တေားကြီးတစ္ဆေ(ဇာတ်သိမ်း.တာတေ)
အဲဒီလူတွေ တင်ကြမြှောက်ကြတဲ့ တစ္ဆေအချုပ်ကြီးကို တောကြီးတစ္ဆေလို့ ခေါ်ကြတာကွ"
"သြော် ဒီလိုလား"
"အေး နောက်ကျတော့ ရပ်ထဲရွာထဲမှာ တစ္ဆေ သရဲခြောက်တာ
လှန့်တာရှိရင် တောထဲဝင်ပြီး တောကြီးတစ္ဆေကို ပင့်ဖိတ်ပြီး အကျိုးအကြောင်းတွေ ပြောပြလိုက်ရင် တောကြီးတစ္ဆေက
ရွာထဲဝင်ပြီး ခြောက်လှန့်နေတဲ့ တစ္ဆေကို တောထဲ ခေါ်သွားတာကွ"
"ဟင် ဟုတ်လား ကိုစိန်မိုး၊ ဒါဆိုရင် ခင်ဗျားတို့ရွာတွေမှာ
တောကြီးတစ္ဆေက တော်တော်ကို အရေးပါတဲ့နေရာမှာ ရှိတာပေါ့"
"လူတစ်ယောက်သေလို့ မကျွတ်မလွတ်ဘဲ အိမ်မှာ
ခြောက်လှန့်နေရင် တောကြီးတစ္ဆေကိုသွားပြီး တင်ကြမြှောက်ကြ လုပ်လိုက်ရင် အိမ်မှာ ခြောက်လှန့်နေတဲ့
တစ္ဆေပျောက်သွားရောဟေ့"
"တောကြီးတစ္ဆေခေါ်သွားတယ်လို့ပဲ ပြောကြမှာပေါ့ဗျာ"
"အေးပေါ့ တာတေရ၊ ဟုတ်လည်း ဟုတ်လောက်တယ်ကွ၊ မင်းနှယ် တစ်ခါတလေများဆိုရင် ရွာထဲက တစ္ဆေက တောကြီးတစ္ဆေနောက်ကို
ကောင်းကောင်းလိုက်မသွားဘဲ ရွာထဲမှာ လှည့်ပတ်ပုန်းနေတာကွ၊ အဲဒီလိုအခါဆိုရင် တောကြီးတစ္ဆေကလိုက်၊ ဟိုတစ္ဆေကပြေးနဲ့
ရွာထဲမှာ ခွေးတွေက လိုက်ပြီးဟောင်ကြတာ တကယ်ကို ခြောက်ခြားစရာကြီးကွာ၊ နောက်တော့လည်း ပါသွားရော ထင်ပါရဲ့၊ တိတ်သွားတာပါပဲ"
"နို့ နေပါဦး ကိုစိန်မိုးရဲ့၊ ကိုစိန်ရင်က သူ့သမီးနဲ့ မယားကို စွဲလန်းပြီး တစ္ဆေဖြစ်နေတာ ဘုန်းကြီးတွေနဲ့လည်း နှင်လို့လည်း
မရတော့ဘူးဆိုတော့ တောကြီးတစ္ဆေကို မခေါ်ခိုင်းဘူးလားဗျ"
"အေး . . . ဒီလိုကွ တာတေရ၊ ပထမတော့ ဒါမျိုးဖြစ်လာရင်
ဘုန်းကြီးပင့်ပြီး ပရိတ်ရွတ်ကြတာပေါ့ကွာ၊ သိမ်သိမ်မွေ့မွေ့ ချော့မော့ပြီး နှင်ထုတ်ကြည့်ကြတာပေါ့၊ အဲဒီအဆင့်မှာ
တော်တော်များများက ကျွတ်သွားကြတာပါပဲ၊ တစ်ယောက်တလေသာ အခုလို ကြုံရတာပါ၊
အစွဲအလန်း သိပ်ကြီးလွန်းလို့ ထင်ပါရဲ့ကွာ၊ တောကြီးတစ္ဆေကတော့ ရိုတ်ပုတ်ပြီး ခေါ်သွားတာဆိုတော့ ဘယ်လိုလုပ်လို့မှ
မရတဲ့အဆုံးမှာ လုပ်ရတာကွ၊ ကိုယ့်အိမ်သားတစ်ယောက်ကို တောကြီးတစ္ဆေလက်ကို ဘယ်သူမှ မအပ်ချင်ကြဘူး၊
