တာ‌တေ ပထမပိုင်း

တာ​တေ​....
အောက်လမ်းတော့ အောက်လမ်းပဲဗျ။ ဒါပေမဲ့ ဆရာ စောရာမ ဆိုတဲ့လူကိုတော့ ကျုပ် ဘယ်တော့မှ မမေ့ဘူးဗျာ။
ကျုပ် အောက်လမ်းဆရာတွေကိုလည်း လိုက်ပြီးကူညီပေးဖူးပါတယ်။
ဆရာ ကိုတက်ခါးတုန်းကဆိုရင် ကိုးကျင်းအောင်သွားပေမယ့် အတောင်ပံနဲ့ သရဲကြီးက လည်ပင်းကို လိမ်ချိုး သတ်ပစ်လိုက်တာ။
(ဆရာကိုတက်ခါးအကြောင်းကို ဖတ်ချင်ရင်တော့ ကျုပ်ရေးခဲ့တဲ့ ကိုယ်တွေ့မဖဲဝါ စာအုပ်ထဲက ကိုးသချိုင်းကဝေ မှာ ပြန်ဖတ်ကြည့်ပါ။
အဲဒီဆရာကိုတက်ခါးက နည်းနည်းကြွားချင်တယ်ဗျ။ ကျုပ်ကို သူတတ်ထားတဲ့ပညာတွေ ပြသေးတာ။ မိန်းမကိစ္စကလည်း မကင်းဘူးဗျ။)
ဆရာစောရာမကတော့ ပညာသည်စစ်စစ်ဗျ။ ဘာပညာမှလည်း မပြဘူး။ ကြွားလည်းမကြွားဘူး။ ထောင်ထောင်လွှားလွှားလည်း မလုပ်ဘူးဗျ။
သူ့အစီအရင် အောင်ဖို့ကိုပဲ အာရုံစိုက်နေတာ။
ကျုပ်ကလည်း သူစီရင်မယ့် အစီအရင်ဟာ ဘာအစီအရင်ဆိုတာ မသိခဲ့ဘူးဗျ။
မဖဲဝါကို စီရင်ထားမှန်း ကျုပ်လုံးဝမသိခဲ့တာပါ၊ မဖဲဝါကို ကိုယ်တစ်ကိုယ်ခွဲခိုင်းတဲ့ ကိုယ်တူကိုယ်ခွဲ အစီအရင်ဆိုတာသိရင်
ကျုပ် ဘယ်ကူညီလိမ့်မတုံးဗျာ။ ဘာဖြစ်လို့တုံးဆိုတော့ ခင်ဗျားတို့ သိတဲ့အတိုင်းပဲလေ။
ကျုပ်နဲ့ သချိုင်းရှင်မကြီး မဖဲဝါနဲ့က တော်တော်ကို ခင်မင်ရင်းနှီးနေပြီလေဗျာ။
ကျုပ် အကူအညီလိုတိုင်း ကူညီနေတာဗျ။ ကျုပ်ဖြင့်ဗျာ ဆရာစောရာမကိစ္စတုန်းက မဖဲဝါကို အားနာလိုက်တာ မပြောပါနဲ့တော့ဗျာ။
ဆရာစောရာမဆိုတဲ့လူကလည်း ပညာတွေထက်လိုက်တာဗျာ။ မဖဲဝါကိုတောင် နိုင်တဲ့လူဗျ။
မဖဲဝါက ဒီဆရာကို ဘယ်လိုမှ မယှဉ်နိုင်လို့ကို အရုပ်လေးမှာ အသက်သွင်းပေးလိုက်ရတာဗျို့။
ဒါပေမဲ့ ဆရာစောရာမက သူသိပ်အောင်ချင်တဲ့ အစီအရင်အောင်သွားလို့ ဝမ်းသားအားရဖြစ်သွားတာဟာ သူ့အမှားပဲဗျ။ စည်းတွေတားထားဖို့ သူ သတိလစ်သွားပုံပဲဗျာ။
မဖဲဝါက အောက်လမ်းဆရာလက်ထဲကို သူ့အသက်သွင်းပေးလိုက်ရတဲ့ ကိုယ်တူကိုယ်ခွဲ အရုပ်လေးကို လုံးဝအပါမခံဘူးဗျ။
ဒီအရုပ်လေး ကျုပ်ဆီမှာရှိတာ ဘယ်သူမှ မသိကြဘူးဗျို့။ ကျုပ်ကလည်း မဖဲဝါ မှာတဲ့အတိုင်း ဘယ်သူ့ကိုမှ မပြခဲ့ဘူး။
ပြဖို့နေနေသာသာ ပြောကိုမပြောတာဗျို့။
ကျုပ်မှာက ဘာအကြောင်းမှလည်း ခုချိန်အထိ မပေါ်ခဲ့ပါဘူး။
