မြန်​မာ့ပုတီး၁၀၈လုံးဘာ​ကြောင့်​ပါတာလည်း

မြန်မာစိပ်ပုတီးမှာ ၁၀၈ လုံးပါတာ ဘာကြောင့်ပါလဲ?
+++++++++++++++
ရေစကြိုအရှင်ဧသိက၊ စစ်တမ်း - စာ ၁၅၆ ရဲ့ စိပ်ပုတီးပြဿနာ အဖြေရှာ ဆိုတဲ့ ဆောင်းပါး လေးမှာ မြန်မာစိပ်ပုတီးရဲ့မြစ်ဖြာခံပုံကစပြီး စိပ်ပုတီးစိပ်ခြင်းရဲ့ အဓိပ္ပါယ်တွေ အသုံးပြုပုံတွေ ကိုစုံစုံလင်လင်လေး ဖေါ်ပြထားတာကြည်ညိုဖွယ်ဖတ်ရလို့အလွန်ကျေးဇူးတင်ပါတယ်။
အဲ့ဒီ ဆောင်းပါးမှာ ဟိန္ဒူဘာသာတွင် ဗိဿနိုးဂိုဏ်းဝင်တို့သည် ၁၀၈-လုံး ပုတီးကို အသုံးပြုလေ့ ရှိကြပြီးမြန်မာ တို့ကလည်း ၁၀၈-လုံး ပုတီး ကိုပင် အသုံးပြု များကြတယ်လို့လဲဖေါ်ပြထား ပါ တယ်။
ဘယ်လို အကြောင်းကြောင့် ပုတီး ၁၀၈-လုံးဖြစ်ဖြစ်၊ ပုတီးဝယ် ရင်လည်း ၁၀၈-လုံးရှိတဲ့ ပုတီးကုံးပဲ ၀ယ်လို့ရတာမို့ ပုတီးစိပ်မယ်ဆိုရင် မြတ်ဘုရားရဲ့ စက် လက္ခဏာတော် ၁၀၈ ကွက်ကိုရည်ရွယ်ပြီးစိပ်ကြမယ်ဆိုရင် ပိုမိုအံဝင်ပြီး၊ မြင့်မြတ်မယ်လို့ ထင်ပါတယ်။
ဘုရား၊ တရား၊ သံဃာကို အာရုံပြုမိအောင် နံပတ်များကို အောက်ပါကဲ့သို့ အာရုံပြုကြည့်ပါ။
၁။ နံပတ်ဆိုရင်။ မြတ်ဘုရားကိုအာရုံပြုပါတယ်။
၂။ နံပတ်ဆိုရင်။ ရုပ်နာမ်နှစ်ပါးလို့အာရုံပြုပါတယ်။
၃။ နံပတ်ဆိုရင်။ ဘုရား၊တရား၊သံဃာ၊ ရတနာသုံးပါး ကိုအာရုံပြုပါတယ်။
၎။ နံပတ်ဆိုရင်။ သစ္စာလေးပါး ကိုအာရုံပြုပါတယ်။
၅။ နံပတ်ဆိုရင်။ ဘုရား၊တရား၊သံဃာ၊ မိဘ၊ဆရာ၊ အန္တော အန္တ ငါးပါးကိုအာရုံပြုပါတယ်။
၆။ နံပတ်ဆိုရင်။ တရားဂုဏ်တော် ခြောက်ပါး ကိုအာရုံပြုပါတယ်။
၇။ နံပတ်ဆိုရင်။ ၀ိသုဒ္ဓိတရား (၇) ပါး ကိုအာရုံပြုပါတယ်။
၈။ နံပတ်ဆိုရင်။ မဂ္ဂင်ရှစ်ပါး ကိုအာရုံပြုပါတယ်။
၉။ နံပတ်ဆိုရင်။ ဘုရားဂုဏ်တော် ကိုးပါး ကိုအာရုံပြုပါတယ်။
၁၀။ နံပတ်ဆိုရင်။ ကိလေသာဆယ်ပါး ကိုအာရုံပြုပါတယ်။
စိတ်သာရှင်စောဘုရားဟော ဆိုတဲ့အတိုင်း စိတ်အာရုံကသာ ကောင်းကျိုး၊ ဆိုးကျိုး တို့ကိုဖြစ် စေတာမို့ ပုတီးလုံး ၁၀၈ လုံးကို မြတ်ဘုရားရဲ့စက်လက္ခဏာတော် ၁၀၈ ကွက်ကို အာရုံပြု မယ် ဆိုရင် ပိုမိုကောင်းမွန်မြင့်မြတ်မယ်လို့ထင်ပါတယ်။
အရှင်သာရိပုတ္တရာမှ သစ္စက၏အစ်မလေးယောက်အားမေးသောပုဒ်စာ (၁၀) မျိုး၏အဖြေ။
၁။ တစ်ခုသောတရားဆိုတာ = အာဟာရ။
၂။ နှစ်ခုသောတရားဆိုတာ = နာမ်နှင့်ရုပ်။
၃။ သုံးခုသောတရားဆိုတာ = ဝေဒနာသုံးပါး။
၎။ လေးခုသောတရားဆိုတာ = သစ္စာလေးပါး။
၅။ ငါးခုသောတရားဆိုတာ = ဥပဒါနက္ခန္ဓာ။
၆။ ခြောက်ခုသောတရား ဆိုတာ = အာယာတနခြောက်ပါး။
၇။ ခုနှစ်ခုသောတရား ဆိုတာ = ဗောဇ္ဈင်ခုနှစ်ပါး။
၈။ ရှစ်ခုသောတရား ဆိုတာ = မဂ္ဂင်ရှစ်ပါး။
၉။ ကိုးခုသောတရား ဆိုတာ = သတ္တ၀ါသဘုံကိုးဝ။
၁၀။ ဆယ်ခုသောတရားဆိုတာ = အင်္ဂါဆယ်ပါးနှင့်ပြည့်စုံသောရဟန္တာ။