မဖြစ်တော့တဲ့အဆုံးကျမှ အပ်ရတာ"
"ဒါဆိုရင် ကိုစံရင် တစ္ဆေကို တောကြီးတစ္ဆေဆီ မအပ်သေးဘူးပေါ့"
"ဟာ အပ်ပြီးပြီကွ၊ တောကြီးတစ္ဆေပင့်နေကျ အဘိုးကြီးတစ်ယောက် တို့ရွာမှာ ရှိတယ်၊ ဒီဘိုးတော်က တောကြီးတစ္ဆေပင့်တာ
လွှတ်တော်တာကွ၊ သူပင့်ရင် တောကြီးတစ္ဆေက တန်းကြွတာကွ၊ ပြီးတော့ သူ့ကိုတင်မြှောက်တဲ့ အရက်နဲ့ ကြက်ကြောက်ကိုလည်း
ကုန်အောင်စားတာဆိုပဲ၊ အခု အဲဒီဘိုးတော်ကြီးကိုယ်တိုင် အရက်နဲ့ ကြက်ကြော်တင်မြှောက်ပြီး တောကြီးတစ္ဆေကို ပင့်ပြီး ကိုစံရင်တစ္ဆေကို အပ်တာပဲကွ"
"အဲဒီတော့ ငြိမ်မသွားဘူးလား ကိုစိန်မိုးရဲ့"
"အဲဒါကြောင့် မင်းဆီ လာတိုင်ပင်ရတာပေါ့၊ တာတေရ"
"ဟင် ဘယ်လိုဖြစ်လို့တုံးဗျ"
"တောကြီးတစ္ဆေ ပင့်လိုက်မှ ပိုဆိုးနေလို့ဟေ့"
"ညညဆိုရင် ကိုစံရင်တို့အိမ်မှာ ဝုန်းဒိုင်းကို ကြဲနေတာဟေ့၊ အိမ်ဆိုတာ သွက်သွက်ကို ခါနေတာ၊ ဘာတွေ ဖြစ်နေလဲတော့
မသိဘူးကွ၊ အရင်တုန်းက ဒါမျိုး တို့ရွာမှာ မဖြစ်ဖူးပါဘူးကွာ၊ ရွာထဲမှာလည်း ခွေးတွေအူတာ ညတိုင်းပါပဲကွာ၊ ကိုစံရင်တို့
အိမ်မှာလည်း လူမနေဝံ့တော့ တံခါးပိတ်ထားရတာ၊ အဲဒါကို အိမ်ကြီးသွက်သွက်ခါအောင် တဝုန်းဝုန်း တဒိုင်းဒိုင်း ဖြစ်နေတာကွ"
"ဟာ ဘာတွေဖြစ်နေပါလိမ့်"
"အေး ငါတို့လည်း ဘာမှမလုပ်တတ်ကြတော့ဘူးကွ၊ ဒါကြောင့် မင်းနဲ့ လာပြီးတိုင်ပင်တာကွ"
"ဒီအတိုင်းဆိုရင်တော့ ကိုစိန်မိုးရေ၊ ခင်ဗျားပြောတဲ့ကိစ္စက သိပ်တော့လွယ်မယ် မထင်ဘူးဗျ"
"ဘာဖြစ်လို့တုံး တာတေရ"
"ကိုစိန်မိုး စဉ်းစားကြည့်လေဗျာ၊ ဘုန်းကြီးတွေကလည်း
ဟောပြောပြီး ပရိတ်တွေ ရွတ်ပြီးပြီ၊ ခင်ဗျားတို့နယ်က အမြဲလို တင်မြှောက်နေတဲ့ တောကြီးတစ္ဆေကိုလည်း ပင့်ဖိတ်ပြီး
ခေါ်သွားခိုင်းပြီးပြီ၊ အခြေအနေက ပိုပိုဆိုးလာနေတယ်မို့လားဗျ"
"အေး ဟုတ်တော့ ဟုတ်သားကွ၊ ဒါဆိုရင် မင်း ဘယ်လိုသဘောရတုံး တာတေ"
"အဲဒါကို ကျုပ် စဉ်းစားနေတာပဲ ကိုစိန်မိုးရ"
"အေး ငါ့သဘောပြောရရင်တော့ မင်းကို ပင့်သွားချင်တာကွ"
