က‌လေးမ‌လေးရဲ့ ချစ်‌ပုံပြင်‌ အပိုင်း၅

``သစ္စာ´´     ( ကဝေမလေးရဲ့ချစ်ပုံပြင် )  အပိုင်း ၅

   *နေထွဋ်နောင်ရေးသားသည် ......
  ( ၁၃ ) ကိုဌေးကြွယ်ကအိပ်ယာမှနိုးတော့အဖွားမြိုင်နှင့်စကားခနပြောရင်းအိမ်ရှေ့ခန်းတွင်ရေနွေးသောက်နေပါသည်.... ကလေးများကလဲအရှိုအရှိုနိုးလာကြပြီးအိမ်ထဲတွင်ပတ်ပြေးရင်းကစားနေကြပါသည်..........

    ``အိမ်ထဲမှာပဲဆော့ကြမြည်းတို့...´´...........
  ဘာလိုများကလေးတွေကို အောက်ဆင်းဆော့မခိုင်းတာပါလိမ့်ဟု ကိုဌေးကြွယ်တွေးနေစဉ်မှာပင်လွန်းတစ်ယောက်နောက်ဖေးမှရောက်လာပြီးသူတို့နှင့်အတူလာထိုင်ပါသည်...... အဖွားမြိုင်နှင့်လွန်းတို့၏ အမူအယာထူးခြားနေကြောင်းကိုဌေးကြွယ်သတိထားလိုက်မိပြီး အံ့အောနေစဉ်မှာပင်..............

   ``ကဲလာကိုရေ ပြတင်းပေါက်ကနေပြဇာတ်ပြမလို့...´´.........
   ``ဒီအချိန်ကြီကိုလား လွန်း ဘယ်မှာဇာတ်ပွဲရှိလို့လဲ...´´..............

    ``ခနနေကိုတွေ့ရမှာပါ... ခနခနကြည့်ချင်လို့တော့မရဘူးကိုရေ...´´...........
   ``ကောင်းပီလေ လွန်းပြတော့လဲကြည့်ရသေးတာပေါ့...´´..............

   အိမ်အပြင်ပတ်ဝန်းကျင်တခွင်တွင်တော့လေရူးများကရုတ်တရက်ထထတိုက်နေသောကြောင့် သစ်ရွက်ခြောက်များနှင့်ဖုံလုံးကြီးများက လေနှင့်အတူလွင့်ပျံပြီးအုပ်စုဖွဲ့ပျံသန်းနေကြသလိုပင်.... ထိုရုတ်တရက်ဖြစ်ပေါ်လာသောလေရူးကအတော်လေးပင်ပြင်းထန်လှပါသည်.... ထိုကြောင့်တခါတခါဆိုလျှင်သစ်ရွက်ခြောက်များအချင်းချင်းအုပ်စုဖွဲ့ပြီးတိုက်ခိုက်နေသလိုပင်ထင်မြင်နေရကြောင်း ကိုဌေးကြွယ်ကြည့်ရင်းတွေးနေမိပါသည်.............

    ``ဘာတွေများစိတ်ဝင်တစားငေးကြည့်နေတာလဲကိုရယ်...´´............
   ``လေ လေရူးတွေတိုက်နေတာလေလွန်းရဲ့ တွေ့လားလေရူးကတော်တော်ကြမ်းတာပဲ လွန်း...´´............

    ``လေရူးတွေတင်ကပါဘူးကို လူရူးတွေလဲကိုတွေ့ရတော့မှာပါ...´´.............
    ``ဘယ်လိုလွန်း လူရူးတွေဟုတ်လား...´´............

  ``ဟုတ်တယ်ကိုရဲ့ ဟောဟိုမှာပြောရင်းဆိုရင်းတောင်လူရူးတစ်သိုက်ရောက်လာကုန်ကြပီလေ...´´...............

