" မိချော "
•••••••••••••••••••••••••••••••••••••••••••••••
သခွတ်ပင်ရွာသည် အိမ်ခြေ၈၀၀ခန့်ရှိပြီးစည်ပင်ဝပြောသောရွာကြီးတစ်ရွာ
ဖြစ်သည်။ထိုရွာတွင် ဘုန်းတော်ကြီးသင်ပညာရေးစနစ်ထွန်းကားပြီး
ရွာကိုဝန်းရံ၍ ရွာ၏အရှေ့ အနောက် တောင် မြောက် အရပ်လေးမျက်နှာ တွင်ဘုန်းတော်ကြီးကျောင်းလေးခုတည်ရှိလေသည်။ထေရဝါဒ
ဗုဒ္ဓသာသနာပြန့်ပွားထွန်းကားရာအရပ်ဖြစ်ပြီး ရွာသူရွာသားများသည်
ဘာသာတရားကိုင်းရိူင်းကာ တစ်ဦးနှင့်တစ်ဦးလည်း ချစ်ခင်ကူညီရိုင်းပင်း
ကြလေသည်။ဘုရားပွဲများ တရားပွဲများ သီတင်းကျွတ်အခါသမယများ
စသည့် ရာသီအလိုက်ပွဲတော်များသည်လည်း သခွတ်ပင်ရွာတွင်ပင်
ပြုလုပ်ကျင်းပသည်ဖြစ်ရာ ရွာနီးချုပ်စပ် ရွာငယ်လေးများဖြစ်ကြသော
ထန်းပင်စု မြောက်ကုန်း မိဖုရား သပြေပင်ရွာမှ ရွာသူရွာသားများသည်
သခွတ်ပင်ရွာ၌သာစုစည်းကြကုန်၏။သို့ရာတွင် ထိုသို့သာယာဝပြောသော
ရွာကြီးတွင် ၁၉၇၈ ခုနှစ်၌ ထိတ်လန့်ရင်နင့်ဖွယ်ရာ ဖြစ်ရပ်လေးတစ်ခု
ဖြစ်ခဲ့လေသည်။
သခွတ်ပင်ရွာရှိ ရွာသူရွာသားများသည် တောင်ယာလုပ်ငန်းကိုအဓိကထား
အသက်မွေးဝမ်းကျောင်းပြုကြသည်။ရာသီအလိုက်သီးနှံများစိုက်ပျိုးကာ ရိုးသားအေးချမ်းစွာနေထိုင်ကြလေသည်။ရွာတွင် ဟင်းသီးဟင်းရွက်
ပေါများသော်ငြားလည်းအသားငါးဟူသည်ကားရှားပါး၏။ရွာလုံးကျွတ်နီးပါးဘာသာတရားကိုင်းရိူင်းကြကုန်၍သဒိုးအလုပ်(သားသတ်သောအလုပ်)ကို
စက်ဆုပ်ရှောင်ဖယ်ကြလေသည်။ထို့ကြောင့်ထိုရွာတွင်အသားငါးရောင်း
လျှင် အခြားရွာများထက်ဈေးပိုရလေ၏။ဤအဖြစ်ကိုကြည့်၍ စီးပွားရေး
လုပ်ကိုင်ကွက်များမြင်ပြီး သားသတ်ခြင်းအလုပ်ကိုဇောက်ချလုပ်ကိုင်ခဲ့သူ
မှာ ဦးမိုးကောင်းဖြစ်လေသည်။ဦးမိုးကောင်းသည် အစတွင် နွားပွဲစား
တစ်ဦးဖြစ်ပြီး နောက်ပိုင်းမှ သဒိုးအလုပ်ကိုလုပ်ကိုင်ခဲ့ခြင်းဖြစ်သည်။
သူသည် နွားများကို ကိုယ်တိုင်သတ်ကာ ဇနီးသည်မရွှေကအမဲသားများ