ဒီအရုပ်ကလေးကို ကျုပ်တစ်ခါမှ ထုတ်မသုံးခဲ့ရပါဘူးဗျာ။ သစ်စုန်းဆေးတော်နဲ့ မျက်ကွင်းဆေးကို ကတ္တီပါအိတ်ရှုံ့အနီကလေးနဲ့ ထားတယ်။
မဖဲဝါအရုပ်ကလေးကိုတော့ ကတ္တီပါအိတ်ရှုံ့အနက်ကလေးနဲ့ ထားတာဗျ။
ခင်ဗျားကိုတော့ ကျုပ်ပြောရဦးမယ်။ မဖဲဝါကိုယ်တိုင် အသက်သွင်းပေးထားရတဲ့ မဖဲဝါ ကိုယ်ခွဲအရုပ်ကလေးကို ပထမဆုံး ကျုပ် ကြည့်ဖူးတုန်းက အံ့သြလိုက်တာဗျာ မပြောပါနဲ့တော့။
ဘာဖြစ်လို့တုန်းဆိုတော့ အရုပ်ကလေးက လေးလက်မခွဲရှိတယ်။ ကျုပ် အပြင်မှာ မြင်ဖူးတဲ့ မဖဲဝါရဲ့ပုံစံနဲ့ ထုထားတဲ့ အရုပ်ကလေးရဲ့ ပုံစံက တစ်ထေရာတည်းဖြစ်နေလို့ပဲဗျို့။
ကျုပ်စိတ်ထင် ဆရာစောရာမက မဖဲဝါကို ကောင်းကောင်းမြင်ဖူးပုံရတယ်ဗျ။
သူပြောတဲ့ပုံအတိုင်း ပန်းပုဆရာက ထုပေးရတာကိုး။ ပြီးတော့ ထုပေးတဲ့ ပန်းပုဆရာကလည်း အောင်စိန်တို့လို လက်ရာမြောက်တဲ့ ဆရာ ဖြစ်မယ်ဗျို့။
ချွတ်စွတ်ကို တူနေတာဗျ။ ဒါကြောင့် ဆရာစောရာမကို ကျုပ် အထင်မသေးတာဗျို့။
အောက်လမ်းပေမယ့် ဒီလူ ပေါ့သေးသေးလူ မဟုတ်ဘူးဗျ။
အဲ ခင်ဗျားကို ပြောရဦးမယ်။
ဆရာစောရာမ မသေခင်က ကျုပ်ကို ပေးခဲ့တဲ့ ငွေဖို၊ ငွေမလေးတွေ ကျုပ်မှာ ရှိတယ်လေဗျာ။
မတ်စေ့လေး နှစ်စေ့လေး။
တာတေပဲဗျာ။ ပြောတိုင်း ယုံပါ့မလား။ ကျုပ် အဲဒီ ငွေဖို ငွေမကို လက်တွေ့စမ်းသပ်ပြီးပြီဗျို့။ စမ်းတာမှ တစ်ခါမဟုတ်ဘူး။ သုံးလေးခါ စမ်းတာဗျို့။
ငွေဖို ငွေမကို ကျုပ် သစ်သားသေတ္တာကလေးနဲ့ ထည့်ထားတယ်။ သေတ္တာမှာက မျောက်လက်ကလေး အဆင်သင့်ပါပြီးသားဆိုတော့
ကျုပ်က သေတ္တာထဲမှာ ငွေဖို ငွေမ ထည့်ပြီး တစ်ဆယ်တန်ကလေး ဆယ်ရွက်ထည့်ထားတယ်။
သေတ္တာကို သော့ခလောက် သေးသေးလေးနဲ့ ခတ်ထားတယ်။
ကျုပ် မြို့သွားတုန်းက အဲဒီပိုက်ဆံတစ်ရာကို ယူသွားတယ်။
မြို့မှာ ကျုပ် လုံချည်ဝယ်တယ်၊ စွပ်ကျယ်နှစ်ထည် ဝယ်တယ်။ အမေမှာလိုက်လို့ ဆီတို့၊ ငြုပ်သီးတို့ ဝယ်တယ်။
ပြောရရင်တော့ အဲဒီ ငွေတစ်ရာကို မကုန်ကုန်အောင်ကို ကျုပ် သုံးပစ်ခဲ့တာဗျ။
ဆရာတော်ကို ဆွမ်းကပ်ဖို့ ဝက်သား နှစ်ပိသာလည်း ကျုပ် ဝယ်ခဲ့တယ်။ အဘက တစ်ခါ တစ်ခါ ဆေးတံဖွာတတ်တော့
အဘအတွက် ဆေးတံသောက်ဆေးဘူးလည်း ဝယ်လိုက်သေးတယ်ဗျ။
