန်အမှတ်အသားမှလွဲ၍ ဘာမျှထွေထွေထူးထူးမရှိပေ။
အဝေးပြေးကားတို့ကလည်း ရွာထိပ်အထိသာရောက်သည်။
ထိုမှတဆင့်ရွာသို့လှည်းကြုံဆက်စီးရသည်။
ပိုဆိုးသည်က ညမှောင်သွားပြီဖြစ်လို့ ခါတိုင်းရှိနေကြ လှည်းကြုံတောင်မရှိတော့သည့်အပြင် လူရိပ်လူခြေပါကင်းမဲ့နေသည်။
ထို့ကြောင့် ရွာသို့ညအမှောင်ထဲတွင်တယောက်ထဲလျှောက်လာခဲ့ရသည်။ရွာကိုသွားလျှင် လယ်ကွင်းများကိုအရင်ဖြတ်ရသည် ပြီးတော့ ဒီရေကန်ကြီးဘေးကမဖြစ်မနေဖြတ်ရသည်။
သရဲတစ္ဆေအလွန်ခြောက်သည်ဟု နာမည်ကြီးသောရေကန်ကြီးဖြစ်သည်။
ယခုလိုလကွယ်ညမျိုးတွင် ကြောက်စရာကောင်းသောအော်ညည်းသံများနှင့်အတူ ရေကန်ထဲမှလူသေကောင်များကုန်းပေါ်သို့တက်လာတက်သည်ဟုကြားဖူးသည်။ထိုအချိန်မျိုးတွင် ဆည်းလည်းသံတွေတချွင်ချွင်မြည်အောင်ကြားရတတ်သည်။
ကိုလိုနီခေတ်က တော်လှန်ရေးသမားများကို ထိုရေကန်ထဲတွင်ရက်ရက်စက်စက်
ရေနစ်သတ်ခဲ့ကြသဖြင့် အစိမ်းသေသေပြီးမကျွတ်မလွတ်သေးသောသရဲတစ္ဆေများသည် ရေကန်ကြီးထဲတွင်ခိုအောင်းနေကြသည်ဟု လူကြီးများကပြောလေ့ ရှိသည်။
သို့သော် ခေတ်ကာလရွေ့လျားလာသည်နှင့်အမျှ ယုံတမ်းစကားလိုလို တကယ့်အဖြစ်အပျက်လိုလိုနှင့် မရေမရာရှိနေလေသည်။
ရေကန်ကြီးကတော့ လူတစ်ယောက်ပက်လက်လှန်အိပ်နေသလို ပကတိငြိမ်သက်လျက်…။
ညအချိန်မတော် သရဲခြောက်သည်နာမည်ကြီးသည့်နေရာတွင်ရောက်ရှိနေသည့်အဖြစ်က တော်ရုံလူအဖို့တော့ သွေးပျက်ခြောက်ခြားဖွယ်ဖြစ်ချင်ဖြစ်နေလိမ့်မည်။ကျုပ်အဖို့တော့ သရဲနှင့်တွေ့လျှင်ပင် ပိုကောင်းသည်ဟုဆိုရပေမည်။အဘယ့်ကြောင့်ဆိုသော် ကျုပ်တစ်ယောက်ထဲ သွားနေရသည်ထက်စာလျှင်တော့အဖော်နှင့်သွားရသည်ကသာ၍အဆင်ပြေလိမ့်မည်။
ဟိုတွေးဒီတွေးနှင့်လျှောက်လာရင်း ဟိုးအဝေးခပ်လှမ်းလှမ်းဆီမှ မီးရောင်တချို့ကိုလှမ်းမြင်လိုက်ရသဖြင့် အားတက်သွားသည်။
"ရွာတောင်လှမ်းမြင်နေရပြီပဲ…"
ခပ်တိုးတိုးရေရွတ်ရင်း ခရီးဆောင်အိတ်ကို ပိုက်လိုက်သည်။
ထိုအချိန်တွင် လေက တစ်ချက်ဆောင့်တိုက်လိုက်သည်။
စိမ့်ခနဲဖြစ်သွားသော အေးစက်စက်ခံစားချက်နဲ့အတူ ကျုပ်ကြားလိုက်ရတာက…