မြတ်စွာဘုရားရှင် ကိုယ်တော်မြတ်ကြီး၏ နှစ်ဖက်သော ခြေဖဝါးတော်အပြင်တို့၌ တစ်ထောင် သော အကန့်၊ အကွက် အကွပ်တံကူ၊ ပုံတောင်းချက်မနှင့်တကွ ဖြစ်ကုန်သော၊ ခပ်သိမ်းသော အခြင်းအရာ တို့နှင့်ပြည့်စုံကုန်သော (၁၀၈)ကွက် စက်လက္ခဏာများမှာ---
(၁) သတ္တိစက်-လှံမပုံ။
(၂) သီရိဝစ္ဆစက်-အိမ်မွန်ပုံ။
(၃) နန္ဒိယာဝဋ္ဋစက်-ဇလပ်ပန်းပွင့်ပုံ။
(၄) သောဝတ္တိကစက်-လည်ရေးသုံးဆင့်ပုံ။
(၅) ဝဋံသကစက်-ဦးဆောက်ပန်းပုံ။
(၆) ဝဍ္ဎမာနကစက်-ထမင်းပွဲပုံ။
(၇) ဘဒ္ဒပီဌစက်-အင်းပျဉ်ဝန်း (ခေါ်) ရွှေသလွန်တော်ပုံ။
(၈) အင်္ကုသစက်-ချွန်းတောင်းပုံ။
(၉) ပါသာဒစက်-ပြာသာဒ်ပုံ။
(၁၀) တောရဏစက်-တံခါးတိုင်ပုံ။
(၁၁) သေတစ္ဆတ္တစက်-ထီးဖြူပုံ။
(၁၂) ခဂ္ဂစက်-သန်လျက်ပုံ။
(၁၃) တာလဝဏ္ဋစက်-ထန်းရွက်ယပ်ဝန်းပုံ။
(၁၄) မယူရဟတ္ထစက်-ဥဒေါင်းမြီးယပ်ပုံ။
(၁၅) ဥဏှီသစက်-သင်းကျစ်ပုံ။
(၁၆) မဏိစက်-ပတ္တမြားပုံ။
(၁၇) ပတ္တစက်-သပိတ်ပုံ။
(၁၈) သုမနဒါမစက်-မြတ်လေးပန်းဆိုင်းပုံ။
(၁၉) နီလုပ္ပလစက်-ကြာညိုပန်းပုံ။
(၂၀) ရတ္တုပ္ပလစက်-ကြာနီပန်းပုံ။
(၂၁) သေတုပ္ပလစက်-ကြာဖြူပန်းပုံ။
(၂၂) ပဒုမစက်-ပဒုမ္မာကြာပန်းပုံ။
(၂၃) ပုဏ္ဍရိကစက်-ပုဏ္ဍရိက်ကြာပန်းပုံ။
(၂၄) ပုဏ္ဏဃဋစက်-ရေပြည့်အိုးပုံ။
(၂၅) ပုဏ္ဏပါတိစက်-ရေဖြည့်ဖလားပုံ။
(၂၆) သမုဒ္ဒစက်-သမုဒ္ဒရာပုံ။
(၂၇) စက္ကဝါဠပဗ္ဗတစက်-စကြဝဠာတောင်ပုံ။
(၂၈) ဟိမဝန္တပဗ္ဗတစက်-ဟိမဝန္တာတောင်ပုံ။
(၂၉) မေရုပဗ္ဗတစက်-မြင်းမိုရ်တောင်ပုံ။
(၃၀) သူရိယမဏ္ဍလစက်-နေဝန်းပုံ။
(၃၁) စန္ဒမဏ္ဍလစက်-လဝန်းပုံ။
(၃၂) နက္ခတ္တာနိစက်-နက္ခတ်တာရာများပုံ။
(၃၃) ပုဗ္ဗဝိဒေဟစက်-အရှေ့ကျွန်းပုံ။
(၃၄) အပရဂေါယာနစက်-အနောက်ကျွန်းပုံ။
(၃၅) ဇမ္ဗုဒီပစက်-ဇမ္ဗူဒိပ်တောင်ကျွန်းပုံ။
(၃၆) ဥတ္တရကုရုစက်-မြောက်ကျွန်းပုံ။
(၃၇) စက္ကဝတ္တိစက်-စကြဝတေးမင်းပုံ။
(၃၈) ဒက္ခိဏဝဋ္ဋသင်္ခစက်-လက်ယာရစ်ခရုသင်းအဖြူပုံ။
(၃၉) သုဝဏ္ဏမစ္ဆယုဂဠစက်-ရွှေငါးကြင်းအစုံပုံ။
(၄၀) စက္ကာဝုဓစက်-စက်လက်နက်ပုံ။
(၄၁) လဝဏသီတာစက်-ဆားငန်ရည်သီတာပုံ။
(၄၂) ဥစ္ဆုသီတာစက်-ကြံရည်ချိုသီတာပုံ။
(၄၃) သုရာသီတာစက်-သေရည်သီတာပုံ။
(၄၄) သာဓိသီတာစက်-အမငခပ်သိမ်းပြီးသောသီတာပုံ။
(၄၅) ဒဓိသီတာစက်-နို့ဓမ်းသီတာပုံ။
(၄၆) ဒုဒ္ဓသီတာစက်- နို့ရည်သီတာပုံ။
(၄၇) ဇလသီတာစက်-ရေချိုသီတာပုံ။
(၄၈) ယုဂန္ဓရစက်-ယုဂန္ဓရတောင်ပုံ။
(၄၉) ဣသန္ဓရစက်-ဣသန္ဓရတောင်ပုံ။
(၅၀) ကရဝိကစက်-ကရဝိကတောင်ပုံ။
(၅၁) သုဒဿနစက်-သုဒဿနတောင်ပုံ။
(၅၂) နေမိန္ဓရစက်-နေမိန္ဓရတောင်ပုံ။
(၅၃) ဝိတနကစက်-ဝိတနကတောင်ပုံ။
(၅၄) အဿကဏ္ဏစက်-အဿကဏ္ဏတောင်ပုံ။
(၅၅) အနောတတ္တစက်-အနောတတ္တရေအိုင်ပုံ။
(၅၆) ကဏ္ဏမုဏ္ဍစက်- ကဏ္ဏမုဏ္ဍရေအိုင်ပုံ။
(၅၇) ရထကာရစက်-ရထကာရရေအိုင်ပုံ။
(၅၈) ဆဒ္ဒန္တစက်-ဆဒ္ဒန္တရေအိုင်ပုံ။