တိုတိုပြောရရင် ကျုပ် ယူသွားတဲ့ ငွေတစ်ရာကုန်ရော ဆိုပါတော့ဗျာ။ ကျုပ် ရွာပြန်ရောက်တော့ သော့ခတ်ထားတဲ့ သေတ္တာလေးကို ဖွင့်ပြီး ကြည့်လိုက်တယ်။
"ဟာ"
ကျုပ်ဖြင့်ဗျာ အံ့သြလွန်းလို့ 'ဟာ'ကနဲတောင် ထအော်မိတယ်။ ငွေတစ်ရာဗျ။
ဆယ်တန်ကလေး ဆယ်ရွက် ကျုပ်ယူသွားတဲ့ ပိုက်ဆံတွေဗျ။ တစ်ရွက်မှ မလွဲဘူးဗျို့။
သေတ္တာထဲ ပြန်ရောက်နေတာ။ လောကကြီး ဆန်းကြယ်လှချည်လားလို့ ကျုပ်စိတ်ထဲက ပြောလိုက်မိတယ်။
ဒါကြောင့်လည်း ဒီလိုပညာမျိုးတွေကို လူတွေ လေ့လာလိုက်စားကြတာကိုး။
ဒါပေမဲ့ ဒီအကြောင်း ကျုပ် ဘယ်သူ့ကိုမှ မပြောခဲ့ဘူးဗျ။ ဆရာစောရာမက ဒီ ငွေဖို ငွေမ ကလေးတွေကို ကျုပ်ကို ပေးတုန်းက အနားမှာ ကိုဘညိုကြီး ရှိနေတာလေဗျာ။
ဒီနောက်ပိုင်းမှာ ကိုဘညိုနဲ့ ကျုပ်နဲ့ တစ်ခါ နှစ်ခါ တွေ့သေးတာပဲ။ သူလည်း ဒီအကြောင်းကို တစ်ခါမှ မမေးပါဘူး။ သတိတောင် ရပုံမပေါ်ပါဘူးဗျာ။
ကျုပ်ဆိုတဲ့ကောင်က ဘာမဆို သေချာမှ ကြိုက်တာဗျ။ နောက်တစ်ခါ ကျုပ် ထပ်စမ်းကြည့်တယ်။
ဒီတစ်ခါတော့ ငွေငါးဆယ်ယူပြီး အကုန်သုံးပစ်လိုက်တယ်။ တစ်နေရာတည်းမှာ ငါးဆယ်ဖိုး မသုံးဘဲ ဆယ်နေရာလောက်ခွဲပြီး သုံးလိုက်တာဗျ။
ညရောက်တော့ ကျုပ် သေတ္တာသော့လေးကို ဖွင့်ကြည့်လိုက်တယ်။
"ဟာ"
ပြန်ရောက်နေတာပဲဗျ။
တော်တော်ကို စွမ်းတဲ့ ပညာပဲဗျာ။ ကျုပ်ဖြင့် တစ်သက်နဲ့ တစ်ကိုယ် တစ်ခါမှ ဒါမျိုး မြင်လည်း မမြင်ဖူးဘူး။
ကြားလည်း မကြားဖူးဘူးဗျ။
ဒီအကြောင်းကို အိမ်က အဘနဲ့ အမေကိုတောင် ကျုပ် ပြောမပြဘူးဗျ။
နောက်တစ်ခါမှာတော့ ဆယ်တန် ဆယ်ရွက်စလုံးယူပြီး နံပါတ်တွေ သေသေချာချာ မှတ်တယ်။
ပြီးတော့ ပိုက်ဆံအရွက်တိုင်းကို ခဲတံနဲ့ အမှတ်ကလေးတွေ လိုက်မှတ်ပြီးမှ ကျုပ် မြို့ကို ယူသွားတယ်။
ဒီတုန်းက ရွှေတစ်ကျပ်သားမှ သုံးရာ့ငါးဆယ်ပဲရှိတာ။ ကျုပ် ရွှေဆိုင်ကို သွားပြီး တစ်မတ်သားရှိတဲ့ လက်စွပ်တစ်ကွင်း ဝယ်လိုက်တယ်။
အလျော့တွက်ပေးရတာနဲ့ လက်ခပေးရတာနဲ့ဆိုတော့ တစ်ရာကို နည်းနည်းတော့ ကျော်တာပေါ့ဗျာ။
ရွာပြန်ရောက်တော့ ငွေဖို ငွေမ သေတ္တာလေးကို ကျုပ် သော့ဖွင့်ကြည့်လိုက်တယ်။
"အို"
ပြန်ရောက်နေတာပဲဗျ။
ကျုပ် တစ်ဆယ်တန်တွေကို နံပါတ်တွေနဲ့ သေသေချာချာတိုက်ပြီး စစ်တယ်။ ကျုပ် မှတ်ထားတဲ့ အမှတ်တွေလည်း ပြန်စစ်တယ်။ ဆယ်ရွက်စလုံး ကျုပ် ပိုက်ဆံချည်းပါပဲဗျာ။
