‌ဆေးရုံ‌ပေါ်က တ‌စ္ဆေ

ဆေးရုံပေါ်က တစ္ဆေ (ဝတ္ထုတို)

(တစ်)
ဆေးရုံပေါ်မှာ တစ္ဆေတစ်ကောင်ရှိနေကြောင်းသိသွားသူမှာသူတစ်ယောက်သာဖြစ်သည်။ ထိုကိစ္စဟာအံ့သြစရာကိစ္စဖြစ်ပေမယ့် (၃၁)ဘုံကိုယုံကြည်သူများအတွက် တစ်ကယ်တမ်းအံ့သြစရာမဟုတ်ပါ။တစ်ကယ်ပဲဆေးရုံပေါ်မှာ တစ္ဆေတစ်ကောင်ရှိနေခဲ့တာသေချာပါသည်။
ဆေးရုံတက်ရပြီးသုံးရက်မြောက်ညမှာပဲ ဆေးရုံပေါ်မှာတစ္ဆေတစ်ကောင်ရှိနေကြောင်းသူသိလိုက်ရခြင်းဖြစ်သည်။ ထိုညကမိုးတွေဟာအဆက်မပြတ်ရွာသွန်းနေ၏။ လူနာတွေကော လူနာစောင့်တွေပါ နှစ်နှစ်ခြိုက်ခြိုက်အိပ်ပျော်နေသော ညလည်းဖြစ်သည်။ ဆေးရုံခေါင်းမိုးပေါ်ကို တဖြောင်းဖြောင်းရိုက်ခတ်နေသည့်မိုးရေစက်တွေ၏အသံဟာလူတွေကိုအိပ်မောကျသွားအောင် ဖျားယောင်းသွေးဆောင်ခဲ့တာများလား။ လေတွေကလည်းတဝေါဝေါ တိုက်နေလိုက်တာ။ တစ်ချက်တစ်ချက် တဒိန်းဒိန်းပစ်ချလိုက်သော မိုးကြိုးပစ်သံ လင်းကနဲလက်ကနဲ ဝင်းလက်သွားသည့်လျှပ်စီးလက်ရောင်တွေကြားမှာပဲ ကော်ရစ်တာမှာရပ်နေသည့် တစ္ဆေတစ်ကောင်ကို သူတွေ့လိုက်ရခြင်းဖြစ်သည်။ တစ္ဆေတစ်ကောင်ဟာ ကော်ရစ်တာမှာရပ်နေလိုက်တာ မိုးရေတွေနဲ့ရွဲရွဲစိုလို့...။
တစ္ဆေကိုသူမြင်နေရပေမယ့် တစ္ဆေကသူ့ကိုမြင်ဟန်မတူပါ။ လူတွေအားလုံးအိပ်မောကျနေချိန်၊ အိပ်လို့မပျော်သည့် သူ့ကိုယ်သူအပြစ်တင်နေမိချိန်မှာပဲ ကော်ရစ်တာကတစ္ဆေကို သူမြင်သွားခဲ့ခြင်းဖြစ်သည်။ တစ္ဆေကိုသူမြင်နေရပေမယ့် တစ္ဆေကသူ့ကိုမြင်ဟန်မတူပါ။ မိုးရေထဲမှာကြွက်စုတ်တစ်ကောင်လို ချမ်းတုန်နေသည့် တစ္ဆေဟာအခန်းထဲကို ဝင်လာချင်ပုံပေါ်နေခဲ့သည်။
တစ္ဆေကိုမြင်စက ကြက်သီးမွှေးညှင်းထသွားခဲ့သော်လည်း နောက်ပိုင်းမှာတော့တစ္ဆေကို သူသနားသွားခဲ့သည်။ တစ္ဆေဟာလူတွေထင်သလိုကြောက်စရာကောင်းအောင် အရုပ်ဆိုးဆိုးဖြစ်မနေခဲ့ပါ။ တစ္ဆေဟာသနားစရာကောင်းအောင် ညှိုးငယ်လျက်ရှိသည်။ သူဟာ ကုတင်ပေါ်မှဖြည်းညှင်းစွာထလာရင်း တစ္ဆေဆီသို့လျှောက်လာခဲ့သည်။ ကော်ရစ်တာအထွက်မှာတော့ တစ္ဆေကလည်းသူ့ကိုမြင်သွားခဲ့ပါသည်။ ပထမတော့ တစ္ဆေဟာထွက်ပြေးဖို့ကြံစည်ခဲ့ပြီး နောက်ပိုင်းမှာတော့ကြက်သေသေရင်းသူ့ကို ငိုင်ကြည့်နေသည်။
"ခင်ဗျား သိပ်ချမ်းနေလား"