   သူမစကားကြောင့်အံ့အောတကြီးဖြစ်နေသောကိုဌေးကြွယ်က ရွာလမ်းဘက်ကိုမျှော်ကြည့်လိုက်တော့ လူတစ်စုလမ်းလျှောက်လာနေကြတာတွေ့လိုက်ရပါသည်....... ဘယ်သူတွေများလဲဟုသူသေချာကြည့်နေစဉ်မှာပင် စစ်ဝတ်စုံများဝတ်ဆင်ပြီးသေနက်များကိုင်ဆောင်လာသော ဂျပန်များဖြစ်နေကြောင်းသူတအံ့တအောတွေ့လိုက်ပါသည်.........
   ပြီးတော့မြန်မာလူမျိူးသုံးဦးခန့်ကိုပါတွေ့လိုက်ရပြီး နှစ်ဦးကိုတော့သူကောင်းကောင်းသိပါသည်.............
   ရွာထဲမှကိုသိန်းမောင်နှင့်မသန်းတင်တို့လင်မယားပင် အခြားတစ်ယောက်ကိုတော့သူမသိပါ မြန်မာလူမျိူးဂျပန်စကားပြန်ဖြစ်နိင်ပေသည်.... ယခုလဲထိုလူကဂျပန်စစ်ဗိုလ်ကို စကားတွေပြောရင်းလာနေခြင်းခြင်းပင်.... ထိုသိန်းမောင်တို့လင်မယားနှင့် ထိုဂျပန်စစ်သားတစ်စုဘယ်သွားမလို့်ပါလိမ့် မိမိတုိ့အိမ်ရှေ့မှဖြတ်သန်းသွားရန်ပဲလား.............

   ကိုဌေးကြွယ် တအံ့တအောစဉ်းစားနေရင်း နဘေးမှဇနီးသည်ဖြစ်သူလွန်းကိုပြန်လှည်ကြည့်လိုက်တော့ သူကလဲသူကိုပြုံးပြုံးကြီးကြည့်နေပါတော့သည်.... သူမဘာလို့ပြုံးနေတာပါလိမ့် သူလုံးဝနားမလည်တော့ပါ... ဂျပန်တွေကရောဘယ်ကိုများလာနေကြတာပါလိမ့်... လာလျှင်လဲကောင်းသောလာခြင်းတော့မဖြစ်နိင်ပါ... ဂျပန်တို့၏ရက်စက်စွာနိပ်စက်ပြုကျင့်ပုံများက ကလေးမကျန်ခွေးမကျန်သိလောက်အောင်ပင်နာမည်သတင်းကြီးနေသည်မဟုတ်ပါလား... နောက်ဆုံးတော့ကိုဌေးကြွယ်အောင်အင်းမနေနိင်တောပါ.................

   ``သူ သူတို့ဘာတွေရှာနေတာလဲလွန်း...´´............
    `အိမ်ပျောက်ကြီးတစ်လုံးကိုရှာနေတာပေါ့ကိုရဲ့ ခိခိ...´´...........

   ``အိမ်ပျောက်ကြီးဆိုတာဘာလဲလွန်း ကိုလဲတခါမှမကြားဖူးပါလား...´´...........
   ``မကြားဖူးပေမဲ့ အခုကိုယ်တွေ့ရတော့မှာလေ.. ကြည့်နေပါကိုရဲ့ တအားရည်ရမှာ...´´...............

   ကိုဌေးကြွယ်တစ်ယောက်လွန်းပြောနေတာတွေကိုဘယ်လိုမှ နားမလည်နိင်တော့.... သူမသူကိုနောက်ပြောင်နေသလားဟုပင်တွေးကြည့်နေမိပါသည်..... သို့သော်မကြာခင်အချိန်မှာပင်သူနားလည်လာစပြုလာပါလေတော့သည်.............
   ကိုသိန်းမောင်နှင့်မသန်းတင်တို့လင်မယား ဂျပန်များကို သူတို့အိမ်နေရာသို့လက်ညှိုးညွှန်ပြသနေကြသောကြောင့်ပင်.............

   ဂျပန်များကသူတို့အိမ်ရှိရာသို့လှမ်းကြည့်နေကြပါသည်... သို့သော် ဂျပန်တို့က မမြင်သလိုလိုနားမလည်သလိုလိုမျိုးဖြင့်သာရှာဖွေနေကြပါသည်...... ပြီးတော့ဘေးကစကားပြန်မှတဆင့်ိူသိန်းမောင်တို့လင်မယားကိုလှမ်းမေးနေပြန်ပါသည်...... သိန်းမောင်တို့လင်မယားကလဲ သူတို့အိမ်ရှိရာသို့လက်ညှိုးထိုးပြလျှက်ဖင်ကုတ်ခေါင်းကုတ်အမူအယာမျိူးဖြစ်နေကြပါသည်... မေးနေသောစစ်ဗိုလ်ကတော့ကြာလေလေပိုပြီးစိတ်မရှည်သလိုပင်ဖြစ်လာနေပါပြီ............

