ပါဠိ အလွယ်​ဖက်​နည်း

* လူတိုင်းအတွက် ပါဠိ အလွယ်ဖတ်နည်း ၊
ကျက်နည်း *
--------------------------------------------------
တစ်ခါသော် ကျွန်ုပ်သည် ကောလိပ်တုန်း ကျောင်းနေဖက် သူငယ်ချင်း တစ်ယောက်အား ပါဠိတော်များကို ဖတ်ပြရ၏ ။
ကျွန်ုပ် ဖတ်ပြသည်ကို နားထောင်၍ သူက အောက်ပါအတိုင်းမေးလေ၏ ။

" မင်း ဘုန်းကြီးကျောင်းနေဖူးသလား? "

" ဘုန်းကြီးကျောင်းနေမှ
ပါဠိဖတ်တတ်ရမှာလား ။
တစ်ချို့စာအုပ်တွေမှာ ပါဠိဖတ်နည်း
လမ်းညွန်ထားတာလေးတွေ ရှိတယ် ။
အဲ့ဒါမှတ်ထားပြီး ကိုယ်တိုင်လည်း
ဘုရားဟော ပရိတ်တော်တွေ
ပါဠိဂါထာတွေဖတ် ၊ ဆရာတော်ကြီးတွေ
ဟောတဲ့ ပရိတ်တရားခွေတွေလည်း
နာကြားပြီး အလေ့ကျင့်လုပ်ရင်း
ဖတ်တတ်သွားတာပါပဲ " ။

ကျွန်ုပ်တို့ မြန်မာ ဗုဒ္ဓဘာသာဝင်များသည် ပါဠိ နှင့် မစိမ်းပါ ။ ဘုရားရှိခိုးရာတွင်လည်းကောင်း အန္တရာယ်ကင်းစေရန် ၊ ကံကောင်းစေရန် စသည်ဖြင့် ဂါထာ မန္တန်များကိုလည်း ပါဠိဘာသာဖြင့် ရွတ်ဆိုနေကြပါသည် ။ နေ့စဉ် ပြောဆိုနေသော မြန်မာစကားမှာပင် ပါဠိဝေါဟာရများ ၊ပါဠိမှ ဆင်းသက်လာသော ပါဠိသက် စကားလုံးများ အများအပြားရှိပါသည် ။
သာဓက အနည်းငယ်ပြရလျှင် ...
" အနိစ္စ " သဘောနဲ့ " ကိစ္စ " ချောသည် ။
" သတ္တဝါ " တစ်ခု " ကံ " တစ်ခု ။
" လောကဓံ "လူတိုင်းကြုံ ကြရ ။
( လောကဓံ = လောကဓမ္မ )
" နာယက " ကြီးမှ " ဩဝါဒ " စကားမိန့်ကြား ။
" ပုဗ္ဗစရိယ " မိနှင့်ဖ ။ ( ပုဗ္ဗ + အာစရိ )
" ပရိတ် " ရွတ်လျှင် " အန္တရာယ် " ကင်း၏ ။
( ပရိတ် = ပရိတ္တ )

ပရိတ်တော်များကို ကိုယ်တိုင်လည်းရွတ် ၊ သံဃာတော်များမှ ရွတ်ဖတ်လျှင်လည်း လေးလေးစားစား နာကြားကြပါသည် သို့သော် ပရိတ်တော်၏ အာနိသင် အပြည့်အဝ ရရန်မှာမူ အောက်ပါအတိုင်း အင်္ဂါပြည့်စုံဖို့လိုပါသည် ။

ပရိတ်ရွတ်သူ၌ ပြည့်စုံရမည် အင်္ဂါသုံးပါးကား ..

၁ ။ အနက် သဒ္ဒါကို သုတ်သင်၍
ကောင်းစွာသင်ယူထားခြင်း ။

၂ ။ ပုဒ် ၊ ဗျည်းတို့ကို မယုတ်စေရ ၊
ပြည့်စုံအောင် လေ့လာ
ကျတ်မှတ်ထားခြင်း ။

၃ ။ လာဘ်လာဘကိုမငဲ့ မေတ္တာရှေ့ထား၍
ရွတ်ဆိုခြင်း ။

ပရိတ်နာကြားသူ ၌ ပြည့်စုံရမည် အင်္ဂါသုံးပါးကား ...

၁ ။ ပဉ္စာနန္တရိယကံ မရှိခြင်း ၊
( အမိ အဖ သတ်ခြင်း စသော
ကြီးလေးသည့်ကံငါးပါး )

၂ ။ နိယတ မိစ္ဆာဒိဋ္ဌိ မဟုတ်ခြင်း ။

၃ ။ ပရိတ်တန်ခိုးကို ယုံကြည်ခြင်း ။

* သဒ္ဒါအနက် မှန်လျှက် ရှိစေ ၊
ကျေအောင်လေ့လာ ၊
မေတ္တာရှေ့ထား ၊ ရွတ်သူအား ၊
ကျိုးများ ပရိတ်မြတ် ။

* ပဉ္စာနန္တရိ နိယတဒိဌိ ၊
ပရိတ်မယုံ နာသူကြုံ ၊
ကျိုးဂုဏ်မရတတ် ။

သို့ပါ၍ ကိုယ်တိုင်ပရိတ်တော်များကို ရွတ်ဖတ်မည်ဆိုပါလျှင် အနက် အဓိပ္ပာယ်ကို ကောင်းစွာ သိရုံမျှဖြင့်မပြီး ။ ပုဒ် အက္ခရာ မှန်ကန်စွာ ရွတ်ဖတ်တတ်ရန်လည်း လိုအပ်ကြောင်း သိသာထင်ရှားပါသည် ။ ပရိတ်တော်များမှ မဟုတ်ပါ အခြားဘုရားဟော ပါဠိတော်များကို ရွတ်ဆိုရာတွင်လည်း ဤနည်း အတိုင်းပင်ဖြစ်ပါသည် ။

ဤဆောင်းပါတွင် ပါဠိဝေါဟာရများကို လေ့ကျင့် ရွတ်ဖတ်နိူင်ရန် ပြည့်ပြည့်စုံစုံ စုစည်း ဖော်ပြထားပါသည် ။ ယင်း ဝေါဟာရများအားလုံးကို အသံထွက်၍ ဖတ်ကြည့်ပြီးလျှင် ပါဠိစာပေကို မရွံ့မကြောက် ကောင်းစွာ ရွတ် ဖတ်သွားနိူင်လိမ့်မည်ဟု ယုံကြည်ပါကြောင်း ......