"ဗျာ ကျုပ်ကို ပင့်သွားမယ်၊ ဟာ မဟုတ်တာ ကိုစိန်မိုးရယ်၊ ကျုပ်က ဆရာမှ မဟုတ်တာ၊ ခေါ်သွားချင်တယ်လို့ ပြောပါဗျာ"
"မင်းကသာ ဆရာမဟုတ်ဘူး ငြင်းနေတ၊ ဒီနယ်တစ်ဝိုက်မှာတော့ မင်းကို မဖဲဝါ စောင့်ရှောက်တဲ့သတင်းက ကျော်ထွက်နေပါ့ မောင်ရာ"
"ကျုပ်ကိုက လူတွေကို ကူညီချင်တာကိုး ကိုစိန်မိုးရဲ့၊ ဒီကိစ္စအားလုံးဟာ အဲဒီက စခဲ့တာပါပဲဗျာ"
"အခုလည်း ငါနဲ့ ရွာကို လိုက်နိုင်ရင် သ်ိပ်ကောင်းမှာပေါ့ တာတေရာ"
ကျုပ် စဉ်းစားတယ်။
ယုန်တလင်းကိုလိုက်ရင် တစ်ညကတော့ အိပ်ရမှာဗျ။ ပြီးတော့ သူတို့ရွာတွေက ကျုပ် အရောက်အပေါက်နည်းတဲ့ ရွာတွေဗျ။
ကျုပ်နဲ့စိမ်းတယ်။ ကိုစိန်မိုးကလည်း အဝေးကြီးကနေ အားကိုးတကြီး လာခဲ့ရှာတာ။
နောက်တစ်ခုကတော့ မဖဲဝါရဲ့ ကိုယ်တူကိုယ်ခွဲ အရုပ်ကလေးကို စမ်းပြီးသုံးကြည့်ချင်နေတာဗျို့။
"ကဲ ကိုစိန်မိုး၊ ကျုပ် လိုက်ခဲ့မယ်ဗျာ၊ ခင်ဗျားတို့ရွာကို ကုန်းကြောင်းသွားရင် ဘယ်လောက်လျှောက်ရမှာတုံးဗျ"
"ဟ တာတေ၊ ကုန်းကြောင်းလျှောက်ဖို့ မလိုဘူးလေကွာ၊ ငါ့မှာ လှည်းပါလာတယ်"
"ဟင် ဘယ်မှာတုံး၊ ခင်ဗျားလှည်း"
"မင်း ရှိလား၊ မရှိလား မသိလို့ လှည်းကို ဘန့်ဘွေးကုန်းက ငါတို့ဘထွေး ဦးစံပအိမ်မှာ ထားခဲ့တာကွ"
"သြော် ဒီလိုလား၊ ဒါဆိုရင် ဒီက ထမင်းစားပြီးလောက် သွားကြတာပေါ့ဗျာ"
"ဟာ ခုမှ မနက်ကိုးနာရီပဲရှိသေးတာ၊ ဟိုရောက်မှ စားပါကွ တာတေရ၊ ငါ့အမေက မင်းတစ်ပါတည်း ပါလာရင် စားဖို့ဆိုပြီး
ချက်ပြုတ်ထားမှာကွ၊ မွန်းတည့်လောက်ဆိုရင် ငါတို့ရွာရောက်မှာပဲ"
"ကဲ ဒါဆိုလည်း ကျုပ် အဘနဲ့ အမေ့ကို သွားပြောလိုက်ဦးမယ်၊ ပြီးတော့ ကျုပ် ယူစရာလေးတွေလည်း ယူလိုက်ဦးမယ်"
"အေးအေး ယူပါ၊ ယူပါ၊ ငါ ဒီကပဲ စောင့်နေပါ့မယ်"
ကိုစိန်မိုးက အဘတို့ အမေတို့နဲ့ မသိဘူးဗျ။ ကျုပ်နဲ့သာသိတာ။
ကျုပ်တို့ရွာ ရွှေတောင်ဦး ဘုရားပွဲဆိုရင် လာနေကျဗျ။
ကိုးနာရီခွဲတော့ ဘန့်ဘွေးကုန်းကနေ လှည်းစထွက်လာပြီဗျ။
ကိုစိန်မိုးက လှည်းမောင်း တော်တော်ကောင်းတဲ့လူပဲဗျ။
