သေမင်း​ကြေးမုံ စဆုံး

★ ★   သေမင်းကြေးမှုံ  ★ ★
~~~~~~~~~~~~~~~~~~~~~~~~

ကျွန်ုပ်သည် မြင်းခြံထောင်၌ရှိစဉ် အသက် ၃၀ ခန့်မျှရှိသေးသော ဇာတ်လမ်းရေးဆရာ နှင့် တေးရေး မောင်စိန်ဘန်း ဆိုသူသည် လူသတ်မှုတစ်ခုဖြင့်ရောက်လာ၍ ကျွန်ုပ် နှင့်အတော်အတန် ခင်မင်ရင်းနှီးခဲ့လေသည်။မောင်စိန်ဘန်းမှာ အသားလတ်လတ်၊နှာတံပေါ်ပေါ်နှင့်ရုပ်ရည်သနားကမားရှိပြီးလျှင် စကားပြောရာ၌လည်းတစ်လုံးချင်းစဉ်းစား၍ပြောတတ်သူဖြစ်သည်။ အထူးသဖြင့်သူ၏မျက်လုံးများမှာ ရီဝေဝေ ရှိပြီးလျှင် အနီးပတ်ဝန်းကျင်ကိုမကြည့်မမြင်ဘဲအလွန်ဝေးလံသောအရပ်သို့ကြည့်နေသည့်အလား အုံ့မှိုင်းလျက်ရှိ၏။နဂိုအားဖြင့်စူးရှတောက်ပဟန်ရှိသော်လည်း ငေးမောတွေဝေခြင်းဟူသော အနည်အနှစ်များကဖုံးလွှမ်းထားသကဲ့သို့ရှိလေသည်။ မောင်စိန်ဘန်း၏အမှုမှာ ဇနီးဖြစ်သူအားရက်စက်စွာလည်ပင်းညှစ်သတ်သောအမှုဖြစ်သည်။၎င်းကိုယ်တိုင်ကလည်း မိမိပင်သတ်ကြောင်းဝန်ခံကာ တစ်စုံတစ်ခုသောအကြောင်းကြောင့် သတိလက်လွတ်ဖြစ်သွားကာသတ်မိပါကြောင်းထုချေ၏။၎င်း၏ရှေ့နေကလည်း သူ၏အမှုသည်မှာ စိတ်မနှံ့သဖြင့် ပြုလုပ်ခြင်းဖြစ်ကြောင်း၊ကျိုးကြောင်းဆင်ခြင်နိုင်သည့်ဥာဏ်ကင်းမဲ့သည့်အချိန်၌ပြု လုပ်ခြင်းတို့မည်သည် ရာဇဝတ်ပစ်မှု မှကင်းလွတ်ပါကြောင်း လျှောက်ထား၏။ မောင်စိန်ဘန်းသည် အချုပ်၌ချုပ်ထားစဉ်သူ၏အဖြစ်အပျက်များကိုရေးသားပြီးလျှင်အမှုစစ်ပုလိပ်မှတစ်ဆင့် တရားသူကြီးထံသို့တင်ပြခဲ့၏။သို့ရာတွင် တရားသူကြီးကမယုံကြည်ကြောင်း၊အကယ်၍ ယုံကြည်ခဲ့ပါလျှင်လည်းအမှုမှ ကင်းလွတ်ခွင့်ကိုမပေးနိုင်ပါကြောင်း၊ထို့ပြင် တရားခံရှေ့နေ၏ လျှောက်လဲချက်အရ တရားခံမှာ စိတ်မနှံ့ဟုဆိုခြင်းမှာလည်းတရားခံ၏ရေးသားချက်ကပင် စိတ်ကောင်းကြောင်းထင်ရှားနေသဖြင့်တရားခံသည် သေသူ ၎င်း၏ဇနီးကိုသတ်ရာ ၌ အမှားအမှန်က်ိုဆင်ခြင်နိုင်သောအသိဥာဏ်မရှိဟုမခေါ်နိုင်ကြောင်း၊သတ်ဖြတ်ပုံမှာလည်း သေသူ၏လည်မျိုတွင်လက် ၁၀ ချောင်းရာကြီးသည် အညို အမဲစွဲ ၍ကျန်ရစ်ခဲ့သည်အထိ ရက်စက်လှသဖြင့်တရားခံသည်သေစေလိုသောစိတ်ဖြင့်မသေမချင်း သတ်သည်မှာထင်ရှားကြောင်းစသည်ဖြင့်စီရင်ချက်တွင်နောက်ဆုံးရေးသားဖော်ပြပြီးနောက် ကြိုးမိန့်ပေးလိုက်ခြင်းဖြစ်လေသည်။ ကြိုးမိန့်ကျပြီးနောက် လွှတ်တော်သို့အယူခံဝင်လျှက်ရှိစဉ် ကျွန်ုပ်မှ ထောင်မှထွက်ရန် တနင်္ဂနွေ တစ်ပတ်သာကျန်တော့သည်ဖြစ်ရာ မောင်စိန်ဘန်းနှင့်တွေ့ဆုံစကားပြောခွင့်ရလျှင်ကောင်းမည်ဟု တွေးတောနေမိခိုက်မှာပင် မောင်စိန်ဘန်းမှကျွန်ုပ်နှင့်တွေ့ဆုံလိုကြောင်းကမ်းလှမ်းခဲ့သည့်အတွက် ၇ ရက်အတွင်း၌ပင်စကားပြောခွင့်ရခဲ့လေသည်။ "တွေ့ရတာ ဝမ်းသာပါတယ်နောင်ကြီးရယ်၊ဒါနဲ့ နောင်ကြီးက ကျနော်တို့လိုအကျဉ်းသမားတွေဆီက ဗဟုသုတတွေကို စာနဲ့ရေးပြီး စုဆောင်းနေတယ်လို့သတင်းရပါတယ် ဟုတ်ရဲ့မဟုတ်လားခင်ဗျာ" "ဟုတ်ပါတယ်မောင်စိန်ဘန်း" "ကျေးဇူးပါပဲခင်ဗျာ ကျနော်ကမသေခင်လေးကျနော့်အကြောင်းကို နောင်ကြီးကိုပြောပြချင်နေတာနဲ့ အတော်ပါပဲခင်ဗျာ" "အခုပြောမလို့လား " " ရေးပြီးသား အသင့်ရှိတယ်ခင်ဗျ။နောက်တော့မှနောင်ကြီးဖတ်ကြည့်ပေတော့။ပြီးတော့နောင်ကြီးထောင်က ထွက်သွားပြီးတဲ့အခါ ကျနော့အတွက်လုပ်ပေးစေချင်တာလေးတစ်ခုရှိနေတယ်ခင်ဗျ ။ ဒီလို ဗျ နောင်ကြီးရဲ့ ကျနော့အမှုမှာသက်သေခံအဖြစ်နဲ့ တင်ပြတဲ့ ဘဲဥ ပုံစားပွဲတင်မှန်ကလေးတစ်ချပ်ရှိတယ်။ခုအဲ့ဒီပစ္စည်းက ရုံးတော်ပစ္စည်းထိန်းလက်ထဲမှာရှိတယ်။လူသတ်မှုဖြစ်တာလည်း ဒီမှန်ကို အကြောင်းပြုပြီးဖြစ်ရလေတော့ သက်သေခံတင်ရတာပ။ဒီတော့နောင်ကြီးထောင်ကလွတ်ရင် ဒီမှန်ကလေးကိုရုံးတော်က လေလံပစ်တဲ့အခါ ရအောင်ဆွဲ ပြီးကျနော့ကိုသေဒဏ်ပေးတဲ့တရားသူကြီးဦးထွန်းစိန်လက်ကိုမရောက် ရောက်အောင်ကြံပေးစေချင်ပါတယ်။" "မောင်စိန်ဘန်းရဲ့ အမှုက ကိုယ့်ဇနီးကိုယ်လည်ပင်းညှစ်သတ်တဲ့အမှုမဟုတ်လား" "ဟုတ်ပါတယ် နောင်ကြီး" "ဒီမှန်ဝိုင်းကလေးကို ဘာဖြစ်လို့သက်သေခံပစ္စည်း အနေနဲ့တင်ရတာလည်းဆိုတာ ကျုပ်နားမလည်သေးဘူးမောင်စိန်ဘန်းရဲ့" "ဒါကြောင့် ကျနော့ရဲ့ အတ္ထု ပ္ပတ္တိကိုဖတ်ကြည့်တဲ့အခါသိမယ်လို့နောင်ကြီးကိုပြောတာပေါ့ ကျနော့အမှုဆုံးခန်းတိုင်တဲ့အခါဒီမှန်လေးကိုရုံးတော်ကလေလံတင်ပြီးရောင်းလိမ့်မယ်။အဲ့ဒီအခါ ကျမှအဲ့ဒီမှန်ဝိုင်းလေးကို လေလံပွဲမှာမရ ရအောင်နောင်ကြီးဝယ်ပေးပါ။နောက်ပြီး တစ်နည်းနည်းနဲ့ ဦးထွန်းစိန်လက်ထဲရောက်အောင်ပို့စေချင်တယ်ဗျာ။ဝယ်ဖို့ငွေကတော့ ကျနော့တာဝန်ပဲ။" မောင်စိန်ဘန်းသည်သူ၏ခါးတွင်ကြိုးကလေးတစ်ချောင်းဖြင့်သိုင်း၍ချည်ထားသောလက်စွပ်တစ်ကွင်းကိုကျွန်ုပ်အားထုတ်ပေးပြီးနောက် "စားပွဲတင် မှန်ကလေးလေလံဆွဲ်ဖို့တော့ ဒီလက်စွပ်ကိုရောင်းပြီးဆွဲဖို့ပါပဲ နောင်ကြီးရ့၊ဲ ရှမ်းပြည်ကရခဲ့တဲ့မိုးကုတ်ပတ္တမြား အစစ်ပဲ။ တစ်ခါစိန်ဘာဘူကုလားတစ်ယောက်က ၁၅၀၀ ပေးဖူးတယ်။ကျနော်ကမရောင်းလိုက်ဘူး။ဒီလက်စွပ်ကိုနောင်ကြီးသဘောအတိုင်းထုခွဲပြီး မှန်ကလေးကို မရရအောင်ဝယ်ပါ။ရပြီးတဲ့အခါ စက်ရှင်မင်းကြီး ဦးထွန်းစိန် လက်ရောက်အောင်တစ်နည်းနည်းနဲ့ကြံဖန်ပြီးပို့ပေးပါ။ဖြစ်အောင် ကူညီပေးပါနောင်ကြီးရယ် ကျေးဇူးတင်ပါတယ်ဗျာ" "နေပါဦး မောင်စိန်ဘန်းရဲ့၊ဒီ မှန်ကလေးကိုပေးတာက ဘာရည်ရွယ်ချက်ရှိသလဲ။" "ရည်ရွယ်ချက်ကယ်လို့ မရှိပါဘူး ခင်ဗျာ နို့ပေမယ့်ဒီ မှန်ကလေးသာ သူ့အိမ်ရောက်သွားရင် ကျနော့အစစ်ခံချက်ကို သူယုံကြည်ပြီး ကျနော့ကိုကြိုးမိန့်ပေးမိတာမှားပြီ ဆိုပြီး နောင်တ ရကောင်းရပါလိမ့်မယ်။အဲ့ဒါ ကျနော့ရည်ရွယ်ချက်ပဲ ဆိုပါတော့။ သြော် တစ်ခုတော့ရှိတယ်နောင်ကြီးရေ့ ဒီမှန်ကလေး သူ့လက်ထဲရောက်သွားပြီးတဲ့ အချိန်ကျမှ ကျနော်ရေးထားတဲ့ စာရွက်တွေကို ခင်ဗျားဖတ်ရမယ်နော် ဒီဟာတစ်ခုတော့နောင်ကြီးကတိပေးပါဗျာ" "ကောင်းပါပြီ ၊ဒါနဲ့ မောင်စိန်ဘန်းစာရွက်တွေရော ဘယ်မှာလဲ" "ထောင်မှူးကလေးဦးဘတင်လက်ထဲမှာချိတ်ပိတ်ပေးထားပါဆိုပြီးအပ်ထားတယ်။နောင်ကြီးကိုပေးလိုက်ဖို့ပြောထားပြီးပါပြီ။" "ဒါဖြင့် ကျုပ်တောင်းယူလိုက်ပါမယ်" "ကိုင်း ဒါဖြင့်စိတ်အေးရပါပြီ ကျေးဇူးတင်လိုက်တာနောင်ကြီးရယ် ကျနော့စိတ်ထဲ ကြိုးစင်မတက်ခင်အလုံးကြီးတစ်လုံး ကျသွားတယ်" ကျွန်ုပ် လည်းတစ်ခဏမျှ မောင်စိန်ဘန်းနှင့်ထွေရာလေးပါးစကားပြောပြီး အချိန်စေ့သည်နှင့်ထွက်ခဲ့ရလေသည်။ ..................................... ထောင်မှကျွန်ုပ်ထွက်ခဲ့ပြီးနောက် တစ်လခန့်မျှ တွင် မောင်စိန်ဘန်းအား ကြိုးပေး လိုက်ပြီ ဟူသောသတင်းကိုကြားရ၏။သတင်းကြားရပြီး ရက်သတ္တ သုံးပတ်ခန့်မျှ ကြာသောအခါ ကျွန်ုပ်လည်း