အသတ်များကို ဆက်တိုက် ပေါင်းဖတ်ပါ

မြန်မာစာတတ်သူ အများစုသည် ပါဠိဖတ်ကျင့်မရှိ၍သာ မဖတ်တတ်ခြင်းဖြစ်ပါသည် ။
သစ္စာ ၊ သတ္တိ ၊ လိမ္မော် ၊သမဂ္ဂ ၊ အက္ခရာ စသည့်တို့ကို ဖတ်သည့်နည်းအတိုင်း အောက်ပါ ရှည်သော ပါဠိပုဒ် များကို ဖတ်ကြည့်ပါ ။

သမ္ပယုတ္တကာနဉ္စ
( သမ်ပယုတ်တ,ကာနင်စ )

သမ္မာသင်္ကပ္ပ
( သမ်မာ,သင်ကပ်ပ )

သဗ္ဗဂန္တပ္ပဟီနဿ
( သပ်ဘဂန်တပ်,ပဟီနတ်သ )

သဒ္ဓမ္မဿ ဝနံ
( သတ်ဓမ်မတ်,သဝနံ )

ဒုဗ္ဘိက္ခန္တရကပ္ပ
( ဒုတ်ဘိတ်ခန်တရကပ်ပ )

ပဋိစ္စသမုပ္ပန္န
( ပတိတ်စ,သမုပ်ပန်န )

ပဋိက္ကမန္တုတု
( ပတိတ်ကမန်တု )

တင်္ခဏုပတ္တိဉာဏ်
( တင်ခနုတ်ပတ်တိညန် )

အဗ္ဘုဂ္ဂစ္ဆိ
( အတ်ဘုတ်ဂစ်ဆိ )

နိန္နဉ္စပူရေန္တော
( နိန်နင်စ,ပူရင်တော )

ဩက္ကန္တိက္ခဏေ
( အောက်ကန်တိတ်ခနေ ) ( ဩ = အော )

ဝိပ္ပယုတ္တပစ္စယေနေ
( ဝိပ်ပယုတ်တ,ပစ်စယေန )

ကမ္မဝိသုဒ္ဓိမတ္တနော
( ကမ်မ,ဝိသုတ်ဒိ,မတ်တနော )

သန္ဓိစ္ဆေဒေါ
( သမ်ဒိတ်ဆေဒေါ )

ပပဉ္စသမတိက္ကန္တေ
( ပပင်စ,သမတိတ်ကန်တေ )

ဓမ္မစက္ကပဝတ္တနသုတ္တ
( ဓမ်မစက်က,ပဝတ်တနသုတ်တ )

ဂဗ္ဘဝေါက္ကန္တိံ
( ဂပ်ဘဝေါက်ကန်တိန် )

စိတ္တက္လေသေဟိ
( စိတ်တက်လေသေဟိ )

ပရနိမ္မိတဝသဝတ္တီ
( ပရနိမ်မိတ,ဝသ,ဝတ်တီ )

ဝေသာရဇ္ဇပ္ပတ္တော
( ဝေသာရစ်ဇပ်,ပတ်တော )

သဗ္ဗသမ္ပတ္တိသိဒ္ဓိယာ
( သတ်ဘ,သန်ပတ်တိ,သိတ်ဒိယာ )
------------------------------------------------
လျှာလိပ်သံဖြင့် ဖတ်ရမည် " ရ "

ပါဠိ ၌ ရကောက် နှင့်ရေးသော အရာဟူသမျှ လျှာလိပ်သံဖြင့် ဖတ်ရမည် ။
အင်္ဂလိပ် အက္ခရာ ( R ) အသံထွက်ကဲ့သို့ မှတ်ပါ ။

ရက္ခ ကို " ယက်ခ " ဟု မဖတ်ရ ။
ရူပက္ခန္ဓာ ကို " ယူပတ်ခန်ဒါ " မဖတ်ရ ။
ရာဂ ကို " ယာဂ " ဟု မဖတ်ရ ။
ကရုဏာ ကို " ဂယုနာ " ဟု မဖတ်ရ ။

အောက်ပါစာလုံးများအား " ရ " ကောက်
( လျှာလိပ်သံ ) ဖြင့်ဖတ်ကြည့်ပါ ။

ပုရိသ ၊ ရမတိ ၊ ကရောတိ ၊ကုဝေရ ၊ ရာဇာရတန ၊ရာဇဓမ္မ ၊ရူပါဝစရ ၊ ရောရုဝ ၊ ကန္တာရ ၊ရာဟုလာ ။

ရက္ခိတ ( ရက်ခိတ )
ကမ္မက္ခရ ( ကမ်မတ်ခရ )
ပရိက္ခာရ ( ပရိတ်ခါရ )
ရတနတ္တယ ( ရတနတ်တယ )
အန္တရန္တရာ ( အန်တရန်,တရာ )
ပရိစ္စာဂ ( ပရိတ်စာဂ )
ရူပရမ္မဏ ( ရူပရမ်မန )
နိမ္မာနရတိ ( နိမ်မာ,နရတိ )
ပရိစ္ဆေဒ ( ပရိတ်စေဒ ) ။