"ချွင်……ချွင်……ချွင်"
အမှောင်ထုထဲမှရုတ်တရက်ပျံ့လွင့်လာသော ဆည်းလည်းသံ။
"ဟင်…ဆည်းလည်းသံတွေ…"
နားကြားများမှားသလား ဇဝေဇဝါဖြစ်သွားသဖြင့် အမှောင်ထုထဲသို့ အကြည့်တို့ရွေ့လျားလိုက်သည်။သို့သော်အမှောင်ထုက မိမိကိုယ်လက်အင်္ဂါတို့ကိုပင် သဲသဲကွဲကွဲ ပြန်မမြင်နိုင်အောင် မှောင်မဲနေသည်။
လကွယ်ညက ရုတ်တရက်အသက်မဲ့သွားသလို ပြန်လည်တိတ်ဆိတ်သွားသည်။ပုရစ်အော်သံများလဲတိတ်သွားကာ လေတိုးသံတောင်မကြားရတော့။အသံတိတ်ကမ္ဘာငယ်တစ်ခုကိုရောက်သွားသလိုခံစားလိုက်ရသည်။
ရုတ်ချည်းငြိမ်သက်သွားသောပတ်ဝန်းကျင်အခြေအနေကြောင့် စိတ်ထဲတွင် အနည်းငယ်တော့ စိုးထိတ်မိသည်။
ဟုတ်တယ်လေ…သရဲတစ္ဆေတွေက ခြောက်လှန့်ရုံကလွဲပြီးဘာမှမလုပ်နိင်ဘူး။တော်ကြာလူဆိုးဓားပြတွေနဲ့တိုးနေမှဖြင့်…။
ခန္ဓာကိုယ်ကလည်းစိုးရိမ်ထိတ်လန့်စိတ် လွှမ်းသွားသဖြင့် ဇောချွေးများပြန်လာသည်။
"ငါများ နားကြားမှားတာလား"
မဖြစ်ဘူး…မဖြစ်ဘူး ငါဒီနားကအမြန်သွားမှ…။
ထိုသို့တွေးပြီးခြေထောက်တို့ကို အမှောင်ထဲသို့စတင်ရွေ့လျားလိုက်သည်။
ကျုပ်လျှောက်နေတဲ့ လမ်းလေးရဲ့ ဘေးဘက်မှာတော့ ရေကန်ကြီးကသူနှင့်မဆိုင်သလိုတိတ်ဆိတ်ငြိမ်သက်နေတယ်။
ဟုတ်ပါတယ်…ခုနကဆည်းလည်းသံက ငါနားကြားမှားတာပါ…။
ဘာပဲဖြစ်ဖြစ် ငါရွာကိုရောက်အောင်သွားရမယ်။
ထိုအချိန်မှာပင် ငြိမ်သက်နေသောပတ်ဝန်းကျင်ကတဖန်ပြန်လှုပ်ရှားလာသည်။လေတိုးသံများပြန်လည်ကြားရပြီး ပုရစ်တို့ကလည်းပြန်လည်အော်မြည်လာကြသည်။
ဘာဖြစ်တာပါလိမ့်။
သေချာတာကတော့ ပတ်ဝန်းကျင်အခြေအနေကပုံမှန်မဟုတ်တာပင်…။
"ချွင်…ချွင်…ချွင်"
"ချွင်…ချွင်"
"ဟင်…ဆည်း…လည်း…သံ…တွေ"
ဒီတစ်ခါတော့နားကြားမမှားတာသေချာပြီ။
ဒါ…လူတွေပြောပြောနေကြတဲ့ ရေကန်ကြီးထဲက ဆည်းလည်းသံတွေများလား…။
စဉ်းစားလို့မှမဆုံးသေး ကျောချမ်းစရာကောင်းသည့် ဆည်းလည်းသံတွေကို ထပ်ကြားလိုက်ရသည်။
"ချွင်…ချွင်…ချွင်…ချွင်"
ဒီဆည်းလည်းသံတွေက ငါ့ကိုဘာမှအန္တရာယ်မပြုနိုင်လောက်ပါဘူးလေ။ကိုယ်သွားစရာရှိတာဆက်သွားမှ။ရှေ့ဆက်သွားဖို့အတွက် ခြေလှမ်းတို့ကိုဟန်ပြင်လိုက်စဉ်မှာပင်…။