   ကြည့်နေစဉ်မှာပင် ဂျပန်စစ်ဗိုလ်ကဒေါသတကြီးပိုဖြစ်လာနေပုံရပါသည်... သူအော်ဟစ်လိုက်သံက ကိုဌေးကြွယ်နှင့်လွန်းတို့ပင်ကြားနေရလေပြီ.... လွန်းကိုလှည့်ကြည့်လိုက်တော့ သူမကပြုံးစိစိဖြစ်နေပါသည်..... ကိုဌေးကြွယ်ကတော့ဘာကိုမှနားမလည်နိင်သေးပါ...... အမှန်တော့ ဒီအိမ်မှာ ရွှေငွေရတနာတွေအများကြီးရှိပါသည် ဂျပန့်ရန်သူများကိုထိုငွေများဖြင့်ထောက်ပံ့နေပါသည်ဟု သူတို့ပြောပြီးခေါ်လာသည်ကိုတော့ သူပို၍ပင်နားလည်နိင်မည်မဟုတ်ပေ..............

    ``ဘာ ဘာတွေဖြစ်နေတာလဲဟင်လွန်း ကိုတော့ဘာကိုမှနားမလည်နိင်အောင်ပါပဲ...´´...........
    ``ညီမတို့အိမ်ကိုအထင်လွဲအောင်ပြောပြီး သူတို့ကဂျပန်တွေကိုခေါ်လာတာလေ ကိုရဲ့.. အခုတော့ သူတို့ခံရတော့မယ် ကြည့်နေ...´´.............

    လွန်းစကားမဆုံးမှီမှာပင် ဂျပန်ဗိုလ်ကသိန်းမောင်ကိုပါးရိုက်နေလေပြီ... ရိုက်တာမှ ဘယ်ပြန်ညာပြန်အချက်ပေါင်းများစွာပင်... တဖြောင်းဖြောင်းရိုက်သံမှာပြင်းထန်လွန်းသောကြောင့် ကိုဌေးကြွယ်တို့ပင်လျှင်ကောင်းစွာကြားနေရလေသည်.... ခြေသလုံးဖက်ပြီးဝင်တောင်းပန်နေသော မိသန်းတင်ကိုလဲဆံပင်ဆွဲပြီး ပါထက်ရိုက်နေပြန်လေသည်..... ဘုရား ဘုရားပါးရိုက်ပြိုင်ပွဲကြီးတခုလိုပါပဲလား.............

   ``ရက်စက်လိုက်တာနော် လွန်းရေ သူတို့ကလဲအကြံပတ်စက်လိုက်တာကွာ တို့ကိုမုန်းတာနဲ့ ဒီဂျပန်တွေနဲ့လှည့်တိုက်ရတယ်လို့ကွာ...´´............
   ``အင်းပေါ့ ကိုရဲ့ သနားစရာတော့မရှိပါဘူး သူတို့လုပ်တာ သူတို့ကုသိုလ်ပဲပေါ့ ကိုရယ်...´´...............

   ထိုစဉ်မှာပင် ဂျပန်များက ကိုသိန်းမောင်တို့လင်မယားကိုဒရွတ်ဆွဲခေါ်ဆောင်သွားကြလေပြီးဖြစ်ပါတော့သည်....ဒါကိုလွန်ူကလဲမျက်နှာလွဲလိုက်ကာ အိမ်တွင်းပြန်ဝင်သွားပါတော့သည်......

   ``လာတော့လေကိုရေ ထမင်းစားဖို့အချိန်တော်ပြီ... သားတို့ရေလာကြဟေ့ ထမင်းစားကြမယ်...´´............
ကိုဌေးကြွယ်လဲပြတင်းပေါက်မှမျက်နှာလွဲကာလွန်းနောက်သို့သာလိုက်လာခဲ့ပါတော့သည်...............

    ( ၁၄ ) ဒီနောက်ပိုင်းတွင်တော့ ဂျပန်ခေတ်တစ်လျှောက်လုံးသူမတို့မိသားစုအခက်အခဲကြီးကြီးမရှိဘာပြသနာမှမကြုံရတော့ပဲ ဖြတ်သန်းလာနိင်ခဲ့ပါသည်.... ဘယ်သူမှလဲလွန်းတို့ကိုအန္ဒရယ်ပေးရဲဝံ့သူမရှိခဲ့ပါ..... ကိုသိန်းမောင်တို့လင်မယား ဂျပန်လက်တွင်ဘဝဆုံးပါးသွားခဲ့ရတာကလဲ မနာလိုမရူ့စိမ့်ကြသူများကိုပိုမိုထိပ့်လန့်စေရန်နမူနာကောင်းတစ်ခုပင်မဟုတ်ပါလား...............

