ချစ်သေးရဲ့လား

ချစ်သေးရဲ့လား
~~~~~~~~~~

"ကျွန်မအရင်လိုမလှတော့ဘူး"တဲ့လား။

ဟုတ်တာပေါ့မောင်ရယ်။မောင်တမ်းတမိနေတဲ့အရင်တုန်းကကျွန်မဆိုတာ မနက်(7)နာရီလောက်မှအိပ်ယာကထပြီးအမေပြင်ဆင်ပေးထားတဲ့မနက်စာကိုအခန့်သားလေးဝင်စား၊မှန်တင်ခုံရှေ့မှာတစ်နာရီလောက်ကြာအောင်အလှထိုင်ပြင်ပြီးမှ မောင်ရှိတဲ့ကျောင်းကိုကြွကြွရွရွလေးလာတတ်တဲ့မိဘအရိပ်မှာအပူအပင်မရှိနေလာခဲ့တဲ့ ကျွန်မလေ။

အခု မောင်ငြီးငွေ့နေတဲ့ကျွန်မကညညဆိုမောင်ပြန်လာတဲ့အချိန်ထိမအိပ်ဘဲစောင့်နေရသလို မနက်ဆိုရင်လည်း မောင်တို့မနိုးခင်မနက်(5)နာရီလောက်ကတည်းကလူးလဲထလို့ မောင်တို့စားဖို့မနက်စာကိုအဆင်သင့်ပြင်ဆင်နေရသူလေ။လှသထက်လှအောင်အချိန်ဆွဲပြီးအလှပြင်ဖို့မဆိုထားနဲ့ မှန်တင်ခုံမှာရှေ့မှာတောင်မထိုင်ဖြစ်တာကြာနေပြီမို့ မှန်တင်ခုံရဲ့ ထိုင်ခုံ
မှာတောင်ဖုန်တွေကပ်နေပြီလေမောင်။

ကျွန်မကိုယ်ကျွန်မလှဖို့ပဖို့ထက် မောင်တို့တွေလူအမြင်
တင့်တယ်ဖို့ဦးစားပေးထည့်တွက်နေရတဲ့၊တစ်ခါတစ်လေမောင်အိမ်ပြန်နောက်ကျတဲ့ရက်တွေဆိုရင်မောင်များတစ်ခုခုဖြစ်နေမလားအတွေးနဲ့ ပူပန်ရင်း လင်သားအရိပ်မှာနေရတဲ့ မောင့်ရဲ့အိမ်ထောင်ရှင်မဘဝလေမောင်။

"ကျွန်မစကားတွေကအရင်တုန်းကလောက်မချိုသာတော့ဘူး"တဲ့လား။

ဟုတ်တာပေါ့မောင်ရယ်။ အိမ်ထောင်ရှင်မဆိုတာက လင်ယောက်ျားပေးသမျှကိုယူ၊ ကျွေးသမျှကိုစား၊ထားရာမှာနေ၊စေရာကိုသွားဆိုပြီး ကိုယ်အေးအေးဆေးဆေးနေရရင်ပြီးရောဆိုတဲ့စိတ်နဲ့ခပ်ဆိတ်ဆိတ်နေလို့မရဘူးလေ။မောင်နဲ့သားသမီးတွေအရိပ်အကဲကိုကြည့်ပြီး ချော့သင့်တဲ့နေ
ရာမှာချော့၊ ခြောက်သင့်တဲ့နေရာမှာခြောက်၊ ငေါက်သင့်တဲ့နေရာမှာငေါက်နေရတဲ့ကျွန်မကမောင်နားဝင်ချိုအောင်မပြောတတ်တော့တာကျွန်မဘက်ကလစ်ဟင်းမှုတစ်ခုဖြစ်နေတာလားမောင်။မိဘလက်ထက်တုန်းကတော့ ဒေါသ မောဟ စိုးရိမ်ကြောင့်ကျမှုတွေကင်းလို့ မိဘမောင်နှမတွေအပေါ်ဆိုးနွဲ့ရင်း ကလေးဆန်ဆန်နေခဲ့တဲ့ကျွန်မက စကားကိုလည်းချွဲချွဲနွဲ့နွဲ့လေးပြောတတ်ခဲ့တာပေါ့မောင်ရယ်။

"ကျွန်မ အရင်ကထက်ပိုဝလာတယ်"တဲ့လား။

ဟုတ်တာပေါ့မောင်ရယ်။မေမေတို့နဲ့အတူနေတုန်းက တစ်နေ့တခြားဝဝလာတဲ့အမေ့ကိုကြည့်ပြီးငါသာအမေ့နေရာရောက်ရင်အမေ့လိုမဝအောင်နေမယ်စိတ်ကူးထားပေမယ့်အခုချိန်မှာတော့ကျွန်မကအမေ့ဝဋ်လည်နေပြီမောင်။မောင်တို့ကဗိုက်ပူမှာစိုးလို့၊ အဆီတက်မှာစိုးလို့ဆိုပြီးမစား