ဒီတုန်းက ဆယ်တန်ဆိုတာက အပြာရောင်ကလေးဗျ။ ဗိုလ်ချုပ်အောင်ဆန်းပုံတစ်ဖက်၊ ဒေါင်းပုံတစ်ဖက်ဗျ။
ကျုပ်ဖြင့် လက်မှာ ဝတ်ထားတဲ့ လက်စွပ်ကို ပွတ်ကြည့်ရင်း ငိုင်သွားတယ်။ ကျုပ် မတရားလုပ်ရာ ရောက်နေပြီပေါ့ဗျာ။
ကျုပ် ပစ္စည်းတွေ သွားဝယ်တဲ့ဆိုင်တွေက သက်သက်ဆုံးရှုံးရပြီပေါ့ဗျာ။
ငွေတွေက ကျုပ်ဆီကို အားလုံးပြန်ရောက်နေတယ်။ သူတို့ဆီက ဝယ်လာတဲ့ပစ္စည်းတွေကို ကျုပ် အလကားရတာပေါ့ဗျာ။
ဒါ ခိုးတာပဲလို့ ကျုပ်စိတ်ထဲမှာ ခံစားမိတယ်။ သေတ္တာထဲ ထည့်ထားတဲ့ ငွေတစ်ရာကို ကျုပ်ထုတ်ယူပြီး တခြားတစ်နေရာမှာ ထားလိုက်တယ်။
ငွေဖို ငွေမ မတ်စေ့လေး နှစ်စေ့ကို သေတ္တာထဲကယူပြီး သေတ္တာလေးကို ကျုပ် ကုတင်အောက်မှာ သိမ်းထားလိုက်တယ်။
ဝိုင်းထဲမှာ ပစ်ထားတဲ့ အုန်းမှုတ်ခွက်ကလေးတစ်ခွက်ကို ကောက်ယူပြီးတော့ ငွေဖို ငွေမကို ထည့်လိုက်တယ်။
"ဒီငွေဖို ငွေမမှာ အစောင့်ရှိတယ်ဆိုရင် ကျုပ်ကို သိသာအောင် ခုန်ပြပါ"
လို့ ကျုပ်ပါးစပ်က ပြောလိုက်တယ်ဗျ။မကြာပါဘူးဗျာ။
"ချွင်၊ ချွင်၊ ချွင်၊ ချွင်"
မတ်စေ့လေး နှစ်စေ့က အုန်းမှုတ်ခွက်ထဲမှာ ခုန်နေရောဗျို့။
ကျုပ် တော်တော်ကို စိတ်မကောင်းဖြစ်သွားတယ်။ ဆရာစောရာမက ဝိညာဉ်အဖိုနဲ့ အမကို အစီရင်လုပ်ပြီး ငွေကို ပြန်ယူခိုင်းတာဗျ။
တာတေ ဒီပညာကို အရမ်းအံ့သြတယ်။ ဆရာစောရာမကိုလည်း တော်တော်ကို ချီးမွမ်းမိတယ်ဗျာ။
ဒါပေမဲ့ ဒီဝိညာဉ်တွေကို တာတေ လွှတ်ပေးရမယ်။
"ငွေဖို ငွေမမှာ ဆရာတစ်ယောက်ရဲ့ အမိန့်ကြောင့် စောင့်နေကြရတဲ့
အသင်ဝိညာဉ်တို့၊ သင်တို့ကို စီရင်ခဲ့တဲ့ ဆရာဆိုတဲ့လူလည်း လူ့လောကမှာ မရှိတော့ဘူး။
အဲဒီဆရာက သင်တို့ကို ကျုပ်လက်ထဲ လွှဲပြောင်းပေးသွားတာဖြစ်လို့ သင်တို့ကို ကျုပ်ပိုင်တယ်။
ဒါကြောင့် အခုအချိန်ကစပြီး သင်တို့ကို ကျုပ်လွှတ်ပေးလိုက်ပြီ။ သင်တို့ သွားလိုရာကို လွတ်လွတ်လပ်လပ် သွားကြပေတော့။ သွားကြပေတော့"."ချွင်၊ ချွင်၊ ချွင်၊ ချွင်"
ဟာ မတ်စေ့လေးနှစ်စေ့က အုန်းမှုတ်ခွက်ထဲမှာ ထပြီး တချွင်ချွင်နဲ့ ခုန်နေတယ်ဗျ။"ဟော ရပ်သွားပြီ"
အခုန်ရပ်သွားပြီဗျ။ သူတို့ တချွင်ချွင်နဲ့ ခုန်ပြသွားတာ။
ဝမ်းသာအားရဖြစ်ပြီး ကျုပ်ကို နှုတ်ဆက်သွားကြတာ ထင်တယ်ဗျို့။