   လွပ်လပ်ရေးရပြီးခေတ်တွင်တော့ သားသမီးရှစ်ယောက်အထိရလာပြီးဖြစ်သောသူမတို့လင်မယားသည် အသက်ငါးဆယ်ဝန်းကျင်ခန့်ပင်အရွယ်ရလာကြလေပြီ သားသမီးလဲရှစ်ယောက်တွင် နှစ်ဦးကအိမ်ထောင်ပင်ကျနေပြီဖြစ်သလို ကျန်သားသမီးတွေကလဲအလုပ်ဝင်သူတွေကဝင်နေကြပြီဖြစ်ပါသည်.... အလတ်နှင့်အငယ်အချို့လဲ မြို့ကျောင်းနှင့်ကောလိပ်တက်နေကြလေပြီ ... ဒေါ်လွန်းတစ်ယောက်လဲဆံစလေးတွေလဲဖြူ နေပြီဖြစ်သလို ဇရာပိုင်းသို့လဲရောက်လာနေပေပြီ.... သို့တိုင်အောင်နုပျိုနေဆဲလွန်းသည် အလှတော့လုံးလုံးမပျက်သေးပဲ အရွယ်တင်ကြည့်ကောင်းနေပါသေးသည်....... ထိုအချိန်မှာပင်ပြိင်ဘက်အသစ်တစ်ဦးကလဲရွာသို့ရောက်လာခဲ့ပြန်ပါသည်... ထိုသူကတော့ အထက်လမ်းဆရာအမည်ခံသိုက်ဆရာတစ်ဦးပင်..............

    ``ရွာထဲမှာဧည့်သည်တစ်ယောက်ရောက်နေတယ်ကို...´´............
    ``ဟင် ဘယ်သူဧည့်သည်လဲလွန်း ပြီးတော့လွန်းကဘယ်လိုသိတာလဲ...´´.............

   ``လွန်းနဲ့ အပျင်းပြေပညာပြိုင်ချင်လို့တဲ့လေ.. ကိုသိန်းမောင်တို့မိဘတွေအိမ်မှာတည်းနေလေရဲ့...´´...........
   ``သြော် ဦးမြမောင်တို့ကလဲ အသက်တွေဒီလောက်ရလာနေတာတောင် အခဲမကျေနိင်သေးပဲကို...ဒီတော့ဘယ်လိုလုပ်ကြမလဲလွန်းရေ...´´.............

    ``ဧည့်သည်ကိုဧည့်ဝတ်ပြုကြရမှာပေါ့ကိုရယ် မဟူတ်ဘူးလားရှင်...´´............
   ``သြော် လွန်းရယ်...´´............

   ကိုဌေးကြွယ်ကညည်ညူ ရုံလေးသာတက်နိင်ပါတော့သည်.... သူနားမလည်မတက်ကျွမ်းသောအရာသည် လွန်းအတွက်တော့ကျွမ်းကျင်ရာသာဟုပင်ဆိုရပေမည်မဟုတ်ပါလား.... သို့တိုင်အောင်ပင် လွန်းက ယနေ့နေထိုင်လှုပ်ရှားမှုတိုင်းကို အထူသတိကြီးစွာနေထိုင်နေကြောင်း ကိုဌေးကြွယ်သတိပြုနေမိပါသည်...... သူတို့ကဘာတွေလုပ်လို့ သူမကရောဘာတွေပြန်လုပ်လေမလဲသူတွေးရင်းရင်မောနေမိပါသည်.............

     ညဦးပိုင်းတွင်တော့လွန်းက ကွယ်လွန်သွားပြီးဖြစ်သော အဖွားဘီဒိုကြီးထဲမှ အဝတ်တစ်စုံကိုထုပ်ယူလိုက်ပါသည်... အထဲတွင်တော့အဝတ်အစားများကရှေးဟောင်းဝတ်စုံများသာ ထိုအထဲမှလွန်းကတစ်စုံတရာကိုရွေးချယ်နေပါသည်..... လွန်းဘယ်တစ်ထည်ကိုရွေးချယ်နေပါလိမ့်.... ကိုဌေးကြွယ်ကသိလိုလှသည့်တိုင်မမေးပဲ အသာအယာပင်မသိသလိုနေနေလိုက်ပါသည်........ အနက်ရောင်ချိတ်ဝတ်စုံတစ်ထည်ကိုထုပ်ပြီးလွန်းကသေချာစွာဝတ်ဆင်လိုက်ပါသည်.... ဝတ်စုံကတော့လှပေမဲ့ကြောက်စရာကောင်းသည်ဟုသူထင်မြင်နေမိပါသည်...............