ရွာထဲသာမက ရွာနီးချုပ်စပ်များထိလိုက်ရောင်းလေသည်။အမဲသားများ
သည် လွန်စွာမှ ရောင်းရကာ တစ်ရက်နှစ်ကောင်နူန်းအထိပင်ဖြစ်လာခဲ့
သည်။ဦးမိုးကောင်းသည် ရွာမြောက်ခြမ်းတွင်နေထိုင်ပြီး နွားသတ်ခြင်းကိုမူ
ရွာအနောက်ဘက်သုဿန်တစပြင်နားတွင်ပြုလုပ်လေသည်။ထိုသို့လုပ်
ကိုင်ရင်းစီးပွားဖြစ်ထွန်းပြေလည်ခဲ့သည်။ထို့ကြောင့်အလုပ်များခွဲဝေလုပ်
ကိုင်ရန်လူငှားလိုအပ်လာလေသည်။သို့ရာတွင် ရွာထဲမှ မည်သူမျှ သဒိုးအလုပ်ကိုမလုပ်ကိုင်လိုကြပေ။
ဘခက်သည်သခွတ်ပင်ရွာမှလူရည်သန့်တစ်ဦးဖြစ်သည်။သို့သော်၎င်း
သည် ရုပ်ရည်နှင့်မျှမလိုက် အရက်သောက် ကြက်တိုက် ဖဲရိုက်ကာ
အချိန်ကုန်လေ့ရှိသည်။တောင်ယာအလုပ်ကို လက်ကြောတင်းစွာလုပ်ကိုင်
ခြင်းမရှိ။သူသည် ထန်းပင်စုရွာမှ မိချောနှင့်အိမ်ထောင်ကျကာ သားသမီး
သုံးဦးရှိလေသည်။သားနှစ်ယောက်နှင့်သမီးတစ်ယောက်ဖြစ်ပြီး ယခု
မိချောတွင် ကိုယ်ဝန်လွယ်ထားရပြန်၏။မိချောသည် လင်ဆိုးမယား
တဖားဖားဟူသကဲ့သို့ပင် အများနည်းတူ ဝမ်းမဝ ခါးမလှ ဆင်းရဲနုံချာသော
ဘဝကို စိတ်ညစ်လှသည်။စိတ်ကုန်လှသည်။ထို့ကြောင့် ဘခက်အား
အမြဲတမ်းချော့မော့ပြောဆိုကာ အလုပ်လုပ်စေရသည်။ဘခက်သည်
ပြောတုန်းခဏပင် အလုပ်လုပ်တတ်ပြီး အရက်ကိုတွင်တွင်သောက်လေ
သည်။မိချောကား ကြံရာမရသည့်အဆုံးတွင် သားသမီးမျက်နှာကိုမြင်
ယောင်ကာ ဘခက်အား အိမ်နီးနားချင်းဖြစ်သူ ဦးမိုးကောင်းထံ အလုပ်လုပ်ရန်ပြောလေသည်။ဘခက်သည်လည်း ဝင်ငွေကောင်းကာ မပင်ပန်းသောအလုပ်ဖြစ်၍ဦးမိုးကောင်းထံအလုပ်လုပ်ရန်သဘောတူလေသည်။ဦးမိုးကောင်းသည်လည်း အလုပ်အတွက်လူလိုနေသည်ဖြစ်ရာ ဘခက်နှင့်မိချောအားသဘောအကျကြီးကျ၍အလုပ်လုပ်ကိုင်စေတော့
သည်။
ဘခက်သည် နွားမသတ်မှီ အရက်ကိုဦးစွာသောက်သည်။နွားသတ်ရာတွင်
နွား၏ငယ်ထိပ်ကို ပုဆိန်ဖြင့်ထုကာ သွေးများဖြာကျ၍ အသက်ပျောက်
လျှင် အသားများ အသည်းများ အူကလီစာများ စသည်ကို ဓါးထက်ထက်