တစ္ဆေကိုသူမေးလိုက်မိသည်။ တစ္ဆေကသူ့ကိုမေးသည်မထင်ပဲ၊ သူ့နောက်ဘက်ကိုလှည့်ကြည့်လိုက်ပါသည်။
"ခင်ဗျားကိုမေးနေတာ ခင်ဗျားတအားချမ်းနေလားလို့"
ထိုအခါကျမှတစ္ဆေဟာသူ့ကို ပြောမှန်းသိသွားခဲ့ပြီး နောက်ကိုတရွေ့ရွေ့ဆုတ်ခွာသွားခဲ့သည်။
"မကြောက်ပါနဲ့ဗျာ ခင်ဗျားရေတွေရွှဲစိုနေတာကို ကျွန်တော်ကြည့်နေတာကြာပါပြီ။ ခင်ဗျားအအေးပတ်မှာစိုးလို့ ကျွန်တော်ထလာတာ"
အခုတိုင်အောင်တစ္ဆေက စကားတစ်ခွန်းမှသူ့ကိုမပြောပါ။
"လာပါ.. ကျွန်တော်လည်းအိပ်မပျော်လို့ ကော်ဖီပူပူလေးသောက်ရင်းစကားပြောရအောင်။ လူနာတွေကော လူနာစောင့်တွေကော အိပ်မောကျကုန်ကြပြီဗျ"
"ခင်ဗျားကျွန်တော့်ကိုမြင်ရတယ်"
"မြင်ရတာပေါ့ဗျာ၊ပြီးတော့ခင်ဗျားဟာ တစ္ဆေတစ်ကောင်ဆိုတာလဲ မြင်မြင်ခြင်းကျုပ်သိလိုက်ပါတယ်။ လာပါကောဖီပူပူလေးသောက်ကြရအောင်"
"ကျွန်တော့်ဘဝမှာ ဘာမှမသောက်ရတာအတော်ကြာပါပြီဗျာ။ လူ့ဘဝတုန်းကတော့ အရက်ပြီးရင်၊ကော်ဖီကိုကျွန်တော်အကြိုက်ဆုံးပဲ။ ဆရာ့ကိုကျွန်တော်ဘယ်လိုကျေးဇူးတင်ရမှန်းတာင် မသိတော့ဘူး"
ထိုနောက်မှာတော့ တစ္ဆေဟာလူနာဆောင်ထဲကို သူနှင့်လိုက်လာခဲ့သည်။ ရေစိုနေသည့်တစ္ဆေကို မျက်နှာသုပ်ပဝါလှမ်းပေးအပြီး၊ ဓာတ်ဗူးထဲကရေနွေးကို မတ်ခွက်ထဲငှဲ့ထည့်ကာ ကော်ဖီမစ်နှစ်ထုတ်ကို ဖွင့်ဖောက်လိုက်သည်။ ထို့နောက်မှာတော့ သူနှင့်တစ္ဆေဟာ...။

(နှစ်)
မနက်ခင်းလေဟာ ဆေးနံ့တွေ၊ ကာဘော်ခစ်ဆီနံ့တွေ၊ ချဉ်စုတ်စုတ်ပုပ်သိုးသိုးဆေးရုံနံ့တွေကိုသယ်ဆောင်ရင်း လူနာဆောင်ထဲကိုဖြတ်သန်းသွားသည်။ ထိုအနံ့တွေကို သယ်ဆောင်ရင်း လူနာဆောင်ထဲကိုဖြတ်သည်းသွားသည်။ ထိုအနံ့တွေကြောင်ပဲ သူဟာအိပ်ယာကနိုးလာခဲ့၏။
အိပ်ယာကနိုးတော့ ပထမဦးဆုံးသူသတိရလိုက်တာ ညကတွေ့ခဲ့သောတစ္ဆေကိုဖြစ်သည်။ သူဟာဘေးပတ်ဝန်းကျင်ကို လှမ်းကြည့်ရင်းတစ္ဆေကိုရှာကြည့်မိပေမယ့် လူနာဆောင်ထဲမှာ တစ္ဆေမရှိတော့ပါ။ သူ့ဘေးကုတင်ကလူနာစောင့်ဟာ သူ့လူနာကိုကော်ဖီဖျော်ပေးဖို့ ပြင်ဆင်နေသည်။ ထိုလူနာစောင့်ကိုလှမ်းကြည့်ရင်း၊
"တစ္ဆေတစ်ကောင်ကိုမြင်မိသေးလားဗျ"ဟု သူလှမ်းမေးလိုက်သည်။
"တစ္ဆေတစ်ကောင်"
"ဟုတ်တယ်လေ ပိန်ပိန်ရှည်ရှည် မျက်နှာက..."