(၅၉) ကုဏာလစက်-ကုဏာလရေအိုင်ပုံ။
(၆၀) မဏ္ဍကိနီစက်-မဏ္ဍကိနီရေအိုင်ပုံ။
(၆၁) သီဟပ္ပပါတစက်-သီဟပ္ပပါတရေအိုင်ပုံ။
(၆၂) သုပဏ္ဏရာဇာစက်-ဂဠုန်မင်းပုံ။
(၆၃) သံသုမာရစက်-မိကျောင်းမင်းပုံ။
(၆၄) ဓဇောစက်-တံခွန်လျားပုံ။
(၆၅) ပဋာကစက်-တံခွက်ကုက္ကားပုံ။
(၆၆) သုဝဏ္ဏသိဝိကာစက်-ရတနာသန်လျင်ပုံ။
(၆၇) သုဝဏ္ဏဝါဠဗီဇနီစက်-ရွှေစာမရီသားမြီးယပ်ပုံ။
(၆၈) ကေလာသပဗ္ဗတစက်-ကေလာသငွေတောင်ပုံ။
(၆၉) သီဟရာဇာစက်-ခြင်္သေ့မင်းပုံ။
(၇၀) ဗျဂ္ဃရာဇစက်-ကျားမင်းပုံ။
(၇၁) ဝလာဟကအဿရာဇာစက်-ဝလာဟကမြင်းပျံပုံ။
(၇၂) ဥပေါသထဆဒ္ဒန္တ ဟတ္ထိရာဇာစက်-ဥပေါသထ ဆဒ္ဒန်ဆင်မင်းပုံ။
(၇၃) ဗာသုကီနာဂရာဇာစက်-ဗာသုကီနဂါးမင်းပုံ။
(၇၄) ဟံသရာဇာစက်-ဟင်္သာမင်းပုံ။
(၇၅) ဥသဘရာဇာစက်-နွားလားဥသဘမင်းပုံ။
(၇၆) ဧရာဝဏဟတ္ထိရာဇာစက်-ဧရာဝဏ်ဆင်မင်းပုံ။
(၇၇) သုဝဏ္ဏမကာရစက်-ရွှေမကာရ်းပုံ။
(၇၈) သုဝဏ္ဏနာဝါစက်-မုခ်ဦးလေးခုရှိသော ရွှေလှေပုံ။
(၇၉) ဗြဟ္မရာဇာစက်-ဗြဟ္မာမင်းပုံ။
(၈၀) သဝစ္ဆကာဓေနုစက်-နို့တိုက်နေသော နွားသားအမိပုံ။
(၈၁) ကိံပုရိသ ကိံပုရိသီစက်-ကိန္နရာအဖိုနှင့် ကိန္နရာအမပုံ။
(၈၂) ကရဝိကရာဇာစက်-ကရဝ်ိက်ငှက်မင်းပုံ။
(၈၃) မဟူရရာဇာစက်-ဥဒေါင်းမင်းပုံ။
(၈၄) ကောဉ္စရာဇာစက်-ကြိုးကြာငှက်မင်းပုံ။
(၈၅) စက္ကဝါကရာဇာစက်-စက္ကဝါငှက်မင်းပုံ။
(၈၆) ဇီဝ ဇီဝက ရာဇာစက်-ဇီဝဇိုးငှက်မင်းပုံ။
(၈၇) စတုမဟာရာဇိကာစက်-စတုမဟာရာဇ်နတ်ဘုံပုံ။
(၈၈) တာဝတိံသာစက်-တာဝတိံသာနတ်ဘုံပုံ။
(၈၉) ယာမာစက်-ယာမာနတ်ဘုံပုံ။
(၉၀) တုသိတာစက်-တုသိတာနတ်ဘုံပုံ။
(၉၁) နိမ္မာနရတီစက်-နိမ္မာနရတီနတ်ဘုံပုံ။
(၉၂) ပရနိမ္မိတဝသဝတ္တီစက်-ပရနိမ္မိတဝသဝတ္တီနတ်ဘုံပုံ။
(၉၃) ဗြဟ္မပါရိသဇ္ဇာစက်-ပါရိသဇ္ဇာဗြဟ္မာဘုံပုံ။
(၉၄) ဗြဟ္မပုရောဟိတာစက်-ပုရောဟိတ်ဗြဟ္မာဘုံပုံ။
(၉၅) မဟာဗြဟ္မာစက်-မဟာဗြဟ္မာဘုံပုံ။
(၉၆) ပရိတ္တာဘာစက်-ပရိတ္တာဘာဗြဟ္မာဘုံပုံ။
(၉၇) အပ္ပမာဏာဘာစက်-အပ္ပမာဏာဘာဗြဟ္မာဘုံပုံ။
(၉၈) အာဘဿရာစက်-အာဘဿရာဗြဟ္မာဘုံပုံ။
(၉၉) ပရိတ္တသုဘာစက်-ပရိတ္တသုဘာဗြဟ္မာဘုံပုံ။
(၁၀၀) အပ္ပမာဏသုဘာစက်-အပ္ပမာဏသုဘာဗြဟ္မာဘုံပုံ။
(၁၀၁) သုဘကိဏှာစက်-သုဘကိဏှာဗြဟ္မာဘုံပုံ။
(၁၀၂) ဝေဟပ္ဖလာစက်-ဝေဟပ္ဖလာဗြဟ္မာဘုံပုံ။
(၁၀၃) အသညသတ္တာစက်-အသညသတ်ဗြဟ္မာဘုံပုံ။
(၁၀၄) အဝိဟာစက်-အယိဟာဗြဟ္မာဘုံပုံ။
(၁၀၅) အတပ္ပာစက်-အတပ္ပာဗြဟ္မာဘုံပုံ။
(၁၀၆) သုဒဿာစက်-သုဒဿာဗြဟ္မာဘုံပုံ။
(၁၀၇) သုဒဿီစက်-သုဒဿီဗြဟ္မာဘုံပုံ။
(၁၀၈) အကနိဋ္ဌာစက်-အကနိဋ္ဌာဗြဟ္မာဘုံပုံ။
အထက်ပါစက်လက္ခဏတို့မှာစကြာဝတေးမင်းမှာလည်းပါ ပါတယ်။
ဒါကြောင့်ဘုရားလောင်း မွေးဖွါးစဉ်ကဗေဒင်ဆရာတွေကစကြာဝတေးမင်း သို့မဟုတ် ဘုရားဖြစ်မယ်လို့ ဟောခဲ့တာပါ။
ဒါပေမဲ့ စကြာဝတေးမင်းမှာတော့ သိပ်မထင်ရှားဘူးလို့ဆိုပါတယ်။