ညကြီးသည် ဉ ငယ်နှစ်လုံးဆင့်

' သုည ' နှင့် ' ပညာ ' ကို အဘယ်ကြောင့်
' သုန်ည ' ၊ ' ပင်ညာ ' ဟု ဖတ်ရကြောင်း သိသူနည်းပါးသည် ။
ပါဠိ ရေးထုံးအရ ညကြီးသည် ဉ ငယ် နှစ်လုံးဆင့်ထားသောကြောင့် သုည ကိုခွဲရေးပါက ' သုဉ် ဉ 'ဖြစ်ပြီး ..
ပညာ ကိုခွဲရေးပါက ' ပဉ် ဉာ ' ဖြစ်ပါသည် ။
ဤနည်းအတိုင်း အောက်ပါပုဒ်များကို ဖတ်ကြည့်ပါ .....
ပုည ( ပုန်ည )
ကတညုတ ( ကတင်ညုတ )
သညာက္ခန္ဓာ ( သင်ညက်ခန်ဒါ )
အပ္ပမညာ ( အပ်ပ,မင်ညာ )
ဒုပ္ပညော ( ဒုပ်ပင်ညော )
အညတရ ( အင်ညတရ )
အနုညာတ ( အနုံညာတ )
ပဋိညာဉ် ( ပတိန်ညင် )
အညမည ( အင်ညမင်ည )
ဝိညူ ( ဝိန်ညူ )
ဝိန်ညာဏ် ( ဝိန်ညန် )
ပညတ္ထိ ( ပင်ညတ်ထိ )
သာမည ( သာမင်ည )
အဘိညာဉ် ( အဘိန်ညင် )
ကာရုည ( ကာရုန်ည )
သဗ္ဗညု ( သပ်ဗင်ညု )
သညာ ( သင်ညာ )
ဝိညာဏက္ခန္ဓာ ( ဝိန်ညာနက်ခန်ဒါ )
ပရိညာ ( ပရိန်ညာ )
ဟိရည ( ဟိရင်ညာ )
အသညတ်သတ် ( အသင်ညတ်သတ် )
ဝေလည ( ဝေလင်ည )

အထက် ရကောက်သံနှင့် ဉ နှစ်လုံးဆင့် ညကြီး ကိုဖတ်တတ်သွားပါက ရတနသုတ်လာစာကြောင်းကို ဖတ်ကြည့်စေလိုပါသည် ။

ဝရော ဝရညူ ဝရဒေါ ဝရာဟရော ၊
အနတ္တရော ဓမ္မဝရံ အဒေသယိ ။

ဤတွင် ဓမ္မ ကို ' ဓမ ' ဟုမဆိုဘဲ ' ဓမ်မ ' ဟု ပီသစွာ ရွတ်ဆိုပါ ။
.............................................................
' သ ' နှစ်လုံးဆင့်ထားသော ' ဿ '

' ဿ ' ( သ,ကြီး ) သည် ' သ ' နှစ်လုံးဆင့်ထားခြင်းဖြစ်၍ အရှေ့မှ ' သ ' ကို
' တ ' အနေယူ၍ အသံထွက်ရပါမည် ။

နမောတဿ ကို ' နမောတသ ' ဟု ဆိုလျှင် မမှန်ဘဲ ' နမောတတ်သ ' ဟုရွတ်ဆိုရပါမည် ။
ကဿ ပ ( ကတ်သပ )
ဂေဟဿိတ ( ဂေဟတ်သိတ )
ဝိပဿ နာ ( ဝိပတ်သနာ )
ဒဿ န ( ဒတ်သန )
ဝိပဿီ ( ဝိပတ်သီ )
ဒုဿီလ ( ဒုတ်သီလ )
နိဿ ယ ( နိတ်သယ )
ပဿာဝ ( ပတ်သာဝ )
ဖုဿ တီ ( ဖုတ်သတီ )
ဝဿ ( ဝတ်သ )
သဿ တ ( သတ်သတ )
သမာဓိဿ ( သမာဓိတ်သ )
အဿာသ ( အတ်သာသ )
ဝီရိယဿ ( ဝီရိယတ်သ )
ပေါက္ခရဝဿ ( ပေါက်ခရဝတ်သ )
ဒွါဒဿ ဟိ (ဒွါဒတ်သဟိ )
ပရိမုစ္စိဿာမိ ( ပရိမုတ်စိတ်သာမိ )
နိဿိတ ( နိတ်သိတ )
ပိယဒဿီ ( ပိယဒတ်သီ )
မနုဿ ( မနုတ်သ )
ဗိဿ နိုး ( ဗိတ်သနိုး )
သဿ မေဓ ( သတ်သ,မေဒ )
အဿု ( အတ်သု )
တထာဂတဿ ( တထာ, ဂတ်တသ )
သောဝစ္စဿ တ ( သောဝစ်စတ်သတာ )
ဇာတိဿ ရဉာဏ် ( ဇာတိတ်သရညန် )
ကမ္မပ္ပဋိဿ ရဏော ( ကမ်မတ်ပတိတ်,သ,ရနော )
ဥဿ ဟ ( အုတ်သဟ )
ပဿ တိ ( ပတ်သတိ )
ဖဿ ( ဖတ်သ )
မိဿ ( မိတ်သ )
သင်္ကဿ ( သင်ကတ်သ )
သိဿ ( သိတ်သ )
အနုဿ တိ ( အနုတ်သတိ )
ဆန္ဒဿ ( ဆန်ဒတ်သ )
ဣဿာ ( အိတ်သာ )
-----------------------------------------------
' ဌ ' နှင့် ' ဋ္ဌ ' မတူ