"ဟာ…ဘာနံ့ကြီးလဲ"
လေနှင့်အတူဒိုက်ပုတ်စော်လိုလိုအနံ့ဆိုးကြီးတစ်ခုကိုပါရှုရှိုက်လိုက်ရသည်။
ရေကန်ထဲက လူသေတွေထလာတာများလား…။
ဒလဟောဖြတ်တိုက်သွားသော ဆောင်းလေအေးကြောင့် ကျောရိုးတလျှောက်စိမ့်တက်သွားပြီး ခြေဖျားလက်ဖျားများအေးစက်လာသည်။ဒီနေရာမှာကြာကြာနေလို့မဖြစ်တော့။ထို့ကြောင့် အားကုန်ဆောင့်ပြေးထွက်လိုက်သည်။
သို့သော်ကြာကြာမပြေးလိုက်ရ…။
"အောင်မလေးဗျ…"
ခြေထောက်တွေက မြေသားပျော့ထဲနစ်ဝင်သွား၍ လဲကျသွားခြင်းဖြစ်သည်။နစ်ဝင်နေသည့်ခြေထောက်ကို ဆွဲထုတ်ဖို့ဟန်ပြင်နေစဉ်မှာပင်…
"ချွင်…ချွင်…ချွင်…ချွင်"
နောက်ကျောဘက်မှရုတ်တရက်ပေါ်ထွက်လာသောဆည်းလည်းသံကြောင့် နောက်သို့ချက်ချင်းလှည့်ကြည့်လိုက်သည်။
ဘာမှမရှိ။လုံးဝဟာလာဟင်းလင်းဖြစ်နေသည်။သို့သော်…
လေပြင်းတချက်က ကျုပ်ကိုယ်ပေါ်ကိုဗလုံးဗထွေးနှင့်ဖြတ်တိုက်သွားသည်။ထိုလေနှင့်အတူဒိုက်ပုတ်နံ့တွေကလည်းထောင်းခနဲထလာသည်။
"ဟင်…ဒါ ဒါ လူသေတွေဆီက ရွှံ့နံ့လား…ဒါဆို လူသေတွေတကယ်ထလာပြီပေါ့…"
မဖြစ်တော့ပြီ။ဖုတ်ကောင်တွေက တစ္ဆေသရဲနှင့်မတူပေ။ကျုပ်က သရဲမကြောက်ပေမယ့် အသက်ဝင်လာမည့် လူသေကောင်တွေတော့ ကြောက်သည်။သရဲတစ္ဆေတွေက အကောင်အထည်မရှိ ပုံရိပ်သာရှိသည်။သူတို့ကျတော့ အကောင်အထည်နှင့်ဖြစ်သည်။
ချက်ချင်းဆိုသလိုလဲကျနေရာမှကုန်းရုန်းထပြီးတဟုန်ထိုးပြေးလိုက်တော့သည်။ခရီးဆောင်အိတ်ပင်မယူနိုင်တော့…။
အမောဆို့မတတ်ပြေးလွှားနေသော်လည်း ဆည်းလည်းသံတွေက ကျုပ်နောက်မှာလိုက်ပါကပ်ငြိနေဆဲ…။
ထိုအချိန်မှာပင်…
"ဟင်"
ရှေ့တွင်မြင်တွေ့လိုက်ရသည့်သွေးပျက်ရူးသွပ်စေနိုင်သောအရာတစ်ခုကြောင့် ပြေးလွှားနေသောခြေလှမ်းအစုံတို့က ဇက်ကြိုးဆွဲလိုက်သလို တုံ့ကနဲရပ်တန့်သွားသည်။
လူတစ်ယောက်…။
ဦးခေါင်းတစ်ခုလုံး ဆံပင်တမွှေးမှမရှိတော့ပဲ ပြောင်ရှင်းနေသည်။
မျက်နှာပြောင်ချောချောကြီးပေါ်တွင်
မျက်စိပေါက်နှာခေါင်းပေါက်တို့က သေးသေးကျုတ်ကျုတ်။