ပုတီးမှာ ၁၀၈ လုံးထားကြတဲ့ မြန်မာတွေရဲ့ ရည်ရွယ်ချက်ပါ။

ပုတီးဟာ မူလက ထေရဝါဒရဲ့ အသုံးမဟုတ်ဘူး...
ဟိန္ဒူတို့ရဲ့ အသုံးဖြစ်တယ် ...။
ဟိန္ဒူဝါဒထဲမှာလည်း တန္တရ၊ မန္တရ ဂိုဏ်းသားများရဲ့ အသုံးဖြစ်တယ် ...။
တန္တရ၊ မန္တရ ဂိုဏ်းသားများဟာ ဂါထာမန္တာန်များကို ပုတီးစိပ်ကြရတယ်...

ဒီနေရာမှာ 'စိပ်' ဆိုတာ ဇမ္ဗနပုဒ်ရင်း ... 'ဇပ်' က 'ဇိပ်'၊ 'ဇိပ်' က ' စိပ်' ဖြစ်လာ တယ် ...။

"ဇမ္ဗန"ဆိုတာ ပွားများခြင်း အနက်ကိုဟောတယ်...ပွားများတယ်ဆိုတာ အဖန်တလဲလဲ ရွတ်ဆိုခြင်းဖြစ်တယ် ...။

တန္တရ၊ မန္တရ ပုဂ္ဂိုလ်များဟာ အင်း၊ အိုင်၊ ခါးလှည့်၊ လက်ဖွဲ့၊ မန္တာန်များကို
အသုံးပြုတဲ့ အထက်ဂိုဏ်၊ အောက်ဂိုဏ်း၊ ဂိုဏ်းပုဂ္ဂိုလ်များ ဖြစ်ကြတယ် ...။

သူတို့ဟာ ဆေးကိုဖျော်ပြီးတော့လည်း ဂါထာ၊ မန္တာန်မန်းမှုတ်တတ်ကြတယ်...
ယုတ်စွအဆုံး လက်ခုပ်၌သော်လည်း ဂါထာမန္တာန် မန်းမှုတ်တတ်ကြတယ် ...။

သူတို့ မန်းမှုတ်တဲ့ ဂါထာ၊ မန္တာန်ကလည်း ခုနစ်ခေါက်မန်းရမယ် ... အကြိမ် တစ်ထောင်မန်းရမယ် စသောအားဖြင့် ဂါထာအရေအတွက်ကို ပိုင်းခြားထား တယ် ...။

ပိုင်းခြားထားတဲ့ မန္တာန်အောက် ယုတ်လျော့သော် လည်းကောင်း၊ပိုင်ခြားထား သည်ထက် ပိုလွန်သော် လည်းကောင်း ရွတ်ဆိုခဲ့လျှင် .....

အကျိုးမရဘူး .....

ဒါကြောင့် -

ရှေးကရွတ်ပြီးသား မန္တာန်များကို ချေဖျက်ပြီး အသစ် ထပ်မံ ရွတ်ဖတ်ရတယ် ... မန်းမှုတ်ရတယ် ...။

အဲဒါကြောင့် -

ဂါထာအရေအတွက် မတိုးမလျော့အောင် စိပ်ပုတီးနှင့် မှတ်ကြရတယ် ...။

အဲဒီလို မန်းမှုတ်ရာက စိတ်ပုတီးဟာ ဘာသာရေးအတွင်း ဝင်ရောက်လာပြီး
ရှေးဦးစွာ ဟိန္ဒူများက စိပ်ကြတယ် ...

အဲဒီနောက် ... ဗုဒ္ဓဘာသာ၊ ခရစ်ယာန်၊ မဟာမေဒင် စတဲ့ဘာသာပေါင်းစုံ အတွင်း ဝင်ရောက်လာတယ် ...။

ဒါကြောင့် .....

ပုတီးဟာ မူလက ဗုဒ္ဓဘာသာတို့ရဲ့ အဆောင်အယောင် မဟုတ်ပါဘူး ...။

နိုင်ငံတော် သြဝါဒါစရိယ၊ မြန်မာစာသြဝါဒါစရိယ
အဂ္ဂမဟာသဒ္ဓမဇောတိကဓဇ ဘဒ္ဒန္တဒေဝိန္ဒာဓိပတိ
(ထီးချိုင့်မြို့ - တည်တောဆရာတော်ကြီး)
၏မိန့်ဆိုချက်မှ ကောက်နှုတ် ။