ဘီလစ်ရုံးသို့သွားရောက်စုံစမ်းရာတွင် လာမည့် စနေနေ့ နံနက် ၁၀ နာရီ၌ ပိုင်ရှင်မရှိသော တိုလီမိုလီ ပစ္စည်းအချို့ကိုလေလံတင်ရောင်းချမည့်အကြောင်းကြားသိရသည်။သို့နှင့် ကျွန်ုပ်လည်း မိတ်ဆွေတစ်ယောက်၏အကူအညီဖြင့် မောင်စိန်ဘန်း၏ပတ္တမြားလက်စွပ်ကို ကျောက်ကုန်သည်ကြီးတစ်ဦးထံ သွားရောက်ရောင်းချရာ ငွေ ၈၀၀ ရရှိခဲ့လေသည်။ စနေ နေ့သို့ရောက်သောအခါ ကျွန်ုပ်သည် ငွေ ၈၀၀ ကိုပိုက်ပြီးလျှင်ဘီလစ်ရုံးသို့ ၉ နာရီအချိန်ကပင် ရောက်ရှိလေ၏။လေလံတင်မည့်ပစ္စည်းများကို ရုံးဝင်းအတွင်းရှေ့ဥပစာတွင်အချို့ကို စားပွဲပေါ်၌၎င်း၊မြက်ခင်းပေါ်၌၎င်း၊လေလံပစ်ရန်စီစဉ်လျှက်ရှိသည်ကိုတွေ့ရသည်။ပစ္စည်းများမှာ အိုးခွက်များ၊ချိုင့်များ၊မီးအိမ်များ၊သေတ္တာကြီးငယ်များ၊ဓားအမျိုးမျိုး၊ပန်းကန်ခွက်ယောက်များ၊ကုလားထိုင်များ စသည်ဖြင့်အမျိုးမျိုးပါဝင်၏။ ဘီလစ်စာရေးလုပ်သူသည် နောက်ဆုံး၌ ဘောင်အဖြူ ကွပ်ထားသည့် ဘဲဥပုံ စားပွဲတင် မှန်တစ်ချပ်ကိုထုတ်လာ၍ကျွန်ုပ်အနီးရှိ စားပွဲတစ်လုံးပေါ်တွင်တင်ထားလိုက်သည်။ ထိုမှန်တစ်ချပ်တည်းသာလေလံပစ္စည်းများထဲတွင်ပါဝင်သည့်ပြင် မောင်စိန်ဘန်းပြောသည့်အချက်များနှင့်ကိုက်ညီနေသဖြင့်၎င်းမှာကျွန်ုပ်လေလံဆွဲဝယ်ရမည့်ပစ္စည်းဖြစ်ကြောင်းသိရတော့သည်။ ထိုဘဲဥပုံစားပွဲတင် မှန်ကလေးကိုကျွန်ုပ်လည်း နီးနီးကပ်ကပ် ကြည့်ရှုလျှက်ရှိရာမှန်မှာ အကောင်းဆုံးဘိလပ်ထွက်ကျောက်သားမှန်မျိုးဖြစ်၍အမြင့်မှာလက်မ ၂၀ ခန့်ရှိပြီး အနံအားဖြင့် အကျယ်ဆုံးနေရာတွင် လက်မ ၁၂ သို့ ၁၃ ခန့်ရှိလေသည်။ကွပ်၍ထားသော ဘောင်မှာနှောသားကဲ့သို့ဖြူ ဖွေးချောမွတ်နေသောအသားတစ်မျိုးဖြစ်၍အရောင်တင်ထားသည်မှာလည်းဆင်စွယ်ရောင်ထလျှက်ရှိ၏။အားလုံးခြုံ ၍ ပြောရလျှင် ပစ္စည်းမှာလူကုံထံအိမ်များတွင်ထားတတ်သော မင်းကြိုက်စိုးကြိုက် ပစ္စည်းမျိုးဖြစ်၍ ခန့်မှန်းခြေ ငွေ လေးဆယ် ငါးဆယ် ခန့်တန်ဖိုးရှိနိုင်ကြောင်းမှန်းမိသည်။ အခြားပစ္စည်းအချို့တစ်ဝက်ကိုရောင်းချပြီးနောက် စားပွဲတင် မှန်ကလေး ကိုစတင်လေလံပစ်တော့သည်။ပထမဦးစွာ တန်ဖိုး ၅၀ မှစ၍လေလံပစ်ရာ နောက်ဆုံး ကျွန်ုပ်က ငွေ ၈၀ နှင့် ဆွဲဝယ်နိုင်လိုက်လေသည်။ထို့နောက် ဘီလစ်စာရေးကြီးအား ငွေပေးပြီးနောက် မှန်က်ိုဂုဏ်နီအိတ်နှင့်ထုတ်ကာမြင်းလှည်းတစ်စီးငှား၍ကျွန်ုပ်နေထိုင်သောအိမ်ခန်းသို့ယူခဲ့၏။အိမ်သို့ရောက်၍အထုပ်ကိုဖြေကြည့်ပြီးသော်မှန်ကလေးကိုအဝတ်သန့်သန့်လေးတစ်ခုဖြင့်ကောင်းစွာပွတ်တိုက်ပြီးနောက် အခန်းထောင့်ရှိ စားပွဲကလေးတစ်လုံးပေါ်၌တင်ထားလိုက်သည်။ ကျွန်ုပ်လည်း မှန်ကလေးကိုကြည့်ရင်း မောင်စိန်ဘန်းကို သတိရလာသည်နှင့် သူ၏အကြောင်းရေးသားထားခဲ့သောစာထုတ်ကိုဖွင့်ဖတ်ကြည့်ရန်စိတ်ကူးရလာသဖြင့် သိမ်းထားသောနေရာမှထုတ်ယူလာပြီးမှ ၎င်းပြောခဲ့သောစကားကိုသတိရလာ၍ အထုတ်လေးကိုသေတ္တာထဲသို့ပြန်ထည့်သိမ်းထားလိုက်လေသည်။ နောက်တစ်နေ့ညတွင် ကျွန်ုပ်သည် အောက်ထပ်ထမင်းဆိုင်လေးတွင်ထမင်းစားပြီးနောက်အခန်းသို့ပြန်တက်လာပြီးပက်လက်ကုလားထိုင်တစ်လုံးပေါ်တွင်ထိုင်ပြီး ရှေးဟောင်းနှောင်းဖြစ်များကိုပြန်လည်စဉ်းစားနေရင်းမောင်စိန်ဘန်းအကြောင်း ကိုသတိရမိသွားပြီးစက်ရှင်တရားသူကြီး ဦးထွန်းစိန်က်ို ရှာ၍ မှန်ကလေးကိုမည်သို့ပေးရမည့်အကြောင်းဆက်လက်စဉ်းစားမိပြန်သည်။လဆန်း ၁၃ ရက်လလေးသည်ထိန်ထိန်သာလျှက်ရှိရာ အေးမြသောလရောင်များသည် ပြတင်းပေါက်မှတိုးဝင်ကာမောင်စိန်ဘန်း၏မှန်ကလေးကို တစ်ပိုင်းတစ်စ ကျရောက်လျှက်ရှိသည်။ ကျွန်ုပ်သည် ထိုသို့စဉ်းစားနေရာမှ မှန်ကလေးသို့လှည့်ကြည့်လိုက်မိရာ မှန်ပေါ်တွင် မြူ ခိုးများယှက်သန်းလျှက် ရှိသကဲ့သို့ မှုန်မှုန်မှိုင်းမှိုင်း ဖြစ်နေသည်ကိုမြင်တွေ့ရသဖြင့် ညနေကမှတိုက်ထားခဲ့သည်ကို သတိရမိသည်။သို့နှင့် မှန်နားကိုသွား၍သေချာကြည့်၍ အဝတ်နှင့်တိုက်လိုက်ရာပြန်၍ကြည်လင်သွားပြန်သည်။ထို့နောက်ကျွန်ုပ်လည်း ပက်လက်ကုလားထိုင်သို့သွားထိုင်နေလိုက်သည်။တစ်ခဏမျှကြာလတ်သော်မှန်ကလေးမှာ တစ်ဖန်အုံ့မှိုင်းသွားပြန်သည်ကိုထူးဆန်းစွာမြင်တွေ့လိုက်ရလေသည်။သို့သော်ကျွန်ုပ်သည် ထိုမှန်ဆီသို့ထမသွားတော့ပဲ ကုလားထိုင်ပေါ်မှာပင်ထိုင်၍အိပ်ပျော်သွားလေသည်။ ကျွန်ုပ်၏ဒုတိယမြောက် ဆောင်ရွက်ရမည့်ကိစ္စမှာစက်ရှင်မင်းကြီး ဦးထွန်းစိန် လက်သို့မှန်ကလေးက်ိုမရောက်ရောက်အောင် ပို့ပေးရမည်ဖြစ်သည်။စက်ရှင်မင်းကြီးကိုလည်း ကျွန်ုပ်မသိ ၊စက်ရှင်မင်းကြီးကလည်းကျွန်ုပ်ကိုမသိ အကယ်၍လက်ဆောင်အဖြစ်ပေးပါက မည်ကဲ့သို့လက်ခံပေမည်နည်း။မောင်စိန်ဘန်းအားကတိပေးခဲ့မိစဉ်က ထို့လောက်ခက်ခဲမည်မှန်းမသိခဲ့ပေ။နောက်ဆုံး၌ နည်းလမ်းနှစ်ခုကိုစဉ်းစားမိသည်။ ပထမတစ်ခုက တိုလီမိုလီ ကုန်ဟောင်းများရောင်းချ သည့် သူတစ်ယောက်အနေဖြင့်ချည်းကပ်ရန်ဖြစ်ပြီး နောက်တစ်နည်းမှာ သူနှင့်ပလဲနံသင့်သောလူတစ်ယောက်ထံချည်းကပ်၍ ဦးထွန်းစိန်အား လက်ဆောင်ပစ္စည်းပေးစေရမည်ဖြစ်သည်။ထိုသို့စဉ်းစားပြီးနောက် ပို၍လွယ်ကူမည်ထင်သော ဒုတိယနည်းကိုရွေးချယ်ခဲ့လေသည်။ သို့နှင့် ကျွန်ုပ်သည် စက်ရှင်မင်းကြီး၏အိမ်သို့ဝင်ထွက်သွားလာသောသူများကိုသိရှ်ိအောင်လေ့လာရတော့သည်။မင်းကတော်ကြီးမှာ အသက် ၄၀ ခန့်သာရှိသေး၍ရုပ်ရည်အလွန်နုပျို ပြီးမင်းပွဲ၊ကပွဲ၊အလှူ အတန်း၊မင်္ဂလာဆောင် ၊ဂါးဒင်းပါတီ၊တီးပါတီတို့တွင် အလွန်ဝါသနာ ထုံကာအပျော်အပါးကြိုက်သူတစ်ယောက်ဖြစ်၏။ဦးထွန်းစိန်မှာမူအလွန်ရိုးသား၍မည်သူ့ကိုမဆို ခပ်မှန်မှန်ခပ်တန်းတန်း နေထိုင်တတ်သူဖြစ်လေသည်။ အထက်ပါအကြောင်းများကို ကျွန်ုပ်သည်သူ၏ဘဏ္ဏာစိုးဖြစ်သူ ကိုတင်စိုးဆိုသူထံမှကြားသိရလေသည်။ကိုတင်စိုးမှာဦးထွန်းရှင်၏ကားကိုလည်းမောင်းရသူဖြစ်ရာ တစ်နေ့သ၌ ကျွန်ုပ်သည်အခါကောင်း၊အခွင့်ကောင်းကိုချောင်းမြောင်းနေသည့်သူတစ်ယောက်ဖြစ်သည့်အတိုင်းကားစောင့်ရင်းအနီးရှိတရုတ်ဟိုတယ်တစ်ခုသို့၎င်းအားခေါ်သွားပြီးလျှင် အရက်ဖြင့်လောကဝတ်ပြု ကာမိတ်ဖွဲ့လေ၏။ သို့နှင့် သူ့အား နှစ်ကြိမ် သုံးကြိမ်မျှ ချိန်း၍တွေ့ဆုံကာ ကျွန်ုပ်က ဖောဖောသီသီ တိုက်ကျွေးသောအခါ ကိုတင်စိုးနှင့် ကျွန်ုပ်မှာ အတော်ပင် အကျွမ်းတစ်ဝင် ဖြစ်ခဲ့လေသည်။ တစ်နေ့သောတနင်္ဂနွေ တစ်ရက်တွင် ကိုတင်စိုးသည်အားလပ်ရက်ရသဖြင့် ကျွန်ုပ်နေသောအခန်းလေးသို့ရောက်လာရာ ကျွန်ုပ်က ဘီယာ ၂ ပုလင်းမှာထားပြီး တရုတ်အကြော်ဆိုင်မှ ဘဲကင်၊ ဝက်ပေါင်ခြောက်ကင်များဖြင့်ဧည့်ခံလေ၏။ထိုအခါ အခွင့်သာဆုံးအချိန်ကိုရောက်လာပြီဖြစ်၍ ကျွန်ုပ်က ကိုတင်စိုးအား "သြော် ဒါထက် ကိုတင်စိုး ကျုပ်တစ်ခုပြောချင်တာရှိတယ်ဗျာ ခင်ဗျားတော့ ဆောင်ရွက်ပေးနိုင်ပါလိမ့်မယ်" "ဘာများလဲဆရာရဲ့ ၊ဆရာ့ကိစ္စရှိရင် ကျနော်အသက်နဲ့လဲပြီးဆောင်ရွက်ပေးနိုင်ပါတယ်" "ကျုပ် တစ်ခါက မန္တလေးမှာလူသတ်မှုဖြစ်ဖူးတယ်။အမှုကတော့အမှုမှန်ပဲ။နို့ပေမယ့် သက်သေမလုံလောက်တာနဲ့ လွှတ်ပေးလိုက်တယ်။အဲ့ဒီတစ်ရားသူကြီးဟာတစ်ခြားလူမဟုတ်ဘူး။အခု ခင်ဗျားဆရာ ဦးထွန်းစ်ိန်ပဲ" "ဆရာကတော့ မမှန်တာ မလုပ်ပါဘူးခင်ဗျာ ၊လာဘ် သပ်ပကာဆိုတာလည်း ဘယ်တော့မှလက်ခံတဲ့သူမဟုတ်ဘူး တစ်ခါတရုတ်သဌေးတစ်ယောက် ငွေ ၅၀၀၀ လာပေးတာ အိမ်ကမောင်းချလို့ အတော်လေးဂယက်ရိုက်သွားတယ် ကျနော်ကအစင်းသိမို့လားခင်ဗျာ" "အဲဒါကြောင့်ခက်တာပေါ့ဗျာ" "ဆရာက ဘာပြောချင်လို့တုန်း" "ကျုပ်ပေးချင်တာက လာဘ်မဟုတ်ပါဘူး ၊အဖိုးတော့မတန်ပါဘူး " "ဆရာကဘာလက်ဆောင်ပေးချင်လို့လဲ" "ဟောဟို စားပွဲပေါ်မှာတင်ထားတဲ့ မှန်ကလေးပါ ။" "ဆရာ့ လက်ဆောင်တော့ သဘောကျမှာပဲဆရာရေ့ မင်းကတော်ကအင်မတန်အလှကြိုက်တာ" ထို့နောက် ကျွန်ုပ်လည်းလှိမ့်လက်စနှင့်ဆက်၍လှိမ့်ရာ မောင်တင်စိုးမှာဘီယာတန်ခိုးကြောင့်၎င်း၊ ကျွန်ုပ်အား ခင်မင်ရင်းနှီးသောကြောင့်၎င်း ကျွန်ုပ်လုပ်ကြံပြောဆိုသော ဇာတ်ကြောင်းကိုယုံကြည်လျှက်ရှိ၏။သို့နှင့် ထိုနေ့ညနေက ကျွန်ုပ်လည်းစားပွဲတင် မှန်ကလေးကိုဂုန်နီအိတ်သစ်တစ်လုံးနှင့်ထည့်၍သပ်ရပ်စွာထုတ်ပိုးပြီးမြင်းလှည်းဖြင့် မောင်တင်စိုးအပြန်တွင်ထည့်ပေးလိုက်လေသည်။ .................................. နောက်တနင်္ဂနွေ၌ မောင်တင်ထွန်းသည် ကျွန်ုပ်ထံသို့ရောက်ရှိလာ၍ ကျွန်ုပ်ပေးလိုက်သောမှန်ကလေးကို မင်းကတော်ကြီး နှင့်စက်ရှင်မင်းကြီးမှအလွန်တစ်ရာကြိုက်နှစ်သက်ကြကြောင်း၊မင်းကတော်ကြီးမှအလွန်ပင်နှစ်သက်သဘောကျ ကြောင်း၊ စက်ရှင်မင်းကြီးကမူ အမှုတစ်ခုအတွက်သက်သေခံတင်ပြသောပစ္စည်းတစ်ခုအနေဖြင့်မှတ်မိနေသော်လည်း မှန်ကလေးမှာ မင်းကြီးနှင့်မင်းကတော်တို့ အမြတ်တစ်နိုး ထားခြင်းကိုခံရပြီး လျှင် ယခုအခါ နေအိမ်ဧည့်ခန်းအတွင်းတွင်ရှိနေပြီဖြစ်သဖြင့် ကျွန်ုပ်မှာကျေနပ်ရလေတော့သည်။မောင်တင်စိုးအား ဘီယာဖြင့်ထပ်မံဧည့်ခံပြီးနောက် ရယ်မောစရာများဖြင့်အချိန်ကိုကုန်လွန်စေခဲ့ပြီးလျှင် နောက်တစ်ပတ်အတွင်း၌မန္တလေး သို့ ခရီးထွက်ဦးမည့်အကြောင်းမလှိမ့်တစ်ပတ်ပြောဆိုထားခဲ့ပြီးလျှင် အစုန်စာပို့သင်္ဘော ဆိုက်ရောက်သောနေ့၌ ပြည်မြို့ သို့စုန်ဆင်းခဲ့လေ၏။ပြည်မြို့သို့ရောက်သောအခါယခင်ကနေခဲ့ဖူးသော ဘုရားကြီးစေတီအနီးရှိ ကွမ်းခြံတွင် သာယာအေးချမ်းစွာနေထိုင်လျှက်ရှိခဲ့လေသည်။ထိုအတောအတွင်း ကျွန်ုပ်သည် မောင်စိန်ဘန်းကို လုံးလုံးသတိမရပဲရှိနေလေသည်။တစ်နေ့သောအခါ တွင် ဘေးခြံထဲမှ မိန်းမတစ်ယောက်သည် မင်္ဂလာလက်ဖွဲ့ပေးရန်အတွက် ဘဲဥ ပုံမှန်ကြီးတစ်ချပ်ကို ခေါင်းပေါ်တွင်ရွက်၍ လာသည်ကိုတွေ့ရလေသည်။ထိုအခါကျမှ ကျွန်ုပ်သည် အတန်ကြာမေ့လျော့နေပြီ ဖြစ်သောမောင်စိန်ဘန်းအား ရုတ်တရက်သတိရလာခဲ့လေသည်။ကျွန်ုပ်သည် သတိရလျှင်ရခြင်း အဝတ်အစားအောက်ဆုံးထပ်၌ထားသော မောင်စိန်ဘန်း၏စာရွက်ထုတ်ကို ဖတ်ရှုရန်အတွက်ဆွဲထုတ်လိုက်လေတော့သည်။ ...................... လွန်ခဲ့သော ၁၂ နှစ်ခန့်က ကျနော်သည်မြန်မာဇာတ်ပွဲတစ်ခုနှင့်အတူ ရှမ်းပြည်မြောက်ပိုင်းရှိ မြို့တစ်မြို့၌ကပြလျှက်ရှိစဉ် အင်းလေး