"ဟဲ့နွား၊ တယ် ဒီနွား၊ ဟဲ့ ဘယ်ကပ်ဆွဲနေပြန်တာတုံး။ ဟာ ဟိုနညိုကြီး၊ တောက်"
လှည်းဆိုတာ ရိပ်ကနဲ ရိပ်ကနဲနေအောင် ပြေးတာဗျို့၊ မွန်းတည့်တာနဲ့ ယုန်တလင်းရောက်ရောဗျာ၊ ကိုစိန်မိုးက သူတို့ဝိုင်းထဲ တန်းဝင်တာဗျ။
"ဟာ စိန်မိုးတောင် ပြန်လာပြီဟေ့၊ တာတေလည်း ပါလာတာပဲ၊ ဟဲ့ ပုကြည်တို့ ထမင်းပွဲ ပြင်ကြဟဲ့၊ အချိန်တောင် အတော်ရှိနေပြီ၊
နင့်အစ်ကိုကြီးရော ဧည့်သည်ရော ဆာလှရော့မယ်၊ လှည်းလည်း တစ်လမ်းလုံး ခုန်နေတာဟဲ့"
ကိုစိန်မိုး လှည်းရပ်လိုက်တာနဲ့ သူ့ညီ စိန်တိုးက နွားစာစဉ်းနေရာကနေ ပြေးထွက်လာပြီး လှည်းကြိုးဆွဲတယ်ဗျ။
"ကိုတာတေ ပါမှာလာပါ့မလားတို့ ကျုပ်က ပူနေတာဗျ"
"အခုရက်က အလုပ်တွေ ပြီးသွားပြီကွ၊ စိန်တိုးရ၊ ငါ အားနေတာ တစ်ပတ်လောက် ရှိပြီလေ"
"တော်သေးရောဗျာ၊ ဒီရွာမှာကတော့ ညညဆိုရင် ဗြောင်းဆန်နေတာဗျို့၊ တောကြီးတစ္ဆေတောင် မနိုင်သလို ဖြစ်နေတာဗျ"
"ကဲ စိန်တိုး၊ နွားတွေ မင်းပဲဖြုတ်လိုက်တော့၊ ငါ တာတေ့ကို ထမင်းကျွေးလိုက်ဦးမယ်၊ ငါလည်း ဆာတာ အူလိမ်နေပြီကွ"
"သွား သွား၊ ကိုကြီးစိန်မိုး၊ ကျုပ် လုပ်လိုက်မယ်"
ကျုပ်အိမ်ပေါ်ရောက်တော့
ကိုစိန်မိုး အဘရော အမေရောက ကျုပ်ကို လှိုက်လှိုက်လှဲလှဲကို နေရာထိုင်ခင်း ပေးကြတာဗျို့။
"မောင်တာတေဆိုတာ အငယ်ကလေးရှိသေးတာကိုး"
ကိုစိ်န်မိုးအဘက ကျုပ်ကို သေသေချာချာကြည့်ပြီး ပြောတယ်ဗျ။
"လူသာငယ်တာ ကိုရင်ရေ၊ မောင်တာတေက ပညာတော့ တော်တော်ထက်တာ၊ သူ့သတင်းတွေ ကျုပ်တို့ ကြားနေတာ
ကြာပေါ့၊ အခုမှသာ လူကိုမြင်ဖူးတာ၊ ကိုရင့်သား စိန်မိုးတို့ စိန်တိုးတို့နဲ့ မောင်တာတေနဲ့က လူခင်တွေတော့၊ ဒါကြောင့် စိန်မိုးက
မောင်တာတေဆီကို တန်းပြေးတော့တာ ကိုရင်ရေ"
"သြော် ဒီလိုလား၊ အေး အေး၊ မောင်တာတေရေ၊
ကျုပ်တို့လည်း ဒါမျိုး တစ်ခါမှ မကြုံဖူးပါဘူးကွယ်၊ ရွာထဲမယ် မကျွတ်မလွတ်တဲ့သူမျိုးရှိရင် အလှူအတန်း လုပ်ပေးတာပါပဲ၊
အဲဒါမှ မရရင်တော့ တောကြီးတစ္ဆေပင့်ပြီး အပ်လိုက်ကြတာပေါ့ကွာ၊ အခုဟာက ဘာလုပ်လို့မှကို မရတာကွဲ့၊