“ပုတီး နဲ့ တခြားဘာသာများ”
++++++++++++++++++
ပုတီးကို သာလွန်မြန်မာ အဘိဓာန်ကတော့ “ rosary; necklace “ လို့ဘာသာပြန်ထားတယ်။ rosary ကို CABRIDGE LEARNER’S DICTIONARY ကတော့ -ဘရင်ဂျီိဂိုင်းဝင်၊ ခရစ်ယာန်တွေဆုတောင်းတဲ့အခါသုံးတဲ့ပုတီးကုန်းလို့ ဘာသာပြန်တယ်။ Necklace ကတော့ အလှဆွဲပုတီးမို့အထူးမပြောတော့ပါဘူး။ ဒီဖွင့်ဆိုချက်တွေကိုနှိုင်းယှဉ်ပြီးကောက်ချက်ချရင် ပုတီးဟာ ခရစ်ယာန်ဘာသာဝင်တွေလည်းသုံးတယ်။ တွေ့လည်းတွေ့မြင်နေကြရတယ်။ ဒေလီတက္ကသိုလ် အင်တာနေရှင်နယ် ကျောင်းသားဆောင်မှာနေတော့ ကျောင်းသားတွေကစုံတယ်။ နိုင်ငံပေါင်းစုံကလာကြတာ။ တစ်နိုင်ငံမှ ၅ ယောက်နှုန်းလောက်ဘဲလက်ခံတာ။ ဒါကြောင့် နိုင်ငံစုံ၊ လူမျိုးစုံ၊ ဘာသာစုံ အစုံရှိတယ်။ အစုံသိရတယ်။ အဲဒီမှာနေတုန်း နေကလည်းပူတော့ အပြင်ထွက်ပုတီးမစိတ်တဲ့အခါ အဆောင် corridor စင်္ကြန်လမ်းတွေမှာပတ်ပြီး လမ်းလျှောက်ရင်းလည်း ပုတီးစိတ်ဖြစ်တယ်။ အဲဒီအခါတစ်ချို့ကတော့ ကိုယ်အမူအရာနဲ့ နှုတ်ဆက်သွားကြတယ်။ လက်ကေလေးမြှောက်လို့၊ ခေါင်းကလေးငြိမ့်လို့ပေါ့။ တစ်ချို့ကတော့ မျက်နှာအမူုအရာနဲ့နှုတ်ဆက်ကြတယ်။ ပြုံးပြကြတာပေါ့။တစ်ချို့ကတော့ လက်ဆွဲနှုတ်ဆက်လာတယ်။ အဲဒီအခါ ပုတီးကို ဘယ်လက်ပြောင်းပြီး ညာလက်နဲ့ဆွဲပြီးနှုတ်ဆက်လိုက်တယ်။ နှုတ်ဆက်တဲ့အခါ အများစုကတော့ ညာလက်ချင်းဆွဲပြီးနှုတ်ဆက်လေ့ရှိကြတယ်။ တစ်ချို့ကတော့ ပုတီးစိတ်တာသိလို့လား၊ စိတ်မ၀င်စားလို့လားမသိဘူး ၊ ဘာမှမနှုတ်ဆက်ဘဲ ဒီတိုင်းလေး တိမ်းရှောင်သွားကြတယ်။ ထူးခြားတာကတော့ မူစလင်ဘာသာဝင်လူမျိုးတွေ၊ အာရပ်နိုင်ငံကလူတွေရှိတယ်။ ဘင်္ဂလားဒေရှ့်ကကျောင်းသားတွေရှိတယ်။ သူတို့ထဲက တစ်ချို့သူတွေဆို၊ ပုတီးစိတ်တာတွေ့ရင် လာပြီးနှုတ်ဆက်ပြီး ပုတီးကိုကိုင်ကြည့်ပြီးပြောတယ်…သူတို့လည်း ပုတီးစိတ်တယ်တဲ့။ ဒါကြောင့် သတိထားမိတာက မွတ်စလင်တွေလည်း ပုတီးစိတ်ကြတယ်။ ပုတီးကိုလက်ခံတယ်။ နောက် ဟိန္ဒူ။ ဟိန္ဒူဘုန်းကြီးတွေကို ဆာဒူးတွေလို့ခေါ်ကြတာ။ တစ်ခြားနိုင်ငံကဘုန်းကြီးတွေကိုတော့ အပြင်မှာ နှုတ်ကတော့ “ဘန္တေ” လို့ခေါ်ကြတာ။ စိတ်ထဲနဲ့ ကွယ်ရာမှာတော့ ဘယ်လိုခေါ်ကြတယ်မသိ။ အဲဒီ ဟိန္ဒူဘုန်းကြီးတွေမှာလည်း ပုတီးကုန်းကြီးတွေတွေ့တာဘဲ။ ဒါကြောင့် ဟိန္ဒူဘာသာမှာလည်း ပုတီးရှိတယ်။ ပုတီးကိုလက်ခံတယ်။ နောက်ဘာသာတူညီအကိုတွေဖြစ်တဲ့ မဟာယာနာ ဗုဒ္ဓဘာသာဝင်ဖြစ်ကြတဲ့ တိဗက်တို့ ဗီယက်နမ် တို့မှာလည်း ပုတီးကိုသုံးတယ်။ လက်ခံတယ်။ ဒရမ်စလာဆိုတဲ့ ဟေမချယ်ပြည်နယ် (ဟိမ၀န္တာ အစိတ်အပိုင်း) တောင်ပေါ်ဒေသာမှာ တိဗက်ဗုဒ္ဓဘာသာတွေအများကြီး။ လူတွေရော ဘုန်းကြီးသီလရှင်တွေရော။ တိဗက်လူမျိုးတွေကတော့ ပုတီးစိတ်ရာမှာ မြန်မာပြည်သူပြည်သားတွေထက်ပိုတယ်။ သွားလေရာရာမှာ ပုတီးစိတ်ပြီးသွားနေကြတာများတယ်။ အသက်နဲနဲကြီးပြီး သွားနိုင်လာနိုင်တဲ့ အဖိုးကြီးတွေ အဖွားကြီးတွေ တော်တော်များများမှာ ပုတီးစိတ်ပြီးသွားလာနေတာများတယ်။ ဈေးရောင်းလည်းပုတီးစိတ်နေတာများတယ်။ နှုတ်ကလည်းတတွတ်တွတ်ရွတ်နေတာ။ ပုတီးစိတ်ကတော့ မြင်ဘူးတွေ့ဘူးသမျှထဲမှာ တိဗက်လူမျိုးတွေကို ဘယ်သူတွေမှမမှီဘူး။ ဒါပေမယ့်သူတို့က မန္တရ မာန္တာန်ဆန်ဆန်သုံးကြတာ။ သူတို့လည်းသုံးကြတယ်။  လက်ခံကျတယ်။
''ပုတီးနဲ့ မြန်မာဗုဒ္ဓဘာသာ''
++++++++++++++++++