ဆက်ပြောမည်လုပ်ပြီးမှ သူမပြောဖြစ်တာ့ပါ။ လူနာစောင့်ကလည်းသူ့ကိုနားမလည်သလိုကြည့်ရင်း သူ့လူနာအတွက်ကော်ဖီဆက်ဖျော်ပေးနေသည်။ ထိုအခါမှာပဲညကတစ္ဆေနှင့်သောက်ထားခဲ့သောကော်ဖီနှစ်ခွက်ကိုသူသတိရသွားကာ တစ္ဆေသောက်သွားသော ကော်ဖီခွက်ကိုကိုင်ကြည့်နေမိသည်။

(သုံး)
ထိုညမှာတော့တစ္ဆေပြန်ရောက်လာ၏။ ပထမ တစ္ဆေဟာအခန်းထဲကိုဝင်ရကောင်းနိုး၊ မဝင်ရကောင်းနိုး ချီတုန်ချတုန်ဖြစ်နေချိန်မှာအခန်းထဲကိုဝင်လာဖို့ သူလှမ်းခေါ်လိုက်သည်။ သူ့ခေါ်သံကြောင့် လူနာဆေးလာထည့်ပေးနေသော ထမီအနီဝတ်နက်စ်မလေးက သူ့ကိုလှမ်းကြည့်ရင်း
"လူနာဘာဖြစ်နေတာလဲ အခန်းထဲမှာတစ်ခြားလူနာတွေလည်းရှိတာအကျယ်ကြီးမအော်နဲ့လေ"ဟု လှမ်းပြောနေသည်။
"မပာုတ်ပါဘူး၊ ကျွန်တော့်မိတ်ဆွေတစ္ဆေ..."
"ဘာ... တစ္ဆေ၊ ပေါက်ပေါက်ရှာရှာ"
"မဟုတ်ပါဘူး၊ ကျွန်တော့်မိတ်ဆွေ ကော်ရစ်တာကဖြတ်လျှောက်သွားတာမြင်လိုက်လို့ပါ"
သူစကားမှားသွားသဖြင့် ခွိကနဲရယ်မိလိုက်ချိန်မှာ၊ သူ့မိတ်ဆွေတစ္ဆေဟာလည်း သူ့ကုတင်နားကိုရောက်လာခဲ့သည်။
"အဲ့ဒါ... အသစ်ရောက်လာတဲ့ နက်စ်မလေးပေါ့၊ သဘောတော်တော်ကောင်းတယ်။ ဒါပေမယ့်ဆရာဝန်ပေါက်စလေးနဲ့ငြိခါနီးနေပါပြီ၊ အပျိုလူပျို ဆိုတော့ငြိသွားလည်းကောင်းတာပါပဲဆရာရယ်။ ဒါပေမယ့် တစ်ချို့ဆရာဝန်တွေကော ဆရာဝန်ရဲ့မိဘတွေကပါ နက်စ်မဆိုရင် ဆရာဝန်နဲ့မတန်ဘူးလို့ထင်နေကြတာ"
တစ္ဆေကသူ့ကုတင်ရှေ့မှာဝင်ထိုင်ရင်း သူ့ကိုပြောပြနေသည်။
"မနေ့ကလိုပဲ ကော်ဖီသောက်ကြရအောင်"
ကော်ဖီနှစ်ခွက်ကိုသူဖျော်ပြီး တစ္ဆေကိုတစ်ခွက်ချပေးလိုက်သည်။ ထို့နောက်မှာတော့သူသိချင်သည့် အကြောင်းတွေကို တစ္ဆေဆီမှာမေးနေမိတော့သည်။ ဒီထဲမှာတစ္ဆေနှင့်ပတ်သက်သည့် အကြောင်းတွေကော၊ ဆေးရုံနှင့်ပတ်သက်သည့်အကြောင်းတွေပါ ပါသည်။