ကျုပ်က တွေးကြည့်တယ်၊ သူတို့ထင်သလို စံရင်တစ္ဆေရော ဟုတ်ရဲ့လားလို့ပေါ့၊ တခြားက အကောင်တစ်ကောင်များ ရောက်နေတာလားလို့ ပေါ့ကွယ် "
"ကိုရင်ရယ် အတွေးကလည်း တယ်လွန်တာကိုး၊ စံရင်မှ စံရင်ပါတော်၊ သူ့သမီးလေးမျက်စိနဲ့ကို တပ်အပ်မြင်တာတဲ့တော်၊ ကလေးက 'အဖေ၊ အဖေ' ဆိုပြီး ထလိုက်လို့ မယ်ခ ခမျာ မနည်းကို ဆွဲထားရတယ်ဆိုပဲတော့"
ကိုစိန်မိုးရဲ့ အဘက အသားညိုညို အရပ်ရှည်ရှည် နှုတ်ခမ်းမွေးကြီးနဲ့ဗျ။ လူပုံကတော့ တော်တော်ကို ရိုးမယ့်ပုံပါဗျာ။
ကိုစိန်မိုးအမေကတော့ အရပ်ပုပု၊ အသားလတ်လတ်ဗျ။ နှစ်ယောက်စလုံး အသက်ခြောက်ဆယ်ဝန်းကျင်လောက် ရှိရော့မယ်။
နာမည်တွေတော့ ကျုပ် မသိဘူးဗျ။
"ကဲ လာဟေ့ တာတေ၊ ထမင်းပွဲ ပြင်ပြီးပြီကွ"
ကိုစိန်မိုးရော ကျုပ်ရော ဆာဆာနဲ့ စားလိုက်ကြတာဗျာ။ ကြက်သားလေး ချက်ထားတာကလည်း ကောင်းပါ့ဗျာ။
ငြုပ်ပွသီးကို ခရမ်းချဉ်သီးနဲ့ စိမ်းစားငါးပိလေးရောပြီး ထောင်းထားတာကလည်း တော်တော်စားကောင်းတာဗျို့။
ထမင်းစားပြီးတော့ ကျုပ်က ပါလာတဲ့ နဂါးဆေးပေါ့လ်ိပ်ကလေး ထိုင်ဖွာနေတယ်ဗျ။ ကိုစိန်မိုးကတော့ ရေနွေးကြမ်းသောက်နေတယ်။
ထန်းလျက်ခဲရော၊ လက်ဖက်သုပ်ရော၊ အမဲခြောက်ဖုတ် ဆီဆမ်းရော မြည်းစရာကလည်း အစုံဗျာ။
"ကိုတာတေ၊ ဒီမှာ ကိုတာတေကို တွေ့ချင်လို့တဲ့ဗျို့"
စိန်တိုးက ဝိုင်းထဲက လှမ်းအော်ပြောတယ်။
ဘယ်သူတွေတုံးကွ၊ အိမ်ပေါ်တက်ခဲ့ကြလေ၊ အသက်ခြောက်ဆယ်ကျော် ဘိုးတော်တစ်ယောက်နဲ့
ဘွားတော်တစ်ယောက်ဗျ။ သူတို့နောက်က
အသက်သုံးဆယ်လောက် အမျိုးသမီးတစ်ယောက်နဲ့ အသက်ငါးနှစ်လောက်ရှိတဲ့ ကလေးမလေးတစ်ယောက်ဗျ။
"ဟာ လာကြ၊ လာကြ၊ ဘထွေး ဖိုးကွန်းတို့၊ အရီးမြတို့"
ကိုစိန်မိုးက ခရီးဦးကြိုပြုတယ်ဗျ။
"မောင်တာတေ၊ ဒါ စံရင်ရဲ့ အဖေနဲ့ အမေပဲကွဲ့၊ ဟိုက စံရင်ရဲ့ မိန်းမနဲ့ သမီးကွ"
"သြော် ဟုတ်လား၊ ကျုပ်က ထနောင်းကုန်းကပါ၊ တာတေပါဗျာ၊ ကျုပ်က ဆရာ မဟုတ်ပါဘူး၊ အထက်လမ်းတို့ အောက်လမ်းတို့
ဘာပညာမှ ကျုပ် မတတ်ပါဘူးဗျာ၊