ဗုဒ္ဓဘာသာရဲ့ ပုတီးကိုတော့လေးနက်စေချင်ရင် ရှေ့ကနေ စိတ်ဆိုတဲ့ စကားလုံးလေးထည့်ပြီးပြောမှ စဉ်းစားမှ ပိုပြီးလေးနက်လာမယ် အဓိပ္ပါယ်ရှိလာမယ်။ “စိတ်+ပုတီး” “ စိတ်ပုတီး”။ ဒီလိုပြောလိုက်မှ လည်ဆွဲပုတီး၊ ထန်းရွက်ပုတီး၊ ရွေပုတီး၊ပုလဲပုတီး၊စိန်ပုတီးတဲ့ necklace သဘောဆောင်တဲ့ အသုံးဆောင်ပုတီးတွေနဲ့ကွဲမှာဖြစ်ပါတယ်။ ခေါ်တာကတော့ကြိုက်သအလွယ်ခေါ်လို့ရပါတယ်။ ပုတီးလို့ခေါ်ခေါ်၊ စိတ်ပုတီးသုံးသုံးသုံး ရပါတယ်။ အခုပြောတာက မူရင်းအဓိပ္ပါယ်ပေါ်လွင်အောင်ပြောပြတာပါ။  အခုပုတီးကို ဗုဒ္ဓဘာသာလည်းလက်ခံတယ်။ ကျင့်သုံးနေတယ်။ လက်ခံကျင့်သုံးပုံချင်းတူသလား။ မတူဘူးလားဆိုတာ စဉ်းစားကြည့်ရအောင်။ ဗုဒ္ဓဘာသာမှာ ပုတီးကိုလက်ခံသင့်မခံသင့်စဉ်းစားကြည့်ရအောင်။
စိတ်ပုတီးရဲ့အဓိပ္ပါယ်
စိတ်ပုတီးရဲ့အဓိပ္ပါယ်ကို သီတဂူဆရာတော်ကြီးရဲ့တရားတစ်ခုထဲမှာ နာကြားမှတ်သားဖူးတယ်။ “စိတ္တံ ပါတိ ရက္ခတီတိ စိတ်ပုတီး “ တဲ့။ “စိတ္တံ-စိတ်ကို၊ ပါတိ-ရက္ခတိ- စောင့်ရှောက်တတ်၏၊ ထို့ကြောင့် စိတ်ပုတီး” တဲ့။ စိတ်ကို စောင့်ရှောက်တတ်လို့စိတ်ပုတီးလို့ခေါ်တယ်။ လို့မှတ်သားနာကြားဖူးတယ်။ ကိုယ့်ဆရာတော်မို့မဟုတ်ဘူး။ အဲဒီအဓိပ္ပါယ်ကို သိပ်သဘောကျခဲ့တယ်။ စာမေးပွဲလေးတွေအထိုက်အလျှောက်အောင်လာ စာလေးလဲနဲနဲသိလာတော့ အတွေးခေါ်တွေလည်းကျယ်ပြန့်လာတယ်။ စာကိုစဉ်းစားမိပြီးသိလာတော့ သီတဂူဆရာတော်မိန့်ခဲ့တဲ့အဓိပ္ပါယ်ကို ပိုသဘောကျလက်ခံမိတယ်။ ဗုဒ္ဓစာပေထဲက ကမ္မဋ္ဌာန်း ၄၀ ထဲမှာ ပထ၀ီကသိုဏ်း၊ အာပေါကသိုဏ်း စတဲ့ မြေကိုကသိုဏ်းရှုတာ။ ရေကိုကသိုဏ်ရှု့တာစတဲ့ကမ္မဋ္ဌာန်းတွေပါတယ်။ ခြုံငုံသုံးသပ်ပြီးပြောရင် သမထကမ္မဋ္ဌာန်းဆိတာ အာရုံတစ်ခုကို စူးစ်ိတ်လေ့လာပြီး သမာဓိရအောင် စိတ်လည်ကြည်အောင်ထူထောင်ခြင်းပါ။ အဲဒီကမ္မဋ္ဌာန်း ၄၀ ထဲမှာလည်း ဗုဒ္ဓါနုဿတိကမ္မဋ္ဌာန်းဆိုတာ တိုက်ရိုတ်ပါတယ်။ ဘုရားဂုဏ်ကို အောက်မေ့သတိရခြင်းပေါ့။ ပုတီးကုန်းပုတီးလုံးတွေက ကမ္မဋ္ဌာန်းထဲမှာမပေမယ့် စိတ်ပုတီးစိတ်တယ်ဆိုတာ စိတ်ပုတီးကိုအသုံးချပြီးဘုရားဂုဏ်တော်ပွားများတာပါဘဲ။ ပုတီးတစ်လုံး ဂုဏ်တော်တစ်ပါး မှတ်သားရတောင်လွယ်သေးတယ်။ တစ်ရာ့ရှစ်လုံးပုတီးတစ်ပတ်ပြည့်တဲ့အခါ ရင်ထဲမှာ ဘုရားဂုဏ်တော်တွေ တရာ့ရှစ်ကြိမ်ပွားများပြီးသွားပါပြီး။ ပုတီးဆိုတဲ့ အရာဝတ္ထု ပုတီးကုန်းကို အထူးအာရုံမပြုဘဲ ဘုရားဆိုတဲ့ အာရုံကို အထူးအာရုံပြုတယ်။ ပစ္စည်းတစ်ခုဟာ အသုံးပြုတဲ့ပုဂ္ဂိုလ်အပေါ်မှာမူတည်တယ်။ သားသတ်သမား တို့ မုဆိုးတို့ရဲ့လက်ထဲက ဓားလှံလက်နက်ဟာ သားကောင်ကောင်ကိုသတ်ဘို့။ ရန်သူ့လက်ထဲက လက်နက်ဟာ ရန်သူကိုသတ်ဘို့။ သူရဲကောင်းရဲ့လက်ထဲက ဓားလှံလက်နက်ဟာ တိုင်းပြည်ကိုကာကွယ်ဘို့ပါဘဲ။ ဓားလှံလက်နက်ချင်းတော့တူတာပါဘဲ။ ဒါပေမယ့် ရည်ရွယ်ချက်ကွဲပြားတယ်။ ရယ်ရွယ်ချက်ရဲ့ အန်ိမ့်အမြင့်အပေါ်မူတည်ပြီး၊ မွန်မြတ်တယ် မမွန်မြတ်ဘူး။ ကောင်းတယ် မကောင်းဘူး ဆိုတာ ကွဲပြားသွားတာပါ။ ဒီတော့ ဗုဒ္ဓဘာသာစစ်စစ်တို့ရဲ့ စိတ်ပုတီးစိတ်ခြင်းဟာ ဘုရားဂုဏ်ကို အာရုံပြုပြီးစိတ်တာဖြစ်လို့ ဒီလိုပုတီးမျိုးကိုကျတော့ “ဂုဏ်တော်ပုတီး” လို့ခေါ်ပါတယ်။ ဆုတောင်းချင်းသက်သက်လည်း မဟုတ်သလို အရောင်ဆောင်လူအထင်ကြီးခံရဘို့လည်း မဟုတ်ပါဘူး။ ဗုဒ္ဓါနုဿတိကုသိုလ်တွေ ထပ်ခါထပ်ခါရအောင်ကြိုးပမ်းနေချင်းမျှသာပါဘဲ။ (တစ်ချို့အယောင်ဆောင်တွေလည်းရှိကြမှာပါဘဲ။ ဒါကတော့ ကိုယ့်အသိနဲ့ကိုယ် သုံးသတ်ကြ၊ ဆုံးဖြတ်ကြ၊ ချဉ်းကပ်ကြပေါ့။) ဒါကြောင့် သီတဂူဆရာတော်ကြီးရဲ့ စိတ်ပုတီးအဓိပ္ပါယ်ကို သဘောကျခြင်းဖြစ်ပါတယ်။