ဘဲချန်ထားတတ်တဲ့ super dietတွေကို လွှင့်ပစ်ရမှာနှမျောတဲ့စိတ်နဲ့ အကုန်သိမ်းကြုံးစားနေရတဲ့ကျွန်မကိုမောင်ကတောင်ဘူဒိုဇာလေးလို့ချစ်စနိုးခေါ်နေသေးတယ်မဟုတ်လား။ကြက်သားဆိုရင် တောင်ပံနဲ့အရေပြားကအဆီများလို့မစားရတာနဲ့။ မုန့်ပုံးတစ်ပုံးဖောက်လိုက်ရင်လည်း
သကြားအုပ်ထားတဲ့မုန့်ချပ်တွေဆိုအချိုကဲလို့ဖယ်ထားရတာနဲ့။ညနက်မှပြန်လာတတ်တဲ့မောင့်ကို ထမင်းစားပွဲပြင်ဆင်ထားပြီးစောင့်နေတတ်ပေမယ့် တစ်ခါတစ်လေမှာမောင်က"အပြင်မှာအဆာပြေစားရင်း ဗိုက်တင်းသွားလို့မစားနိုင်တော့ဘူးကွာ"တစ်ခွန်းတည်းနဲ့ဒီအချိန်ထိစောင့်နေရ
တဲ့ကျွန်မနဲ့မောင့်အတွက်ပြင်ဆင်ထားတဲ့စားစရာတွေကိုလွယ်လွယ်နဲ့မျက်နှာလွဲပစ်နိုင်ပေမယ့် အိမ်တစ်ဆောင်ရဲ့မီးဖိုချောင်စာရင်းကိုနေ့စဉ်လက်ချိုးတွက်ရင်း ရင်မောနေရတဲ့ကျွန်မက မောင်တို့မစားနိုင်တဲ့စွန့်ပစ်စာတွေကိုလျစ်လျူမရှုနိုင်ခဲ့တာ ကျွန်မအလှပျက်ဖို့ဖြစ်လာခဲ့တာပေါ့မောင်ရယ်။

"ကျွန်မကမောင့်ကိုအရင်လိုဂရုမစိုက်တော့ဘူး"တဲ့လား။
ဟုတ်တာပေါ့မောင်ရယ်။မိုးလင်းကနေမိုးချုပ်တဲ့အထိမောင်တို့သားအဖတွေ ဝေယျာဝစ္စနဲလုံးချာလည်လိုက်နေတဲ့ကျွန်မကမောင့်အပေါ်ပြုစုယုယဖို့ပျက်ကွက်တာတွေတော့ရှိခဲ့မှာပေါ့နော်။

ဒါပေမယ့်မောင်ရယ်----အိမ်ထောင်တစ်ခုရဲ့လိုအပ်ချက်ကို ငွေစက္ကူတွေနဲ့ပဲချိန်တွက်လို့မောင်ကမျက်နှာလွဲခဲပစ်နေလိုက်လို့ရပေမယ့် အိမ်ထောင်တစ်ခုတည်မြဲသာယာဖို့အတွက်ကျွန်မတို့မိန်းမသားတွေက မှီခိုသူအမည်ခံပြီးနေရာတကာမှာ"ပါလေရာ ငါးပိချက်"လုပ်နေရတာကိုလည်း စာနာပေးပါဦးမောင်ရယ်။မောင်ပျော်နေရင်ကျွန်မပါလိုက်ပျော်လို့ ၊ မောင်ဝမ်း
နည်းနေတဲ့အခါ ကျွန်မပါနေစရာနေရာမရှိတော့လောက်အောင်ထပ်တူခံစားတတ်သူပါ။

မောင်အောင်မြင်နေချိန်မှာမောင့်လမ်းကြောင်းမတိမ်းစောင်းအောင်ဘေးကနေကူတည့်ပေးလို့မောင်ကျရှုံးချိန်မှာလည်းကျွန်မပုခုံးနှစ်ဖက်နဲ့မောင့်ကိုကူညီထောင်မတ်ပေးထားပါ့မယ်။

မောင့်မျက်နှာရိပ်မျက်နှာကဲကိုကြည့်ရုံနဲ့မောင့်ရင်ထဲကိုတစ်ဆုံးအထိမြင်နိုင်စွမ်းရှိတဲ့ကျွန်မပါ
မောင်။

မောင်ရယ်---

သာယာတဲ့မိသားစုဘဝကိုတည်ဆောက်နိုင်ဖို့ ဘဝတစ်လုံးရင်းနှီးမြှုပ်နှံထားတဲ့ကျွန်မဆီ
မှာမောင်သဘောမတွေ့စရာတွေများနေပြီလားကွယ်။ ကလေးကလားဆန်တယ်ပဲပြောပြော
မောင့်ကိုစကားတစ်ခွန်းတော့မေးချင်သေးတယ်။

** အရင်လိုချစ်သေးရဲ့လားကွယ်။**

Credit to မနောဖြူ