တစ္ဆေကလည်း ဒီဆေးရုံမှာသူရောက်နေတာနှစ်ပေါင်းနှစ်ဆယ်ရှိပြီဖြစ်ကြောင်း။ လူ့ဘဝတုန်းက သူဟာဆပ်ကပ်ထဲမှာ ဓါးပေါက်သူလုပ်ကြောင်း။ သူဟာဓါးပေါက်ရသည့်ကောင်မလေးကိုချစ်ခဲ့ပေမယ့် ကောင်မလေးကဆပ်ကပ်ဆရာနှင့်ငြိနေကြောင်း။ သူဟာဓါးပေါက်ရပေမယ့်သူ့နှလုံးသားကတအားကိုနုခဲ့ကြောင်း။ ဒါကြောင့်မို့လည်းအရက်သမားကြီးလုံးဝဖြစ်သွားကြောင်း။ နောက်ဆုံးကောင်မလေးကိုယ်ဝန်ရချိန်မှာဆပ်ကပ်ဆရာကမယူသဖြင့် ကောင်မလေးကိုကောက်ယူပြီး ဆပ်ကပ်ထဲက သူထွက်လာခဲ့ကြောင်း။ ပြီးတော့သူဟာဆပ်ကပ်လူပြက်လိုဝတ်၊ မျက်နှာဖုံးတွေလိုက်ရောင်း။ သည်လိုနှင့်ပဲကောင်မလေးကိုလုပ်ကျွေးခဲ့ရကြောင်းဝမ်းနည်းဖွယ်ရာပြောပြခဲ့ပါသည်။
"ကောင်မလေးက ခင်ဗျားကို ချစ်သွားတာပေါ့"
"တကယ်တော့ဒီလိုပဲဖြစ်ရမှာပေါ့ဆရာရယ်။ ဒါပေမယ့်လက်တွေ့ဘဝက ဒီလိုဖြစ်မလာခဲ့ပါဘူး မိန်းမဆိုတာတအားကို နားလည်ရခက်ပါတယ်။ ကျွန်တော့်ဘက်က ဘယ်လောက်ပဲချစ်ခဲ့ပေမယ့် ကောင်မလေးက ကျွန်တာ့်ကိုမချစ်ဘူး။ ဆပ်ကပ်ဆရာနဲ့ရတဲ့ကလေးက အဖတ်မတင်ပေမယ့် ကောင်မလေးက ဆပ်ကပ်ဆရာနဲ့ပြန်ဆက်သွယ်နေတာကိုကျွန်တော်သိသွားခဲ့တယ်။ ကျွန်တော်လည်းအဲ့ဒီအချိန်ကတည်းက အရက်တွေကိုပြန်ပြီးသောက်ဖြစ်လိုက်တာ ကားတိုက်ခံရပြီးဒီဆေးရုံပေါ်မှာသေတဲ့အထိ။ မှတ်မှတ်ရရဆရာ့ ကုတင်ပေါ်မှာပဲကျွန်တော်သေခဲ့တာ"
"ဗျာ... အဲ့ဒီလိုတော့ မနောက်ပါနဲ့ဗျာ။ ကျုပ်ကကြောက်တတ်တယ်ဗျ။ ဒါကြောင့်မို့ခင်ဗျားကိုမြင်ကတည်းက ဆပ်ကပ်လူပြက်နဲ့တူတယ်လို့ကျုပ်ထင်နေတာ"