ကျုပ်လည်း ယောက်ျားခေါင်းခွံထဲက ယူထားတယ်ဆိုတဲ့
မတ်စေ့လေးနဲ့ မိန်းမခေါင်းခွံထဲက ယူထားတယ်ဆိုတဲ့ မတ်စေ့လေးကိုယူပြီး ထနောင်းကုန်းသချိုင်းမှာ ပစ်လိုက်တယ်။
ရွာထဲတော့ ကျုပ် မပစ်ရဲဘူးဗျ။ ဆရာစောရာမရဲ့ အစီအရင်က ဘာတွေ ဖြစ်လာမယ်ဆိုတာ ကျုပ် သိတာမဟုတ်ဘူးလေ။
ကျုပ်စိတ်ထဲမှာတော့ ပေါ့သွားတာပေါ့ဗျာ။ လက်မှာ ဝတ်ထားတဲ့ တစ်မတ်သား လက်စွပ်ကလေးကိုလည်း ချွတ်ပြီး အံဆွဲထဲ ပစ်ထည့်ထားလိုက်တယ်။
ကျုပ်တစ်သက်မှာတော့ စောရာမဆိုတဲ့ အောက်လမ်းဆရာကို မေ့လို့ရမှာ မဟုတ်တော့ဘူးပေါ့ဗျာ။
မဖဲဝါကိုယ်တိုင် တာတေကို ထ်ိန်းသိမ်းထားဖို့ ပေးလိုက်တဲ့ ကိုယ်တူကိုယ်ခွဲ အရုပ်ကလေးကတော့ တာတေရဲ့ ကတ္တီပါအိတ်ရှုံ့
အနက်ကလေးထဲမှာ ငြိမ်ငြိမ်ကလေးပဲ အမြဲရှိနေတယ်ဗျ။
ဆရာစောရာမရဲ့ အဖြစ်အပျက်တွေ ဖြစ်ပျက်ပြီးလို့
ခြောက်လလောက်အကြာမှာတော့ ကျုပ်တို့ အညာမှာ နှမ်းတွေသိမ်းချိန် ရောက်ခဲ့တာပေါ့ဗျာ။
ကျုပ်တို့ ရွာသူရွာသားတွေ အပင်ပန်းဆုံးနဲ့ ငွေအရွှင်ဆုံးအချိန်ပဲပေါ့။
အဘနဲ့ကျုပ်နဲ့ နှမ်းသိမ်းပြီးလို့ တစ်ပတ်လောက်အကြာမှာတော့ ကျုပ်လည်း ပျင်းနေတော့တာပေါ့ဗျာ။
ဒီနှစ် မိုးမှန်လို့ နှမ်းတော်တော်အောင်ကြတာဗျ။ ကျုပ်တို့ ရွာသူရွာသားတွေလည်း ရွှင်ရွှင်လန်းလန်း ဖြစ်နေကြတာပေါ့ဗျာ။
ကျုပ်တို့ရွာတင် မဟုတ်ပါဘူးဗျာ။ ကျုပ်တို့ တစ်နယ်လုံး နှမ်းအောင်ကြတာပါ။ ကျုပ်အဘနဲ့ အမေလည်း ပျော်နေကြတာပေါ့ဗျာ။
ကျုပ်ကတော့ဗျို့၊ ဝိုင်းထဲ လုပ်စရာရှိတာတွေ လုပ်နေရတာပေါ့ဗျာ။ လှည်းတွေမှာ ချို့ယွင်းတာလေးတွေ ပြင်ရ ဆင်ရတယ်။
ရေစည်လှည်းကိုလည်း ပြန်ပြီးပြင်ရဆင်ရ လုပ်ရတာပေါ့ဗျာ။
ကျုပ်တို့ တောင်သူအလုပ်ဆိုတာ လုပ်စရာအလုပ်တွေက အမြဲရှိနေတာဗျို့။
ရွှေမန်းတင်မောင်ပွဲထဲမှာ ပြောသလိုပေါ့ဗျာ။ 'လယ်သမားဘဝ တကယ်မအားရဘူး' ဆိုတဲ့ အတိုင်းပါပဲဗျာ။
ကျုပ် နွားတင်းကုတ်ထဲမှာ အလုပ်ရှုပ်နေတုန်း ဝိုင်းဝက မေးတဲ့အသံ ကြားလိုက်တယ်ဗျ။
"တာတေ ရှိလား အရီး"
"ဟေ ဘယ်သူတုံး၊ လာလေ၊ တာတေ ရှိတယ်၊ ဝိုင်းထဲမှာ အလုပ် လုပ်လို့"
"ယုန်တလင်းက စိန်မိုးပါ အရီး၊ တာတေဆီလာတာ"
ပြောရင်းဆိုရင်း ဝိုင်းထဲဝင်လာတဲ့ ကိုစိန်မိုးကို ကျုပ်