ဒါပေမဲ့ ဒီကိစ္စမျိုးတွေမှာ ကျုပ် ကူညီနိုင်ပါတယ်"
"ဝမ်းသာလိုက်တာ လူလေးရယ်၊ အရီးတို့လည်း အိမ်မှာနေလို့ မရအောင်ကို ဖြစ်နေတာပါကွယ်၊
ဒီလိုအချိန်ဆိုရင် ဘာမှမဖြစ်သလို ငြိမ်နေတာကွဲ့၊ ည ညဥ့်နက်တော့မှ ဝုန်းဒိုင်းဆန်နေတော့တာ၊ ဘာတွေဖြစ်နေမှန်းကို မသိတော့တာပါ မောင်တာတေရယ်"
"ကျုပ် ဒီည လုပ်ပေးပါ့မယ် အရီး၊ ဒီကိစ္စပြီးရင်တော့ ကိုစံရင်ကို ဆွမ်းတစ်ကြိမ် ထပ်သွတ်ပေးလိုက်ပါဗျာ"
"ဟာ လုပ်ပေးပါ့မယ်ကွယ် လုပ်ပေးပါ့မယ်"
ကိုစံရင်ရဲ့ အဖေက ဝင်ပြောတာဗျ။
ညနေစောင်းလောက်ကျမှ သူတို့မိသားစုတွေ ပြန်သွားကြတာဗျို့။ လောလောဆယ်တော့ ရွာတောင်ပိုင်းက အမျိုးတွေအိမ်မှာ တက်နေကြရတာဆိုပဲ။
ညဆယ့်နှစ်နာရီလောက်ရောက်တော့ ကိုစိန်မိုးညီ စိန်တိုးဝိုင်းထဲကို ပြေးဝင်လာတယ်။
"ကိုတာတေရေ၊ ဟိုအိမ်ကြီးမှာတော့ ဝုန်းဆန်နေပြီဗျို့"
"ဟေ ဟုတ်လားကွ၊ စိန်တိုး၊ ကဲ ဒါဆိုရင် သွားကြစို့ ကိုစိန်မိုးရေ"
ကျုပ်က မျက်ကွင်းဆေးကို အဆင်သင့် ကွင်းပြီးသားဗျ။ ကျုပ်မှာ လွယ်အိတ်တစ်လုံးကို စလွယ်သိုင်းလွယ်ထားတယ်။
ယုန်တလင်းက ၇ွာတော့ကြီးသားဗျို့။ ရွာရှေ့ပိုင်းကို ရောက်တယ်ဆိုကတည်းက အသံတွေ ကြားနေတော့တာပါပဲဗျာ။
"ဝုန်း၊ ဘုန်း၊ ဘုန်း၊ ဝုန်း"
ကျုပ်တို့ဝိုင်းထဲရောက်တော့ သေသေချာချာ တွေ့ရပြီပေါ့ဗျာ။
"ကျွိ၊ ကျွိ၊ ကျွိ၊ ဝုန်း"
ဟာ အိမ်ကြီးပါ လှုပ်ခါနေပါလား။ ကျုပ်တောင် လန့်သွားတယ်ဗျာ။
"ကဲ ကိုစိန်မိုးတို့ ဒီမှာနေခဲ့ကြ၊ ကျုပ် အိမ်ထဲကို ဝင်ကြည့်လိုက်မယ်"
ကျုပ်က ပြောပြောဆိုဆို စိန်တိုးလက်ထဲက ဓာတ်မီးကို ဆွဲယူပြီး အိမ်ပေါ်တက်ခဲ့တယ်ဗျ။
"ဝုန်း၊ ဝုန်း၊ ကျွိ၊ ကျွိ၊ ကျွိ"
အိုး ကြမ်းပြင်ကို ခြေထောက်နဲ့ ဆောင့်နင်းတဲ့ အသံဗျ။ အ်ိမ်ကို သွက်သွက်ခါသွားတာ၊ အ်ိမ်ပေါ်ထပ်ကလာတဲ့ အသံတွေဗျ။ ကျုပ် အိမ်ပေါ်ထပ်ကို တက်လာခဲ့တယ်။
ဟာတွေ့ပြီဗျို့။ ဓာတ်မီးက အလင်းရောင်အောက်မှာ တောကြီးတစ္ဆေဆိုတာကို ကျုပ်တွေ့ပြီဗျို့။