   ကိုဌေးကြွယ်က ထိုထူးဆန်းသောဝတ်စုံနှင့်လွန်းကိုတအံ့တအော့ကြည့်နေမိပါသည်... ပြီးတော့အနက်ရောင်ခြုံထည်ပဝါကိုလဲလွန်းကထုပ်ယူလိုက်ပါသည်..... လွန်းတစ်ယောက်ဘယ်များသွားမလို့ ဒီလိုပြင်ဆင်နေတာပါလိမ့်ဟုကိုဌေးကြွယ်တွေးကြည့်နေပါသည်... သူလဲအပြင်ဝတ်အဝတ်အစားလဲပြီးအသင့်ပြင်ထားရင်ကောင်းလေမလားဟုကျိတ်တွေးနေမိပြန်ပါသည်........ ဒီလိုနှင့်မိုးတော်တော်ချုပ်လာတော့ အိမ်တွင်လက်ရှိရှိနေသောသားငယ်နှင့် သမီးငယ်တို့က သူတို့နှစ်ဦးကိုလာကန်တော့ပြီး အိပ်ယာအသီးသီးဝင်သွားကြလေပြီ.............

    ထို့နောက်အချိန်ကသန်းခေါင်ယံနားကပ်လာတော့မှလွန်းက သူကိုအရေးတကြီးစကားစပြောလာပါတော့သည်............

   ``ဒီမှာကိုရေ လွန်းအခု ရန်သူနဲ့သွားရင်ဆိုင်ရတော့မယ်... စိတ်တော့မပူပါနဲ့ သူကမမှလောက်ပါဘူး ဒါပေမဲ့ ကို့ကိုစကားကုန်ပြောပြရရင် လွန်းသာတခုခုဖြစ်ခဲ့ရင်တော့ ကိုကသားအငယ်နဲ့ သမီးငယ်ကိုခေါ်ပြီးပြေးပေတော့နော်...´´.............
   ``ဘယ်လိုလွန်း သူတို့နဲ့သွားရင်ဆိုင်မှာဟုတ်လားလွန်း ဒါဆိုကိုလဲလိုက်ခဲ့မယ်လေ ငှက်ကြီးတောင်ဆွဲပြီးလိုက်ခဲ့ပါ့မယ် လွန်းတစ်ယောက်ထဲတော့မသွားပါနဲ့...´´.............

    ``သြော် ဒီလိုပါ့ ကိုရဲ့ အခုဟာက ကိုလိုက်လို့မရဘူးလေ လွန်းကလေထဲကနေသွားရမှာ... အဲတာကြောင့်ကိုကအိမ်မှာပဲစောင့်နေပါ... ဒီစားပွဲပေါ်မှာ လွန်းဖယောင်းတိုင်တစ်တိုင်ထွန်းထားခဲ့မယ်.. ဒီဖယောင်းတိုင် မီငြိမ်းသွားရင်ပဲဖြစ်ဖြစ်မီးစာကုန်သွားတာပဲမှလွန်းပြန်မလာန်ိင်ခဲ့ဘူးဆိုရင်ဖြစ်ဖြစ် ကိုကသားနဲ့ သမီးကိုနှိုးပြီးပြေးတော့နော် ဟုတ်ပီလားကို...´´............
    ``အင်းပါလေ ကိုဘာများပြောစရာရှိပါတော့မလဲလွန်းရယ်...´´............

   ``ဟုတ်ပါပီ ကိုရယ် ကိုကလိမ်မာပါတယ် ပြုံးပြုံးလေးသာစောင့်နေပါနော်... လွန်းပြန်လာမှာပါ စိတ်ချပါကို...´´.................

     ကိုဌေးကြွယ်တစ်ယောက် သူကိုနှုတ်ဆက်နေသောလွန်းကို ခံစားချက်ပေါင်းများစွာဖြင့်ငေးကြည့်နေမိပါသည်.... လွန်ဘယ်လိုများသွားလေမလဲဟုလားသူတွေးကြည့်နေမိပါသည်.... ထိုစဉ်မှာပင် လွန်းကဖွင့်ထာသော ပြတင်းပေါက်ကိုလှမ်းကြည့်လိုက်ရင်းစားပွဲပေါ်တွင်ဖယောင်းတိုင်ကိုစိုက်ကြာ့်လိက်ပါသည်.... ဖယောင်းတိုင်ကဟုတ်ကနဲ့ မီးထတောက်လာပါသည်...... ပြီးတော့လွန်းကပုခုံးတွင်ခြုံထားသောခြုံထည်ပဝါအနက်ကို ဖြုတ်ယူလိုက်ပြန်ပါတော့သည်..................

       အပိုင်း ၆ ဆက်ရန်......
      Written by - နေထွဋ်နောင်....
          John Jack Junior.. 25.2.2016...!