နွားတင်းကုတ်ထဲကနေ လှမ်းကြည့်နေမိတယ်။ ယုန်တလင်းဆိုတာ ကျုပ်တို့ ထနောင်းကုန်းနဲ့ ဝေးတယ်ဗျ။
အလယ်ရိုးမနားက ရွာတွေထဲကပေါ့ဗျာ။ အဲဒီဘက်မှာက ယုန်တလင်း၊ ထိန်ကုန်း၊ ဆင်မ၊ ကညင်စု၊ ထန်းညီနောင် ဆိုတဲ့ ရွာတွေ ရှိတယ်ဗျ။
အဲဒီရွာတွေက ရိုးမတောကြီးနားမှာ ရှိတာဆိုတော့ ယာလုပ်ငန်းအပြင် သစ်ဝါး ခုတ်ရောင်းတဲ့အလုပ်၊
ထင်းခုတ်ရောင်းတဲ့အလုပ်တွေပါ လုပ်ကြတာ။
"ကိုစိန်မိုး လာဗျို့၊ ကျုပ် ဒီမှာဗျ"
"ဘာတွေ လုပ်နေတာတုံးကွ၊ တာတေရ"
"ရေစည်လှည်း နည်းနည်းပြင်နေတာဗျ။ ကိုစိန်မိုးရ"
"အေး အေး ကောင်းတယ်၊ ပစ္စည်းဆိုတာ သိပ်မပျက်ခင်ပြင်တာ အကောင်းဆုံးပဲကွ၊ ငါလည်း လှည်းဘီးပြင်စရာ ရှိသေးတယ်"
"နို့ ကိုစိန်မိုး ဘယ်က လှည့်လာတာတုံး"
"ဟာ ဘယ်ကမှ လှည့်မလာဘူးကွ၊ မင်းဆီကိုပဲ တန်းလာခဲ့တာ၊
ကိစ္စလေး နည်းနည်းရှိနေလို့ကွ"
ကျုပ်က ကိုစ်ိန်မိုးကို နဂါးဆေးပေါ့လိပ်တစ်လိပ်နဲ့ မီးခတ်ကလေး
ပေးလိုက်တယ်။ ကိုစိန်မိုးက ကျုပ် အလုပ်လုပ်နေတဲ့နေရာမှာ ဝင်ထိုင်တယ်ဗျ။ ပြီးတော့ မီးခတ်ကလေးခတ်ပြီး ဆေးလိပ်ကို
မီးညှိပြီး နှစ်ဖွာ သုံးဖွာ ဆက်တိုက်ဖွာနေတယ်။
ကိုစိန်မိုးက အရပ်ရှည်ရှည်၊ ပိန်ပိန်ဗျ။ နှုတ်ခမ်းမွေး ပြားပြားကြီးကလည်း ရှိသေးဗျ။.လူကတော့ လွှတ်ရိုးတာဗျို့။."ဒီလိုကွ တာတေရ၊ ငါတို့ရွာမှာ ပြဿနာလေး နည်းနည်းဖြစ်နေလို့ကွ၊ မင်းကို တိုင်ပင်ဖို့ လာခဲ့တာ"."ဟင် ဟုတ်လားဗျ ကိုစိန်မိုး၊ ဘယ်လို ပြဿနာများတုံးဗျ"."ဒီလိုဟေ့၊ ငါတို့ရွာထဲက ကိုစံရင် ဆိုတဲ့လူတစ်ယောက်​ဆုံးပါးသွားတယ်ကွ၊ အဲဒီကိုစံရင် ဆိုတဲ့လူက အသက်သုံးဆယ်လောက်ရှိပြီတာတေရအလုပ်လွှတ်ကြိုးစားတဲ့လူကွ".
"နို့ ဘာရောဂါနဲ့ ဆုံးတာတုံး ကိုစိန်မိုးရဲ့"."ဘာရောဂါနဲ့မှ မဟုတ်ဘူးကွ၊ ပိုးထိပြီး ဆုံးတာ"
"သြော် ဖြစ်ရလေဗျာ၊ အိမ်ထောင်တွေ ဘာတွေရော ရှိသလား"
"ရှိပါပြီကော တာတေရာ၊ သူ့မ်ိန်းမက မခင်တဲ့၊ ရုပ်ရည်က သနားကမားပဲကွ၊ သမီးလေးတစ်ယောက်လည်း ရှိသေးတယ်၊ ငါးနှစ်​သမီးလေးကွ""သြော် ဖြစ်ရလေဗျာ၊ မိန်းမနဲ့ သမီးလေးတော့ ဒုက္ခရောက်တော့မှာပေါ့လေ"."အေး အဲဒါပေါ့ တာတေရာ၊  ကိုစံရင်က သူ့မိန်းမနဲ့ သမီးလေးကို တော်တော်ချစ်တာကွ၊ သေတာကလည်း အစိမ်းသေ၊ ပြီးတော့