ဘုရား၊ ဘုရား။ နည်းတဲ့ အကောင်ကြီးမှ မဟုတ်တာဗျာ။ တစ်ကိုယ်လုံး မည်းနက်နေတာဗျ။
ဘာ အဝတ်အစားမှ မပါဘူး။ အမွေးအမျှင်တွေ တစ်ကိုယ်လုံးမှာ ဖုံးနေတာ။ နားရွက်ကြီး တစ်ဖက် တစ်ဖက်က ဆင်နားရွက်ကြီးတွေလိုပဲဗျ။
တဖျတ်ဖျတ်ခတ်နေတာ။ ကိုယ်လုံးက ရေတိုင်ကီ သုံးလုံးစာလောက်ရှိတယ်။
ခြေထောက်ကြီးတွေကလည်း အကြီးကြီးတွေပါဗျာ။ နီရဲနေတဲ့ မျက်လုံးကြီးတွေက လက်ဖက်ရည် ပန်းကန်ပြားအဝိုင်းလောက်ရှိတယ်။
နီရဲနေတာဗျို့။
တစ္ဆေကိုစံရင်က အိမ်လက်တိုင်ကို ဖက်ထားတာဗျို့။
နည်းနည်းမှကို မလွှတ်ဘူးဗျ။ တောကြီးတစ္ဆေက တစ္ဆေကိုစံရင်ကို အတင်းဆွဲပြီး ခေါ်နေတာဗျ။
ဘယ်လိုခေါ်လို့မှကို မရဘူး။ တစ္ဆေကိုစံရင်က တိုင်ကို ဖက်ထားတဲ့ လက်နှစ်ဖက်ကို တောကြီးတစ္ဆေဖြည်လို့ကို မရတာဗျ။
တစ္ဆေကိုစံရင်ကို တောကြီးတစ္ဆေက ခြေထောက်နဲ့ ကန်တယ်။ ကျောကုန်းကို သူ့လက်ကြီးနဲ့ ရိုက်တယ်။
အိမ်ကြီးဆိုတာ သိမ့်သိမ့်ခါနေတာဗျို့။ ဒါပေမဲ့ တစ္ဆေကိုစံရင်က ဘာမှမဖြစ်သလိုပဲဗျ။
ကျုပ် ချက်ချင်း သဘောပေါက်လိုက်တယ်။ ကိုစံရင် ပြုခဲ့တဲ့ ကုသိုလ်ကံတွေကြောင့် တောကြီးတစ္ဆေက လုပ်လို့မရဖြစ်နေတာဗျ။ ကိုစံရင်က သူ့သမီးနဲ့ မိန်းမကို စွဲလန်းသွားလို့သာ တစ္ဆေ ဖြစ်နေတာ ဖြစ်မယ်။
တောကြီးတစ္ဆေက ကျုပ်ကို မျက်လုံးနီနီကြီးတွေနဲ့ စိုက်ကြည့်နေတယ်။
တစ္ဆေကိုစံရင်ကလည်း တိုင်ကို ဖက်ထားလျက်နဲ့ ကျုပ်ကို လှမ်းကြည့်တယ်။
ကျုပ်က ကတ္တီပါအိတ်အနက်ကလေးထဲက မဖဲဝါရဲ့ ကိုယ်တူကိုယ်ခွဲ အရုပ်ကလေးကို ထုတ်ယူပြီး မဖဲဝါကို ပင့်လိုက်တယ်။
"သချိုင်းရှင်မ မဖဲဝါဗျာ၊ တာတေက ပင့်ပါတယ်၊ အခုချက်ချင်း ကြွပါခင်ဗျာ"
ဟော လှုပ်တယ်ဗျို့။ လှုပ်တယ်။
ကျုပ်လက်ထဲက မဖဲဝါရဲ့ ပုံစံတူ ကိုယ်ခွဲရုပ်ကလေးက လှုပ်နေတယ်။ ကျုပ်က မဖဲဝါရုပ်ကလေးကို တောကြီးတစ္ဆေမြင်အောင် ပြလိုက်တယ်။
ဟာ အံ့သြစရာဗျာ။ တောကြီးတစ္ဆေလို့ခေါ်တဲ့ တစ္ဆေရိုင်းကြီးက ချက်ချင်း ကြမ်းပြင်မှာ ဒူးထောက်လိုက်တယ်ဗျ။
ဟာ တစ္ဆေကိုစံရင်လည်း ဒူးထောက်နေတယ်ဗျို့။