' ဌ ' ကို ( ထဝမ်းဘဲ ) ဟုဖတ်ပါ ။ ' ဌ ' သည် အောက်ပါစာလုံးများစွာ၌ ပါရှိ၏ ။
အမည်တွင် ' ဋ္ဌေး ' ပေါင်းခြင်းမှာ မှား၍
' ဌေး ' ဟုသာပေါင်းရမည် ။
အကြောင်းမှာ ' ဋ္ဌ ' သည် ' ဌ ' အပေါ်တွင် ' ဋ ' ဆင့်ထားခြင်းဖြစ်၍ အပေါ်မှ ' ဋ ' ကို
' တ ' အသွင်ဖြင့် ပေါင်းဖတ်ရသည် ။
ဆဋ္ဌမ ( ဆတ်ထမ )
ရဋ္ဌ ( ရတ်ထ )
ကမ္မဋ္ဌာန ( ကမ်မတ်ဌာန )
သေဋ္ဌေ ( သစ်ထေ )
မိစ္ဆာဒိဋ္ဌိ ( မိတ်ဆာ,ဒိတ်ထိ )
အကနိဋ္ဌိ ( အ,ကနိတ်ထ )
အရိဋ္ဌ ( အရိတ်ထ )
ဥက္ကဋ္ဌ ( အုတ်ကတ်ထ )
ကပ္ပဋ္ဌီတိ ( ကပ်ပတ်ထီတိ )
သန္နိဋ္ဌာန် ( သန်နိတ်ထန် )
အဋ္ဌမ ( အတ်,ထမ )
အဋ္ဌကထာ ( အတ်ထ,ကထာ )
ဇေဋ္ဌ ( ဇစ်ထ )
သေဋ္ဌိ ( သစ်ထိ )
ဓမ္မဓိဋ္ဌာန် ( ဓမ်မ,ဒိတ်ထန် )
အနိဋ္ဌ ( အနိတ်ထ )
အသံကလိဋ္ဌ ( အ-သံ,ကလိတ်ထ )
ဥက္ကုဋ္ဌ ( အုတ်ကုတ်ထ )
အဋ္ဌဒိသာ ( အတ်ထ,ထိသာ )
အဋ္ဌိ ( အတ်ထိ )
သေဋ္ဌ ( သစ်ထ )
ဒိဋ္ဌိဓမ္မ ( ဒိတ်ထ,ဓမ်မ )
မုဋ္ဌိ ( မုတ်ထိ )
အပ္ပတိဋ္ဌ ( အပ်ပ,တိတ်ထ )
ဣဋ္ဌာ ( အိတ်ထာ )
ဖုဋ္ဌဿ ( ဖုတ်ထတ်သ )
နိဋ္ဌိတံ ( နိတ်ထိတန် )

ဤ တွင် အလျဉ်းသင့်၍ အမှားများသော စာလုံးပေါင်းတစ်ခုကို တင်ပြလိုပါသည် ။
ငှက်အကြောင်းရေးသားထားသော ဆောင်းပါ တစ်ပုဒ်တွင် အစ စာလုံးတစ်လုံးတည်းသာ
' ငှက် ' ဟု အမှန်ပေါင်းထားပြီး ဆောင်းပါး ပြီးဆုံးသည်အထိ ကျန်စာလုံးပေါင်းများကို
' ဌက် ' ဟုပေါင်းထားပါသည် ။
စာရေးသူ ဖတ်လိုက်တိုင်း ' ထက် ' ဟုသာ အသံထွက်နေသဖြင့် အတော်အရုပ်ဆိုးသော စားလုံးပေါင်းအမှားဟု ဆိုချင်ပါသည် ။
' ဌ ' ( ဌဝမ်းဘဲ ) သည် ' ငှ ' (ငဟထိုး ) မဟုတ်ပါ ။ အလားတူ အမှားတစ်ခုမှ
' အလုိ့ငှာ ' ကို ' အလို့ဌာ ' ဟုရေးခြင်းဖြစ်ပါသည် ။ ' ပါဠိ ' ကို ' ပါဋ္ဌိ ' ဟု မှားပေါင်းရေးကြပါသည် ။
မြန်မာစာကို ပီပီသသ ရေးစေလိုသော ဆန္ဒဖြင့် တင်ပြရခြင်း ဖြစ်ပါသည် ။
ထို့ကြောင့်လည်း စာရေးဆရာ ဦးတင့်ဆွေက သူ၏ တင့်ဆွေနီတိ စာအုပ်တွင် အောက်ပါအတိုင်းရေးထားသည် ။
" မနက်ဖြန် ဘွဲ့ယူတော့မယ်ဆိုရင် ဒီကနေ့
ဋ ၊ဌ ၊ ဍ သုံးလုံးကို မှန်အောင်ရေးသွားပါဦး

ရှေးလူကြီးများသည် ...
" စာတစ်လုံး ဘုရားတစ်ဆူ " ဟူသော စကားအတိုင်း မြန်မာစာကိုလွန်စွာမှ အရေးထား၏ ။

အညစ်အကြေး သုတ်သင်ရာမှာပင် မြန်မာသတင်းစာကိုမသုံး ။

မြတ်ဗုဒ္ဓသည် သတ္တဝါများအပေါ်ထားရှိသည့် ကြီးမားသော မဟာကရုဏာတော် ဖြင့်
လေးသင်္ချေ နှင့် ကမ္ဘာတစ်သိန်းကာလပတ်လုံး ပါရမီတော်တို့ကို ဆည်းပူးဖြည့်ကျင့်ပြီးမှ ရရှိလာသော သဗ္ဗညုတ ရွှေ ဉာဏ်တော်ဖြင့်
ဟောကြားအပ်သော ဘုရားရှင်၏ နှုတ်တော်ထွက် ပါဠိတော်တို့ကို တတ်နိူင်သ၍ အရေးအသား ၊အရွတ်အဖတ် အမှားကင်းအောင် လုံးလပြုသင့်ကြပါသည် ။
-------------------------------------------------