"နှစ်ပေါင်းနှစ်ဆယ်ဒီဆေးရုံမှာ နေလာရတော့အတွေ့အကြုံလည်းများပြီဆရာရဲ့။ ဆေးရုံလာတက်တဲ့လူနာတွေအကြောင်း တာဝန်ကျတဲ့ဆရာဝန်တွေအကြောင်း၊ တာဝန်ကျတဲ့နက်စ်မတွေအကြောင်း ဆေးရုံအုပ်ကြီးတွေနဲ့ သန့်ရှင်းရေး အလုပ်သမားတွေအကြောင်း။ တစ်ချို့ကျတော့လည်း ဆေးရုံအထူးခန်းမှာလာတက်ပြီး မဟုတ်တာတွေလုပ်သွားတဲ့လူနာတွေအကြောင်း။ တစ်ချို့ဆရာဝန်တွေအခန်းထဲကို ညဘက်ရောက်ရောက်လာတတ်တဲ့ နက်စ်မတွေအကြောင်း။ သူတို့ကကျွန်တော့်ကိုမမြင်ကြပေမယ့်မြင်ရတဲ့ ကျွန်တော်ကတော့ ရှက်တယ်ဆရာရယ်။ တစ်ချို့ဆရာဝန်တွေကျတော့လည်း တစ်ကယ်ကိုစိတ်ထားကောင်းတာပါ။ မနူးမနပ်ဆရာဝန်တွေကတော့ ဟန်ပန်တွေသိပ်များတယ် ဆရာရဲ့။ ကားနဲ့လာရတာတောင် ကိုယ့်ဆေးသေတ္တာပေါ့ပေါ့လေးကို ကိုယ်နေတဲ့အခန်းထဲလိုက်ထည့်ပေးဖို့အိမ်ကအိမ်ဖော်ကိုခေါ်လာတဲ့ ဆရာဝန်ကလည်းရှိသေးတယ် (တစ်ကယ်ကြီးလားဟင်??? မှတ်ချက်။ admin) တစ်ချို့ဆရာဝန်တွေဆို သိပ်ရယ်ရတယ်။ တစ်ပတ်တစ်ခါ ကိုယ့်ကိုကိုယ် ဘီတွဲထိုးတယ်။ အရက်သောက်တာတို့ ကွမ်းစားတာတို့ဆိုကျွန်တော်မအံ့သြဘူး။ တစ်ချို့ကျတော့ပေါ်ပြူလာ တအားဖြစ်ချင်ကြပြန်ရော။ ဆေးရုံအုပ်ကြီးကိုဖားပြီး အချင်းချင်းထောင်တဲ့ဆရာဝန်ကလည်းရှိသေး"
"ဒါကတော့ ပုတုဇဉ်တွေပဲဗျာ။ ရှည်တုဇဉ်တွေမှမဟုတ်တာ။ ပုတုဇနောဥမ္မတကောဆိုလား။ ဆရာဝန်ဖြစ်လို့ ဒီလိုမဖြစ်ရဘူးပြောလို့မှမရတာ"
"ကျွန်တော်ရောက်နေတာ အနှစ် နှစ်ဆယ်ဆိုတော့ အခြေအနေတွေကလည်း အတော်ပြောင်းသွားပြီဆရာရဲ့။ ဒီဘက်နှစ်တွေမှာ ဆေးဆိုတာဝယ်ပြီးကိုသုံးလာရတာ။ ဆေးရုံတက်ကတည်းက ထိုးဆေး သောက်ဆေး၊ ဆေးထိုးအပ်ကအစ၊ အသည်းအသန်လူနာတွေကိုလာကြည့်ဖို့ဆရာဝန်ကြီးတွေဆိုလည်း ငွေနဲ့သွားကန်တော့မှလာကြည့်ကြတာ။ နက်စ်မတွေဆိုလည်း အချိန်ပိုင်းစပါယ်ရှယ်နက်စ်တွေငှားမှ သေသေချာချာဂရုစိုက်ကြတာ။ ပညာသင်ခဲ့ပြီးခါမှ လူတွေရဲ့နှလုံးသားတွေဟာဘာကြောင့်ပျက်စီးသွားတာလဲ ကျွန်တော်စဉ်းစားမရဘူး။ ကျွန်တော်ကတော့ကျွန်တော့်လူ့ဘဝက ဖတ်ဖူးတဲ့နောမန်ဗက်သွန်းလို ဆရာဝန်တွေနဲ့မာသာထရီဆာလို သူတော်စဉ်တွေကိုပဲတွေ့ချင်နေတာ"