"တောကြီးတစ္ဆေ ဒီတစ္ဆေကိုစံရင်ဟာ သားမယားကို စွဲတဲ့စိတ်ကြောင့် မေ့လျော့ပြီး တစ္ဆေဖြစ်နေတာ
၊ သူပြုခဲ့တဲ့ကံက သင့်ထက်မြင့်တယ်၊ ဒါကြောင့် သူ့ကို သင်ဘယ်လိုမှ နှိပ်စက်လို့ မရနိုင်တာ၊ သချိုင်းရှင်မ မဖဲဝါရှဲ့အမိန့်၊
သင် အခုချက်ချင်း ဒီနေရာကနေ သင်နေတဲ့ တောထဲကို ပြန်ပေတော့။ ဒီတစ္ဆေကိစ္စကို ကျုပ် တာဝန်ယူတယ်၊ ဒါဟာ မဖဲဝါရဲ့ အမိန့်"
ဟာ အစွမ်းထက်လှချည်လားဗျာ၊ ကြောက်စရာကောင်းတဲ့ တောကြီးတစ္ဆေကောင်ကြီးက ဆံပင်ဖားလျားကြီးနဲ့ လှေကားက ဆင်းသွားလေရဲ့။
"ဒုန်း၊ ဒုန်း၊ ဒုန်း"
ခြေသံကြီးကို အတိုင်းသား ကြားနေရတယ်ဗျ။
"ကဲ ကိုစံရင် ခင်ဗျားက သေပြီးသွားပြီ၊ ဘဝခြားသွားပြီ၊ ခင်ဗျား သားမယားပေါ်မှာထားတဲ့ သံယောဇဉ်ကိုဖြတ်ပြီး ခင်ဗျား ဘဝကူးရတော့မယ်"
ကျုပ်ပြောတာကို တစ္ဆေကိုစံရင်က ခေါင်းညိတ်ပြတယ်ဗျ။ မျက်ရည်တွေလည်း ကျလို့ဗျာ။ သူကတော့ ရုပ်ပျက်ဆင်းပျက်
မဟုတ်ဘူးဗျ။ အဝတ်အစားနဲ့ လူပုံအတိုင်းပါပဲ။
"ဒီတော့ ခင်ဗျား နားထောင်ပါ၊ ဒီအိမ်ထဲကနေ အခုချက်ချင်း
ထွက်သွားပါ၊ ဝိုင်းထဲက အပင်တစ်ပင်မှာ ခဏနေ၊ ခင်ဗျားမိသားစုက ခင်ဗျားကို ရည်စူးပြီး ဆွမ်းထပ်သွတ်ကြလိမ့်မယ်၊ တရား
သေသေချာချာနာ၊ အမျှဝေရင် သေသေချာချာ သာဓုခေါ်ပါ"
ဟော ခေါင်းညိတ်ပြတယ်ဗျို့။ ခေါင်းညိတ်ပြတယ်။ တစ္ဆေကိုစံရင် ကျုပ်ကို သေသေချာချာ ခေါင်းညိတ်ပြတာဗျ။
"ကဲ ဒါဆိုရင် အခုသွားတော့၊ ဒါဟာ သချိုင်းရှင်မ မဖဲဝါရဲ့ အမိန့်"
ဟော သွားပြီဗျို့။
တစ္ဆေကိုစံရင် အိမ်ပေါ်က ဆင်းသွားပြီး ကျုပ် ဝိုင်းထဲရောက်တော့ အပင်တွေကို မော့ကြည့်တယ်။
တွေ့ပြီတွေ့ပြီ၊ ဝိုင်းထဲက သရက်ပင်ကြီးပေါ်မှာ တစ္ဆေကိုစံရင် ထိုင်လို့ဗျ။
ကျုပ်လည်း ညတွင်းချင်းပဲ ကိုစံရင်ရဲ့ မိသားစုကို အကျိုးအကြောင်းပြောပြလိုက်တယ်။
သူတို့လည်း မနက်ဖြန် မြို့သွားပြီး သင်္ကန်းတွေ ဘာတွေဝယ်ဖို့၊ ဆွမ်းထပ်သွတ်ဖို့ ပြင်ဆင်ကြလေရဲ့။
ကျုပ်ကတော့ နောက်တစ်နေ့မှာပဲ ရွာကို ပြန်ခဲ့တာပေါ့ဗျာ။
ပြီးပါပြီ။
credit
Post a Comment