ခေါ်ရှမ်းရွာကလေးတစ်ရွာမှ မနန်းညွန့် ဆိုသူမိန်းမပျိုတစ်ယောက်နှင့် ခင်မင်ရင်းနှီးရာ မှ လူငယ်သဘာဝ ချစ်သူများဖြစ်ခဲ့ကြလေသည်။မနန်းညွန့်မှာ မိခင်ကြီးတစ်ယောက်တည်းသာရှိတော့သည်ဖြစ်၍ သားမိနှစ်ယောက်တောင်ယာလုပ်ရင်း ဈေး နေ့များတွင်ဈေးသို့တက်၍ဈေးရောင်းခြင်းစသည့်အလုပ်များကိုလုပ်ရင်း ဆင်းဆင်းရဲရဲနှင့် ဘဝကို ရုန်းကန်နေကြရသည်။ ကျနော်လည်းပါလာသမျှပစ္စည်းလေးများကိုထုခွဲ လိုအပ်သည်များကိုဝယ်ပေးရင်းနှင့် မနန်းညွန့်နှင့်တိတ်တဆိတ်ပေါင်းသင်းနေရာ မနန်းညွန့်မိခင်က အရှည်ကိုတွေး၍ ကျတော်တို့ပေါင်းသင်းနေထိုင်ခြင်းကို သဘောမတူချေ။ ဤသို့ဖြင့် ရက်ပေါင်း ၂၀ ခန့်လောက်တွင် ကျနော့တွင်ပါသမျှ ပစ္စည်းများမှာကုန်ခမ်းလေတော့သည်။ထိုအခါ ရှိသမျှအဝတ်အစားများကို ရောင်းချပေါင်နှံရတော့သည်။ ကျနော်၏အကြောင်းများကို ဇတ်ဆရာသည်မန္တလေးသို့ပြန်ရောက်သောအခါ ကျနော့ဖခင်ထံသို့အကြောင်းစုံကိုပြောပြလေသည်။ကျနော့် ဝါသနာကြောင့်သာ ဇာတ်ထဲသို့လိုက်ခဲ့သော်လည်း ကျနော်တို့မှာဆင်းဆင်းရဲရဲမဟုတ်ပဲ သူများနည်းတူ နေနိုင်စားနိုင်သူများဖြစ်ကြသည်။ အဖေသည် ကျနော့အကြောင်းကြားကြားချင်း ရွာသို့ လိုက်လာပြီး ကျနော့အားပြန်ခေါ်လေသည်။ယခုအခါ ငယ်သေးသောအရွယ်ဖြစ်သဖြင့် ခေတ္တခေါ်ထားမည်ဖြစ်ကြောင်း ၁၀ တန်းအောင်ပြီးသောအခါတွင် လာရောက်၍တောင်းရမ်း ပေးမည်ဖြစ်ကြောင်း အစရှိသဖြင့် မနန်းညွန့်တို့သားအမိ ကျေနပ်အောင် စီကာပတ်ကုန်းပြောလေသည်။ ကျနော် မှာအဖေ့ပြောစကားကို ယုံကြည်မိသော်လည်း မနန်းညွန့်နှင့် သူ့အမေမှာ ယုံကြည်ကြပုံမရချေ။သို့သော်အပြောကောင်းသောဖခင်ကြီးသည် လာရောက်တောင်းရမ်းခြင်းမပြုနိုင်မီစပ်ကြား သုံးစွဲရန်အတွက်ဟုဆိုကား ငွေ သုံးရာ အား မနန်းညွန့်တို့သားမိအားပေးခဲ့သေးသည်။ဖခင်ကြီးသည် လူငယ်တို့၏ချစ်ခြင်းအား မည်သို့မှခွဲမည်မဟုတ်ပဲ ယုံကြည်စိတ်ချရန်၊ စိုးရိမ်ခြင်းမဖြစ်ရန် အတန်တန်ပြောဆို၍ ကျနော့အားခေါ်ဆောင်ကာ ပြန်ခဲ့ကြလေသည်။ ရထားပေါ်တွင်ကျနော်၏ဖခင်ကြီးက "ဘယ့်နှယ်လဲဟေ့ မောင်စိန်ဘန်း မင်းယောက္ခမလောင်းကြီးအကြောင်းကြားရတာမကောင်းပါလားကွယ်" "ဘာလဲ ဖေဖေ ဘာဖြစ်လို့လဲ" "ရပ်သိရွာသိ ကဝေမကြီး တစ်ယောက်ဆိုပါကလား" "အလကားသက်သက် မနာလိုလို့ပြောကြတာပါ။မဟုတ်ပါဘူး ဖေဖေ" "ငါသတင်းကြားရတာတော့ သမီးလုပ်တဲ့သူတောင် သူ့ပညာတွေသင်ပေးထားသတဲ့" "မဟုတ်တာဖေဖေရယ် ဟုတ်ရင်ကျနော်သိမှာပေါ့" "ဒါမျိုး ကသိဖို့အခက်သားလားကွယ့်" "ဒါလည်း ဟုတ်ပါတယ် ဖေဖေ နို့ပေမယ့်သားအပေါ်မှာတော့သူတို့သားမိနှစ်ယောက်လုံးကောင်းကြပါတယ်" "ကောင်းကြတယ်ဆိုတာက ရှေ့ကိုမျှော်လင့်ချက်နဲ့ ချစ်ခင်ဟန်ဆောင်တာတွေလည်း ရှိတယ်ကွဲ့" ထို့နောက်ဖခင်ကြီးသည်ကျနော့အားဆုံးမစကားပြောပြီးနောက် ရက်ပေါင်း ၂၀ ခန့်သာပေါင်းသင်းခဲ့သော မနန်းညွန့်အကြောင်းကို အပြန်ပြန်အလှန်လှန်စဉ်းစားနေမိတော့သည်။ .......................... အတိုချုပ်ရသော် ကျနော်နှင့် မနန်းညွန့်အဆက်အသွယ်ပြတ်သွားကြပြီးမကြာခင် မှာပင် ပွဲစားတစ်ဦး၏သမီး မစောရင် နှင့်ပေးစားလိုက်တော့၏။မစောရင်မှာကျနော့အားချစ်ကြိုက်၍မဟုတ်ပဲ မိဘများသဘောတူသဖြင့်ယူလိုက်ရသောကြောင့် တစ်ယောက်နှင့်တစ်ယောက်မကြာခဏစကားများရန်ဖြစ်ပြီးလျှင် ကျနော်တို့အိမ်ထောင်ရေးမှာ အဆင်မပြေခဲ့ပေ။ တစ်နေ့ လူတစ်ယောက် ဂုန်နီအိတ်ကြီးထမ်း၍ဝင်လာရာ ကျနော့မှာ မမှတ်မိသဖြင့် ၎င်းကပင် "ဆရာလေး ကျနော့မမှတ်မိဘူးထင်တယ် ဆရာလေးနဲ့ မနန်းညွန့် လက်ထပ်တုန်းက....." "သြော် မှတ်မိပြီ ကိုဝဏ္ဏ လာထိုင်ဗျာ" "မနန်ညွန့်ကဆရာ့ ကိုဒီမှန်ကလေး ပေးခိုင်းလိုက်လို့ဗျာ ကျနော့မှာ ဆရာလေးပြောခဲ့ဘူးတဲ့လိပ်စာက်ိုသွားရှာတာ အဲ့ဒီကပြောလိုက်လို့ ဒီရောက်လာတာဗျို့" "မနန်းညွန့်ရော .........." "သူ ဆုံးရှာပြီ ဆရာလေး မဆုံးခင်ကကျနော့ကိုဒီမှန်လေးဆရာလေးဆီရောက်အောင်ပို့ပေးပါလို့မှာတယ် ဒီမှန်လေးကိုကြည့်ပြီးအလွမ်းဖြေပါလို့ မှာခဲ့ပါတယ်" "သြော်မနန်းညွန့် သေခါနီးတောင် ကျနော့ကို စွဲလန်းသွားရှာတာကိုး" "ပြီးတော့ပြောသေးတယ်သူကလူသာသေတာ ဝိဥာဉ်ကမသေဘူးတဲ့၊ဒီမှန်ကလေးထဲမှာစောင့်နေမယ်လို့ပြောသွားပါတယ်ခင်ဗျာ" ထို့နောက်ဦးဝဏ္ဏလည်းပြန်သွားလေသည်။ မစောရင်ပြန်ရောက်သောအခါ သူ့အတွက်လေလံပွဲတစ်ခုမှဝယ်လာခဲ့ကြောင်း လှည့်ပတ်ပြော၍ အလုပ်စားပွဲနှင့်မနီးမဝေးရှိလေးထောင့်စားပွဲကလေးတစ်ခုပေါ်တွင်တင်ထားလိုက်သည်။ တစ်နေ့သော စနေနေ့၌ကျနော်သည် အိမ်ရှေ့ဧည့်ခန်းရှိပက်လက်ကုလားထိုင်တွင်ထိုင်၍စာဖတ်နေရင်းတိုင်ကပ်နာရီမှ ၁၁ နာရီထိုးသံကြားသောအခါ ကိုယ်လက်ဆန့်တန်း၍သန်းဝေကာ အိမ်ရှေ့သို့ ခဏမျှလှမ်းကြည့်လိုက်သည်။မစောရင် သည် ညပါတီပွဲတစ်ခုသို့သွားရာခုချိန်ထိပြန်မလာသေးပေ။လလေးကသာနေသည့်အတွက်ပြတင်းပေါက်လေးမှတစ်ဆင့် စားပွဲခုံလေးပေါ်သို့ဖြာကျနေသည်။ထိုအခါ စားပွဲခုံပေါ်တင်ထားသောမှန်ကလေးအား တည့်တည့်ကြီးအလင်းရောင်ထိုးလျှက်ရှိသည်။ရုတ်တရက် မှန်မျက်နှာပြင်ပေါ်တွင် မြူ ခိုးများ ယှက်သန်းနေသည်ကိုတွေ့မြင်လိုက်သဖြင့်အံ့အားသင့်သွားခဲ့သည်။ညနေကမှ သေချာတိုက်ထားသောမှန်ကလေးသည် ယခုအဘယ့်ကြောင့် မှုန်မှိုင်းနေရသနည်း ဟုတွေး၍ အံဆွဲတွင်းမှအဝတ်စကိုထုတ်၍ တစ်ခါထပ်သုတ်လိုက်ပြီးလျှင် ကုလားထိုင်ပေါ်သို့ ပြန်ထိုင်လိုက်ပြန်သည်။ပြန်၍ထိုင်မိလျှင်ထိုင်မိချင်း မှန်ကလေးမှာ တစ်ဖန်ပြန်၍အုံ့မှိုင်းလာသောကြောင့် အဝတ်စကိုကိုင်၍ မှန်လေးအနီးသို့ရောက်သောအခါအဖြူရောင်အငွေ့များသည် ငြိမ်၍မနေပဲ မှန်၏အလယ်သို့ တစ်ဖြေးဖြေးစုစုသွားလေသည်။ထိုအဖြူရောင်အလုံးလေးသည်တစ်ဖြေးဖြေး ကြီး၍ကြီး၍လာပြီးလျှင် ပထမဦးစွာ လူခေါင်းသဖွယ်ဖြစ်လာပြီးလျှင်ခဏကြာသောအခါလူတစ်ယောက်၏ပုံစံ ပေါ်လာလေသည်။ထိုသဏ္ဌန်သည် တစ်ကိုယ်လုံးပေါ် မြင်နိုင်သည်ထိနောက်သို့ရွေ့သွားပြန်သည်။ထိုအချိန်တွင်ပတ်ဝန်းကျင်ရှိအခိုးအငွေ့များလည်းတစ်ဖြေးဖြေး ပျောက်ကွယ်သွား၍ မိန်းကလေးတစ်ယောက်၏ပုံသဏ္ဌန်မှာထင်ထင်ရှားရှားပေါ်လာတော့သည်။ကျနော့အားညှိုးငယ်သောမျက်လုံးများဖြင့်ကြည့်၍နေသော မနန်းညွန့်ကိုမြင်ရတော့သည်။ "ညွန့် ညွန့် ရေ မင်းနဲ့တော့ဘဝချင်းခြားနေပြီကွယ် ဒီအနားတိုးခဲ့စမ်းပါဦး ညွန့်ရယ်" မနန်းညွန့်သည် ကျနော်နှင့် လူချင်းထိတွေ့မတတ်ရှေ့သို့တိုးလာနေသည်။သို့သော်စကားတော့ပြော၍ရဟန်မတူချေ။ "မောင်နဲ့ ခုလို နေ့တိုင်းစကားပြောနိုင်သလား" ပုံရိပ် သည် ခေါင်းကိုညိတ်ပြ၏။ "မောင့်ကိုအရင်ကလို ချစ်သေးရဲ့လား" ခေါင်းကိုယမ်းပြ၏။ "ဘာဖြစ်လို့လဲ " လက်ညှုိးနှစ်ချောင်းကိုယှက်ပြ၏။ "မောင့်မှာ မိန်းမရှိလို့လား" ခေါင်းညိတ်ပြ၏။ "ဒါဖြင့် မောင့်မှာ မိန်းမ မရှိတော့ရင် ချစ်ဦးမယ်ပေါ့" ပြုံးလျှက် ခေါင်းညိတ်ပြ၏။ဤကဲ့သို့စကားပြောရင်း ခြေရိပ်လက်ရိပ်ပြ၍ ပြောဆိုကာ အချိန်အတန်ကြာသော် ပုံရိပ်သည် ခြေဟန်လက်ဟန်ပြ၍ အလွန်ဝေးသောအရပ်သို့လက်ညှုိးထိုး၍သွားရတော့မည် ဟူသောလက္ခဏာနှင့်နှုတ်ဆက် ဟန်ပြုကာ ပျောက်ကွယ်သွားလေသည်။ထိုနေ့မှစ၍ ကျနော်သည် မနန်းညွန့်၏ဝိညာဉ်ဖြင့်နေ့စဉ်စကားပြောဖြစ်၏။ည၁၀ နာရီထိုးသည်နှင့် ကျနော်မှန်ရှေ့သို့ရောက်ရှိလာရာမှန်ကလေးထဲတွင်မြူ ခိုးများယှက်သန်းလာကာ မနန်းညွန့်ရောက်ရှိလာသည်။ တစ်နေ့သော ည အခါ၌ မနန်းညွန့်နှင့်ချစ်တင်းနှောစကားပြောလျှက်ရှိစဉ် ရုတ်တရက်အိပ်ခန်းတံခါးပွင့်လာပြီး မစောရင်သည် ဧည့်ခန်းထဲသို့ရောက်ရှိလာလေသည်။မစောရင်သည် မှန်ဆီသို့ချက်ချင်းရောက်လာ၍မှန်ထဲက အရိပ်ကိုလည်းမြင်၍သွားဟန်ရှိသည်။ထိုခဏ၌ အရိပ်သည်ပျောက်ကွယ်သွားလေသည်။ "ဒါကဘာလဲ ကိုစိန်ဘန်း ဘာအဓိပ္ပာယ်လဲ မျက်လှည့်လား" မစောရင်မှာထိုစကားတစ်ခွန်းသာပြောနိုင်လေသည်။အဘယ်ကြောင့်ဆိုသော သမင်မငယ်အားခုန်၍အုပ်သော ကျားတစ်ကောင်ကဲ့သို့ ကျနော်သည် မစောရင်အားခုန်၍အုပ်လိုက်ပြီးနောက်၎င်းလည်မျိုကိုတစ်အား ဖျစ်ညှစ်လျှက်ရှိ၏။ အပြင်မှမည်သည့်အသံမှမကြားရပေ။သူမ၏ဟစ်အော်သံများလည်း လည်ချောင်းအတွင်းမှတဂူးဂူးထွက်ပေါ်လာသောချွဲ သံများနှင့် ရောယှက်ကာအခန်းတွင်း၌ပင်ငြိမ်သက်ပျောက်ကွယ်သွားဟန်ရှိသည်။ ကျနော်ကိုယ်တိုင်မှာမူ အပြင်မှဝိညာဉ်တစ်ခုသည် ကျ နော့ဝိညာဉ်အားလာရောက်ပူးပေါင်းကာတိုက်ခိုက်နေသည့်အလားယခင်ကထက်အင်အားကြီးမားလာပြီးလျှင်မစောရင်၏လည်မျို ကိုမလွှတ်ပဲရှိတော့သည်။ထို့နောက် ကျနော်၏အသိဥာဏ်သည်လည်း မှန်ထဲတွင်မြင်တွေ့ရသော မြူ ခိုးများကဲ့သို့အုံ့မှိုင်းကာကျနော့အားဖုံးအုပ်သွားပြီးနောက် မည်သည့် အရာကိုမျှ ကျနော်မသိတော့ချေ ။ အထက်ပါအကြောင်းအရာများကို ကျနော်မှတရားသူကြီးအားပြောပြခဲ့ပါသော်လည်း ၎င်းမှာ အမှုနှင့်လည်းမသက်ဆိုင် ယုံကြည်မှုလည်းမရှိကြောင်း ပြောသဖြင့် ကျနော်က မယုံကြည်လျှင် ဤမှန်ဝိုင်းကလေးကို သက်သေအဖြစ်ယူ၍ အိမ်သို့သယ်ဆောင်ကာ ည ၁၀ နာရီအချိန်တွင် ကြည့်ရှုပါရန် ပြောကြားသော်လည်း အစိုးရရှေ့နေကြီးကကန့်ကွက်သည်။တရားသူကြီးကလည်း ၎င်း၏သဘောနှင့်ကိုက်ညီ၏။သို့ဖြစ်ပါ၍ ကျနော့အား အမိန့်ချမှတ် အပစ်ပေးစီရင်ခဲ့သောတရားသူကြီး လက်တွေ့သိစေရန် နောင်ကြီးအားအကူအညီတောင်းခံခဲ့ခြင်းဖြစ်ပါသည်။ နောင်ကြီး၏ ဆောင်ရွက်မှုအတွက်ရောက်လေရာဘဝမှ လှိုက်လှိုက်လှဲလှဲ ကျေးဇူးတင်ရှိပါကြောင်းးးးးး စိန်ဘန်း အထက်ပါစာကိုဖတ်ပြီးနောက်ကျွန်ုပ်မှာကြက်သီးမွှေးညှင်းများထလာကာ ဘေးဘီဝဲယာသို့ပင်ကြည့်ရှုမိတော့သည်။ မောင်စိန်ဘန်း၏ အတ္ထု ပ္ပတ္တိ ကိုဖတ်ရပြီးနောက် ၃ လခန့်မျှကြာသောအခါတွင်စက်ရှင်မင်းကြီးဦးထွန်းစိန်သည် ရုတ်တရက်ရူးသွပ်သွားပြီးလျှင် သူ၏မင်းကတော်အား လည်မျိုကိုညှစ်၍သတ်လိုက်ကြောင်းဖြင့်ထူးဆန်းသောလူသတ်မှုတစ်ခုဟုခေါင်းစဉ်တပ်ပြီးလျှင် သူရိယသတင်းစာ၌ ပါလာသည်ကို တွေ့မြင်ရလေသတည်း။

[ပြီးပါပြီ]

ဒဂုန်ရွှေမျှားဝတ္ထုအား ပြန်လည်ကူးယူဖော်ခြင်းဖြစ်ပါသည်။

ကြိုးစားလျက်

ရာဝန