ပုတီးနဲ့ အရှင်
အရှင်တို့ သင်္ကန်းဝတ်ခါစက ပုတီးကိုလည်ပင်းမှာ အမြဲနီးပါးဆွဲပြီးထားပါတယ်။ ဘာရယ်တော့မဟုတ် ကောင်းမယ်ထင်လို့လုပ်ကြည့်နေရုံသက်သက်ပါဘဲ။ အဲဒီအခါ ကျောင်းအောက်ထပ်က ဥပုသ်သည်တွေက တွေဖြစ်တဲ့ ဒေါ်ကြည်သိန်းတို့ ၊ ဒေါ်ခင်လှတို့စတဲ့ ရွာထဲက ဒကာမကြီးတွေ ပုတီးစိတ်နေကြတယ်။ အဲဒီအခါ  ဦးကြီးမြကျော်က လာပြီး “ ကိုရင် ကိုရင်၊ ကျောင်းအောက်က ဥပုသ်သည်တွေကို ပုတီးစိတ်လေးဘာလေးသင်ပေးလိုက်စမ်းပါ” ဆိုပြီး လာလျှောက်တယ်။ အဲဒါနဲ့ ကျောင်းအောက်ရောက်တော့ ဒကာမကြီးတွေက  အသီးသီးလျှောက်ထားကြတယ်။ “တပည့်တော်မ စိတ်တာက ၃ လုံးဘဲ လိုတာဘုရာ့။ သူဆို ၅ လုံးတောင် လိုတယ်။ သူဆို ၇ လုံးပိုနေတာ” စသဖြင့် ၁၀၈ လုံး ပုတီးပုတီးကုန်းနဲ့ ဂုဏ်တော် အပတ်ရေနဲ့ကမကိုက်ဘူးဖြစ်နေကြတယ်။ (အားနာလို့ ဘယ်သူက ဘယ်နှလုံးလိုတယ်ဆိုတာတွေတော့ မရေးတော့ မပြောတော့ပါဘူး။ ရွာရောက်ရင် ဆွမ်းမပို့ဘဲနေလိမ့်ဦးမယ်)။ အဲဒီအချိန်အရှင်ကလည်းသင်္ကန်းဝတ်ခါစဆိုတော့ မသိသေးပါဘူး။ ဒါပေမယ့်  ပုတီးစိတ်တယ်ဆိုတာ ပုတီးလုံးတွေကိုလိုက်ပြီးရေတွက်တာမဟုတ်ဘူး လို့တော့ နားလည်ခံစားမိတယ်။ ဒါနဲမုံရွာပဇ္ဇောတာရုံစာသင်ဘို့ရောက်တယ်။ မူတလန်း ပထမငယ်တန်း ပမလတ်တန်းရောက်ခါစ အထိတော့ ပုတီးစိတ်ဖြစ်တယ်။ သင်္ကန်းဝတ် စာသင်တိုက်လည်းလာဆိုတော့ တောကလိုတော့မဟုတ်တော့ဘူး။ စာလေးတွေလည်း ဖတ်ဖြစ်တယ်။ အဲဒီအခါ ပုတီးမစိတ်သင့်တဲ့အကြောင်းရေးထားတဲ့ စာရေးဆရာတစ်ယောက်ရဲ့စာကိုဖတ်ရတော့ ပုတီးက မစိတ်ဖြစ်တော့ဘူး။ ပုတီးဆိုတာ တို့ထေရ၀ါဒဗုဒ္ဓဘာသာရဲ့ ကျင့်ထုံးမဟုတ်ဘူးဆိုပြီး ပုတီးစိတ်တာကို ရပ်ဆိုင်းထားခဲ့တယ်။ နှစ်လည်လောက်ရောက်တော့ ကျောင်းတိုက်ကို ချင်းတွင်းမြစ်အနောက်ဖက် မိုင်းကဆရာတော်ပဇ္ဇောတာရုံကျောင်းတိုက်ကို ကြွတဲ့ အခါ နာယက ဘုန်းကြီးက ကျောင်းတိုက်ကိုလိုက်ပြဖို့မိန့်ပါတယ်။ အထူးသဖြင့် တည်ဆောက်ဆဲ ရွှေရတုကျောင်းကိုလိုက်ပြရတာပါ။ အဲဒီမိုင်းဆရာတော်က မုံရွာပဇ္ဇောတာရုံ ဆရာများရဲ့ ဆရာ။ မုံရွာဆရာတော်နဲ့အတူတွဲပြီးစာချလာခဲ့တာ။ သာမဏေကျော်စာမေ့းပွဲတွေကို ကျောင်းတိုက်မှာစတင်ချပေးခဲ့ပြီး သာမဏေကျော်မျိုးစေ့ကို စတင်ကျဲချခဲ့ပြီး ကြီးပွားအောင် စည်ပင်အောင်လုပ်ခဲ့တဲ့ ဆရာတော်။ ယမိုက်ပဋ္ဌာန်း သိပ်ကျွမ်းတာ။ စာချ အလွန်တော်တဲ့ဆရာ။ ဆရာတို့ရဲ့ ဆရာပါဘဲ။ (ယခုစာရေးနေချိန်မှာ ဆရာတော့်ရဲ့ တပည့်တွေထဲက ပိတကတ်သုံးပုံဆောင်ပြီး တိပိတကဓရ၊ တိပိတကကောဝိဒဖြစ်တော်မူကြတဲ့ ဆရာတော် ၃ ပါးအထိရှိနေပါပြီ။) ထိုဆရာတော်၏ဘွဲ့တော်မှာ သီတဂူဆရာတော်၏ဘွဲ့နာမတော်နဲ့ အတူပင်ဖြစ်ပါသည်။ (ဆရာများကိုလေးစားသောကြောင့် ဘွဲ့အမည်နာမထုတ်မပြောချင်းမှာ ထေရ၀ါဒလာ ကျင့်ထုံးတစ်ခုဖြစ်ပါသည်။ ထိုကြောင့် ထုတ်မပြောတော့ပါ။) အဲဒီလိုမိုင်းဆရာတော်နောက်ကနေလိုက်ပြရင်း ရွှေရတုကျောင်းဆောင်အောက်ထပ်ရောက်တော့ မေးမိတယ်။ မေးလည်းမေးချင်တယ်။ စာတတ်ပေတတ်။ ဆရာမြတ်တို့အလေးထားရတဲ့ ဆရာတော်မို့ အရဲစွန့်ပြီး လျှောက်ထားမေးမြန်းမိတယ်။ “ဆရာတော်ဘုရား တစ်ချို့စာရေးဆရာတွေရေးတာဖတ်ရလို့ ပုတီးဆိုတာ ထေရ၀ါရဗုဒ္ဓဘာသာတို့ရဲ့ကျင့်ထုံးမဟုတ်ဘူး