ယရစ်သံမပါသော ပါဌ်ဆင့်များ

' မေတ္တာ ' ကို မြန်မာလို ' မြစ်တာ ' ဟုဆိုသော်လည်း ပါဠိအသံထွက်အမှန်မှာ ယရစ်သံမပါသော ' မစ်တာ ' ဖြစ်ပါသည် ။
အလားတူ စကားလုံးများမှာ ..
ပစ္စယ ( ပစ်စယ )
ပစ္စေကဗုဒ္ဓါ ( ပစ်စေကဗုတ်ဒါ )
မစ္ဆရ ( မစ်ဆရ )
ဥပေက္ခာ ( ဥပစ်ခါ )
ပစ္စဝက္ခဏာ ( ပစ်စဝက်ခနာ )
မဇ္ဇ ( မစ်ဇ )
မဇ္စိုမ ( မစ်ဇိမ )
ပစ္စုပ္ပန္နံသေ ( ပစ်စုပ်ပန်နံသေ )
မစ္စု ( မစ်စု )
ဥပစ္ဆေဒက ( ဥပစ်ဆေဒက )
------------------------------------------------

အက္ခ3 ' ဧ 'ကို ' အေး ' မဖတ်ရဘဲ ' အေ ' ဟုသာဖတ်ရမည် ။

ပါဠိဘာသာ၌ ဝစ္စပေါက် ၊ အောက်ကမြစ် မရှိဟု မှတ်သားရပါသည် ။

ဧကဂ္ဂတာ ( အေကတ်ဂတာ )
ဧဟိပဿ က ( အေဟိ,ပတ်သိက )
ဧကတ္ထ ( အေကတ်ထ )
ဧဝံ မေ သုတံ ( အေဝန်,မေသုတံ )
ဧကံ သမယံ ( အေကံ,သမယံ )
ဧဟိဘိက္ခု ( အေဟိဘိတ်ခု )
------------------------------------------

' ဟထိုး ' ( -ှ ) ပါဌ်ဆင့်များ

ပါဠိစကားလုံးများ၌ ' ဟထိုး ( -ှ ) ပါက ၎င်းအပေါ်မှ အက္ခရာကို နှစ်လုံးထပ်အနေဖြင့် ယူ၍ပေါင်းရသည် ။

မယှံ ( မယ်ယှံ)
အမှေဟိ ( အမ်မှေဟိ)
တုမှာကံ ( တုန်မှာကံ )
ဇိဝှဂ္ဂ ( ဇိန်ဝှက်ဂ )
ဥဏှော ( အုန်နှော )
သညှီ ( သင်ညှီ )
ဂိမှ ( ဂိမ်မှ )
သဏှ ( သန်နှ )
ဇာလမှာ ( ဇာလန်မှာ )
ဇုဏှာ ( ဇုံနှာ )
တုဏှိဘာဝေ ( တုန်နှိဘာဝေ )
ကဏှ ( ကန်နှ )
ပုဗ္ဗဏှန္တိ ( ပတိတ်ဂန်နှံတိ )
အဘိဏှ ( အဘိန်နှံ )
ဝိသယှ ( ဝိသယ်ယှ )
ဇိဝှါ ( ဇိန်ဝှါ )
မရဏမှာ ( မရနန်မှာ )
ဘူတင်္ဂမှိ ( ဘူတင်ဂမ်မှိ )
---------------------------------------------
' ဝ ' ဆွဲ

( -ှ ) ဟထိုး နည်းတူ ' ဝ ' ဆွဲ အပေါ်မှ အက္ခရာ ကိုလည်း နှစ်လုံးထပ်အနေ ယူရ၏ ။

သတွာ - သတ္တဝါ

( ' ဝ ' ဆွဲဟူသည် အရှေ့မှ ' ဝ ' ကို အောက်သို့
ဆွဲယူထားခြင်းဖြစ်သည် ။ )

လောကဝတ် ( လောကွတ် )
အာဝဇ္ဇေတွာ ( အာဝစ်ဇစ်တဝါ )
ပူရေတွာ ( ပူရစ်,တဝါ )
ဘဏာပေတွာန ( ဘနာပစ်,တဝါန )
ဌပေတွာ ( ထပစ်တဝါ )
ပတွာ ( ပတ်တဝါ )
ဒိသွာ ( ဒိတ်သဝါ )
သရိတွာ ( သရိတ်,တဝါ )
ကတွာန ( ကတ်,တဝါန )
ပါပေတွာ ( ပါပစ်တဝါ )
ဟိတွာ ( ဟိတ်တဝါ )
ဝိဒိတွာ ( ဝိဒိတ်တဝါ )
ဉ တွာ ( ညတ်တဝါ )
-------------------------------------------

ရရစ် 'ြ ' သည် ရကောက်ဖြင့် ရစ်ထားခြင်းဖြစ်၍ ရကောင်သံဖြင့် ဖတ်ရ၏ ။

( ကြိယာ - ကရိယာ )

'ြ ' ရရစ် အတွင်းမှ စာလုံးကို နှစ်လုံးထပ် ယူရသည် ။

တတြ ( တတ်,တရ )
ဥတြာသီ ( အုတ်,တရာသီ )
စိတြ ( စိတ်,တရ )
ဂဒြဘ ( ဂတ်ဒရဘ )
အနုတြာသီ ( အနုတ်,တရာသီ )
အညတြ ( အင်ညတရ )
သန္တိန္ဒြိယော ( သန်တိန်ဒရိယော )
နာညတြ ( နင်ညတ်တရ )
ဘဒြာနိ ( ဘတ်ဒရာနိ )
------------------------------------------------

ယပင့် ' -ျ '

ယပင့် ' -ျ ' သည် ယပလက်ဖြင့် ပင့်ထားခြင်းဖြစ်၍ ' ယ ' အသံထွက်၏ ။
ယင်းအပေါ်မှ အက္ခရာကိုလည်း နှစ်လုံးထပ် အနေဖြင့် ယူရသည် ။

နျာသ ( နယာသ)
ဆဗျာ ( ဆပ်ဗျာ)
နိသျ ( နိတ်သယ)
စာဏကျ ( စာနက်ကျ )
နိသျည်း ( နိတ်သယီး )
အဗျာပဇ္ဇာ ( အပ်ဗျာပစ်ဇာ )
သကျ မုနိ ( သက်ကျ မုနိ )
----------------------------------------------

' ဠ ' ( ကြီး ) ' လ ' သတ်

လ ၊ ဠ ( ကြီး ) သတ်သည် နသတ်နှင့် အသံထွက် တူ၏ ။

ဒဠ ( ဒန်လှ )
ဒဠေန ( ဒန်လှေန )
ဝေပုလ္လ ( ဝေပုန်လ )
ဝလ္လဘ ( ဝန်လဘ )
ဥလ္လပ္ပန ( အုတ်လပ်ပန )
ဒုလ္လဘ ( ဒုန်လဘ )
----------------------------------------------

ေ - တ် ၊ေ - သ် ၊ေ - ဋ်

ခေတ္တ ( ခစ်တ )
နေတ္ထိ ( နစ်ထိ)
ဝေဿ ဘူ ( ဝစ်သဘူ)
မေတ္တာ ( မစ်တာ)
အရိမေတ္တယျ ( အရိမစ်တရ )
ဝေဿ န္တရာ ( ဝစ်သန်တရာ )
ဧတ္တ ( အစ်တ )
ဝေဿ ( ဝစ်သ )
-------------------------------------------------

ေ -ာန် ၊ေ - ဏ် ၊ေ - မ် ( အွန် )

ကောဏ္ဍည ( ကွန်ဒင်ည )
ကရောန္တော ( ကရွန်တော )
ဟောန္တု ( ဟွန်တု )
ကမ္မဿ ကောမှိ ( ကမ်မတ် သကွန်မှိ )
----------------------------------------------

ေ -ာတ် ၊ေ -ာဋ် ၊ေ -ာဗ် ၊ေ -ာဇ် ( အွတ် )

ကောဋ္ဌာသ ( ကွတ်ထာသ )
ဩဋ္ဌော ( အွတ်ထော )
ဖောဋ္ဌဗ္ဗာ ( ဖွတ်ထတ်ဘာ )
သောတ္တိံ ( သွတ်ထိန် )
ဩဋ္ဌဋ္ဌာန် ( အွတ်ထထန် )
ဩတ္တပ္ပ ( အွတ်တပ်ပ )
ဗောဇ္ဈင် ( ဘွတ်ဇင်)
------------------------------------------------

ထူးသောပုဒ်များ

ဇိဝှိန္ဒြိယံ ( ဇိန်ဝှိန်ဒရိယံ )
ဘဝန္တွန္တရာယာ ( ဘဝန်တွန်တရာယာ )
ဝဍ္ဎန္တိ ( ဝတ်ဒန်တိ )
' ဍ္ဎ ' သည် ဍရင်ကောက် အောက်မှ ဎရေမှုတ် ဆင့်ထားခြင်းဖြစ်သည် ။
ဝဍ္ဎာ ( ဝုတ်ဒါ )
ဝဍ္ဎနော ( ဝတ်ဒနော )
အဂ္ဂိဍဍ္ဎောဝ ( အက်ဂိဒတ်ဒေါဝ )
အဍ္ဎု ဍ္ဎု ( အတ်ဒုတ်ဒု )
------------------------------------------------

မှားတတ်သော စာလုံးပေါင်းများ

ဒဏ် ( ဒါဏ် မဟုတ် )
အရုဏ် ( အာရုဏ် မဟုတ် )
မဏ္ဍပ် ( မဏ္ဍာပ် မဟုတ် )
သင်္ဂါယနာ ( သံဃာယနာ မဟုတ် )
ကတိ ( ဂတိ မဟုတ် )
ဒုက္ကရစရိယာ ( ဒုက္ခစရိယာ မဟုတ် )
သတ္ထာဝေဝမနုဿာနံ ( သတ္တာ မဟုတ် )
' သတ္ထာ ' ဖြစ်သည် ။ သတ္ထာ = ဆရာ
'သတ်ထာ ' ဟုပီသစွာဖတ်ပါ ။
အနုတ္တရော ပုရိသ ဒမ္မသာရထိ
( ဓမ္မသာရထိ မဟုတ် )
' ဒမ္မ ' ဒမ်မ = ဆုံးမခြင်း ၊ ယဉ်ကျေးစေခြင်း ။
အာရောဂျ ပရမာ လာဘာ ( အာရောက်ဂျ ) ဟုဖတ်ပါ ။

ပါဠိဖတ်နည်းနှင့် တစ်ဆက်တည်းမှာပင် စာဖတ်သူများ ပါဠိဘာသာ ရေး ၊ ဖတ်ရာတွင် အမှားအယွင်း နည်းစေရန် နှင့် ဘာသန္တရ ဗဟုသုတ ရရှိစေရန် ပါဠိဘာသာ ဝေါဟာရများဆင့်ပုံကိုပါ ဖော်ပြလိုက်ပါသည် ။

ပါဠိ ( ပါဌ်ဆင့် ) ရေးထုံး

မြန်မာ အက္ခရာများတွင် .....
' က ' အစ ' င ' အဆုံး ငါးလုံးကို ( က ) ဝဂ် ၊
' စ ' အစ ' ည ' အဆုံး ငါးလုံးကို ( စ ) ဝဂ် စသည်ဖြင့် ခေါ်၏ ။
ဝဂ်များအားလုံး၏ ပထမဆုံးအစ စာလုံးနှင့် တတိယစာလုံးတို့ကို ' စာဖို ' ဟုလည်းကောင်း၊
ဒုတိယနှင့် စတုတ္ထစာလုံးတို့ကို ' စာမ ' ဟု လည်းကောင်း ခေါ်ပါသည် ။
( က ) ဝဂ် တွင် ' က ' နှင့် ' ဂ ' သည် ' စာဖို ' ဖြစ်၍ ' ခ ' နှင့် ' ဃ ' သည် ' စာမ ' ဖြစ်၏ ။
ပါဌ်ဆင့်ရေးရာ၌ တူသော ' စာဖို ' အချင်ချင်း ထပ်ရေးနိူင်၏ ။
' စာမ ' အချင်းချင်း ထပ်မရေးနိူင် ။

