အမူးသမား´( တေးထပ် )
-------------------------------
(ဆရာကြီးသခင်ကိုယ်တော်မှိုင်း)
မောင်မောင့်ကို သနားလှလေတော့၊
တရားမှ ရစေ၊
မှားသမျှ ဘဝတွေကို၊
ပြမလေ မှတ်ထား။
သောက်ခါစ ဘွင်သွေးခုန်တယ်၊
ယဉ်ကျေးပုံ ဒေါင်းငှက်အလား။
နောက်တစ်ကြော့ သောက်မပေါ့ လောပြန်လျှင်၊
သဘောဥာဏ် အမှား။
ဒေါသမာန် စိတ်ကြွားလို့၊
အဟိတ်ကျား ပမာ။
နောက်ထပ်မံ မျိုကာ ဝလျှင်ဖြင့်၊
ကိုယ်ကာယ ဖိန်းတဲ့လို့လာ။
မူးပြီမို့ မထိန်းနိုင်ရှာပြီ၊
ယိမ်းယိုင်ကာ ဟန်ပျော့၍၊
လန်ကော့ကော့ ဝေါ့ဖွီအန်ကာ၊
အော့ ညှီနံစွာ။
မစင်ကြိုက် ဝက်ပမာလို၊
သွက်သွက်ခါ လူးချည်ငဲ့လေး။
အစဉ်မြိုက်တဲ့ နရဂ်ရွာမှာ၊
မတက်သာဘူးပြီကွဲ့လေး။ ။
👤ဆရာကြီး သခင်ကိုယ်တော်မှိုင်း၏
`မှာတော်ပုံ ဒုတိယတွဲ´မှ။
Post a Comment