"ခင်ဗျားဖြစ်ချင်တာတွေ တော်တော်များနေပြီဗျ။ လူ့ဘဝဆိုတာက ကိုယ်ဖြစ်ချင်သလိုပြဋ္ဌာန်းလို့ရတာမှမဟုတ်တာ။ နော်မန်ဗက်သွန်းနဲ့မာသာထရီဆာဆိုတာကလည်း သန်းပေါင်းထောင်ချီတဲ့အထဲကတစ်ယောက်တစ်လေဖြစ်လာတာပါဗျာ။ ခင်ဗျားစိတ်ကိုလျှော့စမ်းပါ။ စိတ်ကိုလျှော့တာဟာရောဂါကို သက်သာစေတယ်ဗျ။ တစ္ဆေသက်ရှည်ချင်ရင် စိတ်ကိုလျှော့၊ လေကောင်းလေသန့်လေးရှုပေါ့ဗျာ။ ဆေးရုံထဲမှာတော့မရှုနဲ့ဗျ၊ ဆေးရုံထဲမှာအနံ့အသက်မကောင်းဘူး"
ဒီလိုနှင့်ပဲ တစ္ဆေနှင့်သူအတာ့်ကိုရင်းနှီးသွားခဲ့ကြ၏။ တစ္ဆေဟာညတိုင်းလိုလိုသူ့ဆီလာပြီး စကားပြော၏။ သူကလည်းညတိုင်းလိုလိုတစ္ဆေကိုကော်ဖီဖြစ်ဖြစ်၊ လက်ဖက်ရည်ဖြစ်ဖြစ်၊ ဖျော်ပြီးဧည့်ခံနေခဲ့သည်။
တစ်ည ..........။
နှစ်ည  ..........။
သုံးည ..........။
ငါးည ..........။
ဆယ်ည ..........။

(လေး)
ထိုနေ့မနက်က တိမ်တွေဟာကောင်းကင်မှာ အဆုပ်လိုက်အဆုပ်လိုက်လွင့်မြောနေခဲ့သည်။ တိမ်တွေကြားကနေရောင်ခြည်ဟာတစ်ခါတစ်ခါမြေပြင်က ပျောက်ကွယ်သွားတတ်ပြန်သည်။ ထိုနေ့မနက်ဆယ်နာရီလောက်မှာပဲ ဆေးရုံစကားအရ၊ ဆရာဝန်ကြီး round လှည့်လာသည်။ ဆရာဝန်ကြီးနှင့်အတူဆေးကျောင်းသားတွေတစ်သီကြီးပါလာခဲ့သည်။ ဆရာဝန်ကြီးဟာ တစ္ဆေစကားအရမိန်းမနှစ်ယောက်ရှိပြီး ဆရာဝန်ပေါက်စ စပ်စလူးမလေးနှင့်လည်း ဘာလိုလိုဟုဆိုပါသည်။ လူနာတွေတစ်ယောက်ပြီးတစ်ယောက်လျှောက်ကြည့်ရင်းသူ့ကုတင်နားကို ဆရာဝန်ကြီးရောက်လာခဲ့သည်။ သူ့လူနာမှတ်တမ်းကိုဆရာဝန်ကြီးကောက်ကြည့်လိုက်ချိန်မှာ ဆေးကျောင်းသားတွေလည်းစာအုပ်လေးတွေဖွင့်လိုက်ကြသည်။
"ညဘက်ညဘက်တွေမအိပ်ဘူးဆို"
"ဟုတ်ကဲ့..."