သက္ကရာဇ် ၊ ကုက္ကို ၊ တက္ကသိုလ် ၊ ဘိသက္က ၊ သစ္စာ ၊ အနိစ္စ ၊ နစ္စ ၊ သောဝစ္စဿ တ ၊ ဝဋ္ဋ ( ဝဋ် ) ၊ ဝိဝဋ္ဋ ( နိဗ္ဗာန်) ၊ ကဝဋ္ဋ ( တံငါသည် )၊
သတ္တဝါ ၊ အနုတ္တရော ၊သတ္တိ ၊
ဥတ္တမ ( မြတ်သော ) ၊ သိပ္ပံ ၊ သပ္ပယ ၊
ခိပ္ပံ ( လျှင်မြန်စွာ ) ၊ဝိပ္ပလ္လာသ ၊
ထုလ္လ ( ဆူဖြိုးသော ) ။

' စာမ ' အပေါ်တွင် ယင်း၏ အရှေ့မှ ' စာဖို ' ကိုထပ်၍ ရေးနိူင်၏ ။
' စာဖို ' ပေါ်တွင် ' စာမ ' ထပ်၍ မရေးနိူင် ။

အက္ခရာ ၊ ပရိက္ခရာ ၊ ပဋိပက္ခ ၊ ရုက္ခစိုး ၊ ပုစ္ဆာ ၊ ပစ္ဆိမ ၊ တိရစ္ဆာန် ၊ သတ္ထာ ၊ ဝတ္ထု ၊စတုတ္ထ ၊ ဝတ္ထာရ ၊ ပုပ္ဖ ၊ဂဗ္ဘိနီ ၊ ဗျဂ္ဃ ၊ ဗုဒ္ဓ ၊
သုဒ္ဒ ၊ဓမ္မိယာလဒ္ဓ ။

ဝဂ်များတွင် နောက်ဆုံးစာလုံးများသည် အချင်းချင်း ဆင့်နိူင်သကဲ့သို့ အရှေ့မှ စာဖို ၊ စာမ များ၏ အပေါ်မှာလည်း ဆင့်နိူင်၏ ။

ည ( ဉ နှစ်လုံးဆင့် ) ၊ ဿ ( သနှစ်လုံးဆင့် )
သန္နိဋ္ဌာန် ၊ သမ္ပန္နော ၊ ကဏ္ဍက ၊ကုဏ္ဍလ ၊ ကသ္မီရ ၊ ကုမ္ဘဏ္ဍ ၊ ဍု ဏ္ဍလ ၊အနုကမ္ပာ ၊သမ္ပတ္တိ ၊ဂမ္ဘီရ ၊အမ္ဗဋ္ဌ ၊ အယျ ( အယ်ယ ) ၊သုဝဏ္ဏ ၊ ပဏ္ဏာ ၊ ဝဏ္ဏိက ၊ ပကိဏ္ဏက ၊သမ္မာဒေဝ ၊ ဘုမ္မစိုး ၊နိမ္မိတ ၊သဏ္ဌာန ၊ကန္တာရ ၊ခန္ဓာ ။
-------------------------------------------------