သေးကွေးပိန်လှီလှသောခြေထောက်ကလဲ တစ်ဖက်ထဲရှိသည့်အပြင် လက်နှစ်ဖက်ကလည်း တစုံတခုပြုလုပ်တော့မည့်ဟန်ဖြင့်လေထဲတွင်ဆန့်တန်းထားသည်။
ဒါ ရေကန်ထဲက ထလာတဲ့ လူသေကောင်ကြီးများလား…။
လူသေဖုတ်ကောင်ကြီးနှင့်ထိပ်တိုက်တွေ့လိုက်ရ၍ ရုတ်တရက် ကြက်သေသေနေစဉ်…အရိုးစုလိုဖြစ်နေသည့်ခန္ဓာကိုယ်ကြီးက ရှေ့သို့အနည်းငယ်လှုပ်ရှားလာသောအခါ……။
"အားးးးးးးးးးးးးးးးးးးးးးးးးးးးးးးးး"
* * * * * * * * * *
အဲ့ဒီညက ကျုပ်သေဆုံးသွားခဲ့တယ်…။
တကယ်တော့…
ကျုပ်အသက်ကိုပါသွားစေတဲ့ အဲဒီအရာက……
စာခြောက်ရုပ်တစ်ရုပ်…
လည်ပင်းတွင် ဆည်းလည်း(ခေါင်းလောင်းအသေးစား)လေးတွေကိုဆွဲထားသည်။
ကျုပ်တို့ရွာကိုမနှစ်က ကြွလာတဲ့ ဆရာတော်တပါးက ရေကန်ကြီးအတွင်းရှိနာနာဘာဝများကိုခြောက်လှန့်ဖို့ အတွက် စီရင်ထားသော ယတြာအစီအရင်တစ်ခုတဲ့…။
ဒီအဖြစ်မှန်ကို စောစောကသာကြိုသိခဲ့ရင် အခုလို မကျွတ်မလွတ်တဲ့ နာနာဘာဝ သရဲတစ္ဆေတစ်ကောင် ဖြစ်နေမှာမဟုတ်ဘူးဗျ…။
ခုတော့ဗျာ…ခုတော့…။
ကျုပ် အကြောင်းကိုသိအောင် လူတွေကိုပြောပြဖို့ ဖြတ်သွားဖြတ်လာတွေကို ကိုယ်ထင်ပြတော့ ကျုပ်ကိုကြောက်လန့်ပြီးထွက်ပြေးကြတယ်။
ကျုပ် ဒီနေရာမှာ မနေချင်ဘူး …ဒီဘဝကြီးနဲ့လည်းမနေချင်ဘူး…
ကျုပ် လူစားလဲချင်တယ်ဗျာ…
ကျုပ်နေရာမှာ အစားထိုးဖို့လူကိုလိုက်ရှာရင်း စောင့်နေခဲ့ရတာ နှစ်တွေလဲကြာလှပြီ။ဒါပေမယ့် ဒီနေ့တော့ ကျုပ်လွတ်မြောက်ရမယ့်နေ့ပဲ…။
ဟုတ်တယ်…။
ကျုပ်အရမ်းပြောပြချင်နေတဲ့ကျုပ်ကြောင်းကို အခုဒီစာဖတ်လိုက်ရလို့ ခင်ဗျားသိသွားပြီလေ……။
ဒီစာကိုဖတ်ပြီးတဲ့သူဟာ ဖတ်မိတဲ့ညမှာ ထမင်းစားနေရင်းနဲ့ အကြောင်းမဲ့သေဆုံးသွားလိမ့်မယ်။ဒါကျုပ်ရဲ့ ကျိန်စာ ဒီတော့……ဒီနေ့ခင်ဗျားနဲ့ကျုပ် နေရာချင်းလဲရမှာပဲ။စိတ်တော့မကောင်းပါဘူး။
မနက်ဖြန်ကျတော့ ခင်ဗျားအတွက် လူစားလဲပေးမယ့်သူကိုရှာပြီး
ဒီစာလေးဖတ်ခိုင်းလိုက်ပေါ့…
* * * * * * * * * *
:) :) :)
ပြီးးး။ ။
Cd - မူရင်းရေးသူ
လူစားလဲမယ့် တစ္ဆေ
- on 8:32 AM
- No comments
Post a Comment