မ်ိန်းမနဲ့ သမီးကိုစွဲတဲ့စိတ်ကလည်း ရှိနေတော့ သူ့ခမျာ မကျွတ်ရှာဘူးကွ"

"ဟင် ဟုတ်လား၊ ကိုစိန်မိုးရဲ့"
"အေး အဲဒါ သူတို့အိမ်ထဲမှာပဲ သွားလာနေတာတဲ့ဟေ့၊

ညဆိုရင်လည်း သူ့မိန်းမအိပ်တဲ့ ခြင်ထောင်ဘေးမှာ ငုတ်တုတ်ကြီး လာထိုင်နေတာတဲ့ကွ၊ သူ့သမီးနဲ့ မိန်းမကိုပဲ ထိုင်ကြည့်နေတာတဲ့။

ဟိုတစ်ညကတော့ ကလေးက သူ့အဖေ ထိုင်နေတာကို မြင်သွားရောတဲ့ဟေ့၊ အဖေ၊ အဖေနဲ့ ခေါ်ပြီး အော်ငိုတော့တာတဲ့၊

ဒီတော့မှ တစ်အိမ်လုံး နိုးလာကြပြီး 'စံရင် နင်က ဘဝခြားသွားပြီ၊ နင်နဲ့ သက်ဆိုင်တဲ့နေရာကို သွားပေတော့၊ ကလေးကို

မနှောင့်ယှက်နဲ့လို့' စံရင့်အမေက ပြောတယ်တဲ့။ အဲဒီမှာတင် သူ့ကို နှင်ထုတ်ရပါ့မလားဆိုပြီး ကိုစံရင်က ထသောင်းကျန်းရောတဲ့ဟေ့။

ဟိုဟာ တွန်းချ၊ ဒီဟာ တွန်းချနဲ့ တစ်အိမ်လုံးကို ဆူညံနေတာဆိုပဲ။ ကိုယ့်အိမ်သားဆိုပေမယ့်လို့လည်း တစ္ဆေဆိုတော့ ကြောက်ကြတာပေါ့ကွာ၊

ဝိုင်းချင်းကပ်လျက်က လူတွေလည်း အသံတွေ ဆူညံနေတော့ လာကြည့်ကြတာပေါ့။

အကောင်အထည်တော့ မမြင်ရဘူး။ အိုးတွေ တွန်းချ၊ ပန်းကန်တွေ တွန်းချ၊ ဖျာလိပ်တွေ လှဲချ လုပ်နေတာတွေတော့ မြင်နေ ကြားနေရတာပေါ့လေ၊

မနက်မိုးလင်းတော့ ဒီသတင်းက တစ်ရွာလုံးကို ပျံ့သွားတာပေါ့ကွာ။
ဟိုက သတင်းလာမေး၊ ဒီက သတင်းလာမေးနဲ့ ကာယကံရှင်တွေလည်း တော်တော်ကို စိတ်ညစ်ကြတာပေါ့၊

ဒါနဲ့ပဲ ရွာဦးကျောင်းသွားပြီး ဆရာတော်ကို အကျိုးအကြောင်းလျှောက်တော့ ဆရာတော်နဲ့ ဘုန်းကြီးတွေ ကြွလာပြီး ပရိတ်ရွတ်တယ်။

ပြီးတော့ ကိုစံရင်ကို ရည်စူးပြီး တရားဟောတယ်ကွ၊ ဘဝခြားသွားပြီဆိုတာ့ ဒီမှာ စွဲလန်းမနေဘဲ ကိုယ်နဲ့ဆိုင်ရာကို သွားဖို့တွေ ပြောတာပေါ့ကွာ။

ဒီမှာတင် အခြေအနေတွေက အရမ်းဆိုးသွားတာဟေ့ တာတေရေ"
"ဟင် ဘယ်လိုဖြစ်လို့တုံးဗျ"

"ဟာ မပြောပါနဲ့တော့ကွာ၊ ထုတ်တန်းပေါ်ကနေ ကြမ်းပြင်ကို ခုန်ချလိုက်တာ 'အုန်း'ကနဲကို နေတာပဲဟေ့။