ပါဠိ အလွယ်ကျက်မှတ်နည်း

စာရေးသူ၏ ကိုယ်တွေ့ ပါဠိ အလွယ် ကျက်မှတ်နည်း ကို တင်ပြလိုပါသည် ။ ဦးစွာ ပါဠိဘာသာ ကို ခက်သည်ဟု သဘောမထားဘဲ
" ငါကျက်လျှင် ရမှာဘဲ " ဟု စိတ်ကို ဆုံးဖြတ်ထားပါ ။ မိမိကျက်လိုသော ဂါထာဖြစ်စေ သုတ်တော်ကိုဖြစ်စေ နေ့စဉ် မှန်မှန် စာအုပ်ကြည့်၍ အသံထွက် ရွတ်ဖတ်သွားပါ ။ ရက်အနည်းငယ်ကြာလျှင် ရွတ်ဖတ်မူ အဆင်ချော သွားသကဲ့သို့ အချို့နေရာများတွင် စာအုပ်ကိုမကြည့်ဘဲ ရွတ်ဖတ်လာနိူင်သည်ကို တွေ့ရပါသည် ။
ဤနည်းအတိုင်း စိတ်ရှည်ရှည်ထားပြီး ရွတ်ဖတ်သွားပါလျှင် မြတ်ဗုဒ္ဓ ၏ တန်ဖိုးမဖြတ်နိူင်သော နှုတ်ကပါဌ်တော်များကို မိမိရင်ထဲတွင် စွဲထင်လာပါလိမ့်မည် ။
နီးစပ်ရာ ပုဂ္ဂိုလ်များကို ဤနည်းပေးခဲ့ရာ လွယ်ကူစွာပင် ကျက်မှတ်နိူင်ကြပါသည် ။ မိမိတို့ အလွတ်ရပြီးဖြစ်သော ပါဠိတော်များကို မမေ့ပျောက်သွားစေရန် ဝတ်တစ်ခုထား၍ မကြာမကြာ ရွတ်ဖတ်ပေးဖို့လိုပါသည် ။
ပါဠိ အသံထွက်များ နားယဉ်သွားစေရန် ဆရာတော်ကြီးများ ဟောကြားထားသော ပရိတ်တော် ၊ သုတ်တော် ၊ ကက်ဆက်ခွေ ၊ စီဒီခွေ များကိုလည်း အချိန်ယူပြီးနာကြားသင့်ပါသည် ။
ရွတ်တော့ရွတ်နေတာပဲ အဓိပ္ပာယ်ဘာမှန်း မသိ ဆိုသည်မျိုးမဖြစ်သင့်ပါ ။ မိမိတို့ရွတ်ဖတ်သော ပါဠိတော်များ၏ အနက် အဓိပ္ပာယ်ကို သေချာဂနစွာ နားလည်အောင် မှတ်သားပြီး ရွတ်ဖတ်နေစဉ် ယင်းအနက်ကို ဆင်ခြင်ခြင်းဖြင့်သာ အဓိပ္ပာယ်ရှိသော ရွတ်ဖတ်ခြင်း ဖြစ်ပါမည် ။
ဆောင်းပါး နိဂုံးချုပ်အနေဖြင့် စာဖတ်သူများအား ပိဋကတ်သုံးပုံ အနှစ်ချုပ်ဟု ဆိုအပ်သော ဂါထာ တစ်ပုဒ်ကို ဓမ္မဒါန လက်ဆောင်ပြုလိုပါသည် ။ ဤဂါထာ ကို ပွင့်တော်မူပြီးသော ဘုရားရှင် အဆူဆူတို့က ဟောကြားတော်မူခဲ့ပါသည် ။ သက်တမ်းရှည်သော ဘုရားရှင်တို့၏ လက်ထက်တော် တွင်ပိဋကတ်သုံးပုံဟူ၍ ဟောကြားတော် မမူဘဲ ဤ တစ်ဂါထာ တည်းကိုသာ ဟောတော်မူသည် ဟု မှတ်သားရပါသည် ။
ထေရဝါဒ ဗုဒ္ဓဘာသာကို သက်ဝင်ယုံကြည် ကြသူ သူတော်ကောင်းအပေါင်းတို့ နိဗ္ဗာန်ရသည့်တိုင်အောင် လိုက်နာကျင့်သုံး ရမည့် လမ်းစဉ်သုံးရပ်ကို အတိအကျ လမ်းညွန်
ထားပါသည့် " ပါတိမောက်ဂါထာ " ကို အနက် အဓိပ္ပာယ်နှင့်တကွ ဆောင်ထားနိူင်ကြပါစေသော် ... ။

* သဗ္ဗပါပဿ အကရဏံ
( မကောင်းမူ ဟူသမျှကို မပြုရာ ။ )
No to do any evil.

* ကုသလဿ ဥပသမ္ဗဒါ
( ကုသိုလ်ကောင်းမူနှင့် ပြည့်စုံစေရာ၏ ။ )
To cultivate good.

* သစိတ္တပရိယောဒပနံ
( မိမိ၏စိတ်ကို ဖြူ စင်စေရာ၏ ။ )
To purify one's mind.

* ဧတံ ဗုဒ္ဓါနသာသနံ ။
( ဤသည်ကား ဘုရားရှင်တို့၏
အဆုံးမပေတည်း ။ )
This is the teaching of the Bud-dhas.
~~~~~~~~~~~~~~~~~~~~~~~~~~~~~~~~
စာရေးသူသည် မြန်မာစာ / ပါဠိစာပေ ပညာရှင် တစ်ဦးမဟုတ်ဘဲ သာမန် သိပ္ပံဘွဲ့ရ တစ်ဦးသာဖြစ်ပါသည် ။ ဤ ဆောင်းပါးမှာ စာပေကို ချစ်မြတ်နိုးစိတ်ဖြင့်သာ အားထုတ် ကြိုးပမ်းမူတစ်ရပ် ဖြစ်ပါ၏ ။ သို့ပါ၍ မှားယွင်းချွတ်ချော် ၊လိုအပ်ချက်များကို ပညာရှင်များအနေဖြင့် သည်းခံ ခွင့်လွှတ်စေလိုပါကြောင်း ( ထောက့်ပြပါရန် ) ။

မောင်ဉာဏ်ပွင့် ( မောရ )

မှီငြမ်းပြု စာရင်း -
၁ ။ အခြေပြု ပါဠိ သဒ္ဒါ
ဦးဖေမောင်တင် ။
၂ ။ ပါဠိ - အင်္ဂလိပ်စကားသင်နည်း
ဆရာဉာဏ် ။
၁၉၅၈ ခု ၊ စက်တင်ဘာလ ။
၃ ။ ဓမ္မပဒ ၊ ပါဠိ-မြန်မာ-အင်္ဂလိပ် သုံးဘာသာ
ကြီးပွားရေး ဦးသိန်း ။
၎ ။ ပါဠိ - မြန်မာ အဘိဓာန်
လှသမိန် ။
၅ ။ ခေတ်မှီ ပရိတ်ကြီး မြန်မာပြန်
ဆရာသူရိယပဏ္ဍိတ် ( ဓမ္မာစရိယ )
၁၉၈၁ ခု ၊ နိုဝင်ဘာလ ၊ ပထမအကြိမ် ။
၆ ။ ပရိတ်ကြီး နိဿ သယသစ်
သပြေကန်ဆရာတော်
အရှင်ဝါသေဋ္ဌာဘိဝံသ ။
၁၉၈၉ ခု ၊စက်တင်ဘာလ ၊ ပထမအကြိမ် ။
၇ ။ ခရီးဆောင် မြန်မာအဘိဓာန်
မြန်မာစာအဖွဲ့ ဦးစီးဌာန ။
၁၉၉၉ ခု ၊ စက်တင်ဘာလ ၊ပထမအကြိမ် ။

{ သူရိဇ္ဇမဂ္ဂင်း ၊၂၀၀၈ ခုနစ် ၊ ဇန်နဝါရီ လ ။ }
credit

AYT