မှတ်သားရပါတယ်ဘုရား။ ဒါကြောင့်  ဘုရားတပည့်တော်လည်း အရင်ကပုတီးစိတ်ခဲ့ပေမယ့် အခုတော့ ပုတီးမစိတ်ဖြစ်တော့ပါဘုရား။ အဲဒါ ပုတီးစိတ်တာ ကောင်းသလား မကောင်းဘူးလား။ မိန့်ကြားပေးတော်မူပါလို့ လျှောက်ထားမိခဲ့တယ်။  အဲဒီအခါ ဆရာတော်က “ ကောင်းပါတယ်ကွ။ စိတ်ပါ။ မင်းကြည့်လိုက်လေ လယ်တီဆရာတော့်ပုံတွေထဲမှာတောင် ပုတီးတွေ့တယ်မဟုတ်လား။ စိတ်တာစိတ်။ ပြီး ငါရိပ်သာတစ်ခုထဲရားသွားထိုင်တော့ အဲဒီရိပ်သာရဲ့ ကမ္မဋ္ဌာနာစရိယဘုန်းကြီးတစ်ပါးလက်ထဲမှာ ပုတီးလေးကိုင်ထားတာတွေ့တယ်ကွ။ အများနဲ့ကြားထဲလည်းဖြစ်၊ ရိပ်သာလည်းဖြစ်တော့ သူလည်းပေါ်ပေါ်တင်တင်တော့မဟုတ်ဘူး။ သင်္ကန်ကြားထဲကနေစိတ်နေတာတွေ့တယ်။ စိတ်တာစိတ်။ ပုတီးမစိတ်တာထက်စာရင် ပုတီးစိတ်တာက  ပိုကောင်းတာပေါ့” တဲ့။ (ရိပ်သာနာမည်ပါဆရာတော်မိန့်တော်မူခဲ့ပါသည်။ သူတို့ဂုဏ်သိက္ခာကိုထိခိုက်မှာစိုးသောကြောင့် နာမည်ချန်လှပ်ခဲ့ပါသည်။) အဲဒီအချိန်ကစပြီးအချိန်ရရင် ရသလိုစိတ်လာတာ အခုချိန်အထိပုတီးစိတ်ဖြစ်နေခဲ့တယ်။ အဲဒီပုတီးကတော့ စိတ်ပုတီး ဂုဏ်တော်ပုတီးပါဘဲ။
“ယထာ အဂါရံ ဒုစ္ဆန္နံ၊ ၀ုဋ္ဌီ သမတိဝိဇ္ဈတိ။
ဧ၀ံ အဘာဝိတံ စိတ္တံ၊ ရာဂေါ သမိတိဝိဇ္ဈတိ။
ယထာ အဂါရံ သုစ္ဆန္နံ၊ ၀ုဋ္ဌီ န သမတိဝိဇ္ဈတိ။
ဧ၀ံ အဘာဝိတံ စိတ္တံ၊ ရာဂေါ န သမိတိဝိဇ္ဈတိ။” (ဓမ္မပဒ-၁၄-၁၅)
အမိုးအကာကောင်းစွားမိုးကာမထားတဲ့ အိမ်ကို မိုးရေတွေအလွယ်တကူဝင်ရောက်နိုင်သလို။ သမထ၀ိပဿနာ ဆိုတဲ့ အမိုးအကာမရှိသူရဲ့ ခန္ဓာကိုယ်အိမ်မှာလည်း ရာဂစတဲ့ ကိလေသာမိုးတွေအလွယ်တကူဝင်ရောက်နိုင်တယ်။
အမိုးအကာကောင်းစွာမိုးကာထားတဲ့ အိမ်ကို မိုးရေတွေမ၀င်နိုင်သလို။
သမထ၀ိပဿနာဆိုတဲ့ အမိုးအကာနဲ့ ကောင်းစွာကာရံထားတဲ့သူခန္ဓာကိုယ်အိမ်မှာလည်း ရာဂစတဲ့ ကိလေသာမိုးရေတွေအလွယ်တကူမ၀င်နိုင်ဘူး။ လို့မြတ်ဘုရားမိန့်တော်မူခဲ့တယ်။ ဒီနေရာမှာ လူလူရှင်ရှင် အကုန်ပါတယ်။
ဒီတော့ အရှင်တို့ သင်တို့ရဲ့ ခန္ဓာကိုယ်အိမ်ထဲကို ကိလောသာမိုးရေးတွေမ၀င်အောင် သမထ၀ိပဿနာဆိုတဲ့ အမိုးအကာတွေနဲ့ မိုးကာထားသင့်တယ်။ ပုတီးစိတ်တယ်ဆိုတာ သမထအလုပ်ပါ။ သထမထသည် ကာရံတားဆီးရုံသက်သက်မျှသာပါ။ ထိန်းချုပ်ထားရုံသက်သက်မျှသာပါ။ ၀ိပဿနာကတော့ တားလည်းတားဆီးနိုင်သလို ဖျက်လည်းဖျက်ဆီးပျက်နိုင်တယ်။ ကောင်းတာကတော့ ၀ိပဿနာနဲ့ ကာရံထားတာ အကောင်းဆုံးပေါ့။ အဲဒီလို ၀ိပဿနာနဲ့ မကာရံနိုင်ကြသေးတဲ့သူများအတွက်တော့ သစ်မရချင်စပ်ကြား ၀ါးကူဆိုသလို။ ၀ိပဿာနာမရောက်ခင်စပ်ကြား သမထူထောင်ထားကြဘို့၊ ပုတီးကိုလည်း သမထဲဆိုပြီး ဘေးမှာချိတ်ထားတဲ့ ချိတ်ပုတီးသက်သက်မဟုတ်ဘဲ စိတ်ကြတဲ့ စိတ်ပုတီး ၊ စိတ်ကိုစောင့်တဲ့ စိတ်ပုတီး၊ ဂုဏ်တော်ပွားတဲ့ ဂုဏ်တော်ပုတီးအဖြစ်ဆောင်ကြဘို့ အထူးသတိပေးလိုက်ပါတယ်။ ဆွေတော်မျိုးတော်အပေါင်းတို့………………………………………………
“သစ်မရချင်စပ်ကြား ၀ါးကူ။
ဝိပဿနာမရချင်စပ်ကြား သမထထူ။”
(နောက်မှတွေ့ရတာ မြန်မာ့စွယ်စုံကျမ်းထဲမှာလဲ ပုတီးအကြောင်းပါတယ်။ ထိုမှလည်းယူကြပါကုန်)
                                      
သီတဂူအရှင်ဥာဏ၀ရ

ယခုအခါ မြန်မာဗုဒ္ဓဘာသာဝင်အများစုတို့ အသုံးပြုလျက်ရှိကြသော စိပ်ပုတီး-ကား ထေရ၀ါဒဗုဒ္ဓဘာသာတို့၏ ကိုယ်ပိုင်ဘာသာရေး အသုံးအဆောင်ပစ္စည်း မဟုတ်ပါချေ။ အမှန်ဆိုရသော် ထေရ၀ါဒဗုဒ္ဓဘာသာ၌ ကျင့်စဉ်တရားများအနေဖြင့် ဒါနကျင့်စဉ်၊ သီလကျင့်စဉ်၊ သမ