ဘုန်းကြီးတွေရော လူတွေရော လန့်ပြီး အ်ိမ်ပေါ်က ဆင်းပြေးလိုက်တာ ကျွတ်ကျွတ်ကိုညံသွားတာဟေ့"

"ဟာ တော်တော်ကို ဆိုးနေတာပဲဗျ"
"အေး အဲဒီကတည်းက ဘယ်ဘုန်းကြီးမှလည်း ပင့်လို့မရတော့ဘူးဟေ့"

"အို အဲဒီတော့ ဘာတွေထပ်ဖြစ်တုံးဗျ"
"ကိုစံရင်တို့အိမ်သားတွေက အဲဒီမှာ မနေရဲတော့ဘဲ တခြားအိမ်ကို ပြောင်းပြေးရတာပေါ့ကွာ"

"အဲဒီတော့ အေးသွားရောလားဗျ"
"ဘယ်ကလာ အေးမှာတုံး တာတေရာ၊ ညဆိုရင် သူ့မိန်းမနဲ့

ကလေးကို လိုက်ရှာနေပုံရတယ်ကွ၊ ရွာထဲမှာ ခွေးတွေ ထိုးထိုးဟောင်တဲ့အသံတွေ တစ်ရွာလုံး ကြားနေတယ်ကွ၊

ရွာထဲကလူတွေလည်း ကြောက်လန့်ကုန်တာပေါ့ကွာ၊ ကိုယ့်ဝိုင်းထဲမှာ ခွေးဟောင်သံကြားရင် ဝိုင်းထဲကို

တစ္ဆေရောက်နေပြီလားဆိုပြီး မအိပ်ရဲကြတော့ဘူးဟေ့"
"ဟာ တစ်ရွာလုံးကို လျှောက်မွှေနေတော့တာပေါ့ ကိုစိန်မိုးရာ"

"အေးကွာ၊ လူတွေရဲ့ စွဲလန်းတဲ့စိတ်ဆိုတာ တယ်လည်း ကြောက်စရာကောင်းပါလားကွာ၊ တစ္ဆေဘဝကို ရောက်တဲ့အထိကို စွဲလန်းကြတာကလား တာတေရာ"

"နောက်ဆုံးတော့ တောကြီးတစ္ဆေကို တင်မြှောက်ပြီး သွားခိုင်းရတာပေါ့ကွာ"

"ဗျာ … ဘယ်လို၊ ဘယ်လို ကိုစိန်မိုး၊ တောကြီးတစ္ဆေ ဟုတ်လားဗျ၊ ဘယ်လိုဟာတုံးဗျ"

"သြော် မင်းက တို့ရွာတွေရဲ့ ဓလေ့ကို မသိသေးဘူးကိုးကွ"
"ပြောပါဦး ကိုစိန်မိုးရဲ့၊ ခင်ဗျားပြောတဲ့ တောကြီးတစ္ဆေအကြောင်း"

"ငါတို့ရွာတွေက ရိုးမတောကြီးတွေနားမှာ ရှိနေတာဆိုတော့ တောတက်တဲ့အခါ တောကြီးတွေထဲမှာနေတဲ့ တစ္ဆေသရဲတွေရဲ့

ခြောက်တာလှန့်တာ မကြာခဏ ခံကြရတာတွေ တာတေရဲ့"
"ဟင် ဟုတ်လား ကိုစိန်မိုး"

"ဟာ ဟုတ်ပါပြီလား တာတေရာ၊ တောခြောက်တယ်ဆိုတာ လွှတ်ကြောက်စရာကောင်းတာကွ၊ တောထဲမှာ

ကြောက်စရာကောင်းတဲ့ အသံကြီးတွေ ဟိုကပေါ်လာ၊ ဒီကပေါ်လာကွ၊ တောတက်တဲ့လူတွေဆိုတာ ဘယ်ပြေးလို့

ပြေးရမှန်းကို မသိတော့တာ၊ ဒီတော့ တောမတက်ခင် တောထဲက တစ္ဆေတွေကို အုပ်ချုပ်တဲ့ တစ္ဆေကြီးကို ပင့်ဖိတ်ပြီး

တင်မြှောက်ကြတယ်။ တောထဲဝင်ပြီး အလုပ်လုပ်တဲ့အချိန်မှာ အန္တရာယ်မရှိအောင် ကာကွယ်ပေးဖို့ပေါ့ကွာ၊ အဲဒ်ီလို

တင်မြှောက်ပြီးမှ တောတက်ရင် ဘာအန္တရာယ်မှ မကြုံဘဲ ပျော်ပျော်ပါးပါး အလုပ်လုပ်လို့ ရကြတယ်ဆိုပဲ။

ဒုတိယပိုင်းသို့ ...