"ပြီးတော့စကားတွေလည်းပြေပြောနေတယ်ကြားတယ်၊ ဘယ်သူနဲ့များပြောနေတာလဲ"
"ကျွန်တော်.... ကျွန်တော်"
"ခေါင်းကိုနည်းနည်းထိခိုက်သွားတယ်ထင်တယ်။ ဘာလို့တစ်ယောက်ထဲစကားတွေပြောနေရတာလဲ"
"ဆရာဝန်ကြီးယုံမယ်ဆိုရင်တော့ ကျွန်တော်ပြောပြချင်ပါတယ်။ ဆရာဝန်ကြီးဟာ အင်ဒရေရာဂင်လို ဆရာဝန်တစ်ယောက်ဖြစ်မယ်လို့ကျွန်တော်ယုံကြည်ပါတယ်"
"အင်ဒရေရာဂင်၊ ဘယ်သူလဲ အင်ဒရေရာဂင် ဆိုတာ"
"ချက်ကော့ဗ် ရေးတဲ့ လူနာဆောင်အမှတ်ခြောက်ဝတ္ထုထဲက ဆေးရုံအုပ်ပါ"
"အင်း... ကျုပ်မဖတ်ဖူးဘူး၊ ပြောပါဘယ်သူနဲ့ စကားပြောနေသလဲဆိုတာ"
"ဒီဆေးရုံမှာ တစ္ဆေတစ်ကောင်ရှိတယ် ဆရာဝန်ကြီးရဲ့။ ဒီတစ္ဆေကသနားဖို့လည်းကောင်းပါတယ်။ ဒီမှာသူနေလာတာ အနှစ်နှစ်ဆယ်ဆိုတော့ ဒီကအကြောင်းတွေသူသိနေတယ်တဲ့။ ဆေးရုံလာတက်တဲ့ လူနာတွေအကြောင်းရော။ ဒီကဆရာဝန်၊ ဆရာမ၊ နက်စ်မတွေအကြောင်းရော၊ ညညဆို အဲ့ဒီအကြောင်းတွေပြောပြောနေတာ"
"သြော်... တစ္ဆေနဲ့စကားပြောနေတာကိုး။ ကျုပ်အကြောင်းရော တစ္ဆေကဘာတွေပြောသွားသေးလဲ"
"ဆရာဝန်ကြီး... ဆရာဝန်ကြီး၊ အဲ့ဆရာဝန်ကြီးဆီမှာ မိန်းမနှစ်ယောက်ရှိတယ်လို့ တစ္ဆေကပြောပါတယ်။ ပြီးတော့ဒီဆေးရုံက ဆရာဝန်မပေါက်စလေး..."
သူ့စကားကြောင့် ဆရာဝန်ကြီးမျက်နှာကွက်ကနဲ့ပျက်သွားသည်။ ဆေးကျောင်းသားတွေထဲက ကောင်မလေးတစ်ယောက်ဟာခွိကနဲရယ်လိုက်ပြီး တာဝန်ကျဆရာဝန်မကတော့ မျက်နှာနီကနဲဖြစ်သွားခဲ့သည်။ ဆရာဝန်ကြီးမျက်နှာပျက်သွားသဖြင့် သူ့စကားကိုဆက်ရကောင်းနိုး မဆက်ရကောင်းနိုးစဉ်းစားနေချိန်မှာပဲ ဆရာဝန်ကြီးလည်းတစ်ခြားကုတင်ရှိရာကို ဆက်လျှောက်သွားတော့သည်။

(ငါး)
ထိုနေ့နေလည်မှာပဲ တာဝန်ကျဆရာဝန်မနှင့် နက်စ်မကြီးရောက်လာခဲ့၏။ ပြီးတော့သူ့ကိုဆေးရုံပြောင်းရမည်ဖြစ်ကြောင်း အိမ်ကိုအကြောင်းကြားပြီး ပစ္စည်းတွေသိမ်းထားဖို့လိုကြောင်းလာပြောသွားခဲ့သည်။
"ဘယ်ဆေးရုံပြောင်းရမှာလဲ"သူမေးကြည့်တော့ အပြာဝတ်နက်စ်မကြီးက...။
"ရှင်နဲ့တွေ့တွေ့နေတဲ့ တစ္ဆေကြီးမေးကြည့်ပေါ့"ဟုဆိုကာသူ့ရှေ့ကနေဆောင့်ကြီးအောင့်ကြီးနှင့်လှည့်ထွက်သွားပါသည်။
တစ္ဆေကိုသူစောင့်နေပေမယ့် ညမရောက်သေးသည့်အတွက်တစ္ဆေနှင့်သူမတွေ့ရသေးပါ။
Creditမူရင်း