ဖြင့် လှီးဖြတ်ခွဲခြမ်းလေသည်။ထိုအသားများ ပိဿာလိုက်ချိန်ပြီးသော်
ဦးမိုးကောင်းထံသယ်သွား၏။ဇနီးသည်မိချောက လှည့်လည်ရောင်း၏။
ဤသို့ဖြင့်ဦးမိုးကောင်းသည်နွားသတ်ဒိုင်ဖြစ်လာကာဘခက်တို့ဇနီးမောင်နှံ
သည် ဦးမိုးကောင်း၏လူယုံများဖြစ်လာခဲ့သည်။မိချောမျှော်လင့်ခဲ့သော
ဘဝလေးရလာပေပြီ။ရွှေတိုရွှေစများစုမိဆောင်းမိဖြစ်လာသည်။ဘခက်
သည်လည်း အကုသိုလ်အလုပ်နှင့်အကျိုးပေးသည် ဆိုရမလားမသိ
နွားသတ်ရာတွင် အလွန်လက်ယဉ်လေသည်။ထိုအလုပ်လုပ်ကိုင်ရင်းပင်
မိချောသည် အငယ်ဆုံးသားလေးကိုမွေးဖွားခဲ့လေသည်။ထိုအချိန်သည်
ငရုတ်သိမ်းချိန်ဖြစ်ပြီး ကြက်သွန်စိုက်ရန်အချိန်လည်းဖြစ်လေသည်။
ဘခက်တို့တွင် လယ်ပိုင်ယာပိုင်မရှိပါ။သို့ရာတွင် ဦးမိုးကောင်းတွင်တော့
လယ်ခင်းယာကွက်များရှိလေသည်။ငရုတ်သိမ်းချိန်ဖြစ်၍ ငရုတ်သီးများ
ခြွေခူးကာ အပင်တည်းကျန်သော ငရုတ်ပင်တို့အားမီးရိူ့ရန် ဦးမိုးကောင်း
သည် ဘခက်တို့အား ခိုင်းစေလိုက်လေသည်။ဘခက်နှင့်မိချောသည်
ငရုတ်သီးများခူး၍ဖျာအလွတ်ချပ်များပေါ်တွင်ပုံထားကြလေသည်။ထို့
နောက် အပင်သာကျန်ရစ်သော ငရုတ်ပင်တို့အား တူးယူ၍ပုံထားပြီး ကောက်ရိုးတို့ဖြင့်လောင်စာပြုလုပ်ကာမီးရိူ့လေ၏။မနက်၉နာရီ
လောက်ရှိသောအခါဘခက်သည်ငရုတ်သီးများအားဦးမိုးကောင်းထံ
သယ်ယူလေ၏။မိချောသည်ကားအိမ်ပြန်ကာထမင်းဟင်းချက်ပြုတ်အပြီး
နေ့လည်၁၂နာရီခန့်တွင်ရေချိုးလိုက်လေသည်။မိချောသည်မီးဖွားပြီးသိပ်မ
ကြာသေး၍သွေးနုသားနုဖြစ်ရာငရုတ်ပင်အားမီးရိူ့သောအပူနှင့်အိမ်
အပြန်ရေချိုးခြင်းကြောင့် အပူရှပ်တော့သည်။နေမထိထိုင်မသာဖြစ်၍
အတော်လေးနေမကောင်းဖြစ်နေချိန်တွင် ဘခက်ပြန်ရာက်လာပြီး မိချော
အားကုသရန် ဆေးဆရာပင့်လေသည်။သို့ရာတွင် ဆေးဆရာမှာ တခြားနယ်သို့ ခရီးထွက်သွားရာ အိမ်ရှိဆေးမြီးတိုနှင့်ကုရလေသည်။
ကလေးငယ်သည်လည်း နို့ဆာလွန်းနေ၍ငိုနေရာ ဘခက်သည် နို့မူန့်ဖျော်တိုက်ရပြန်၏။မိချောသည်ကား အဖျားကျသွားခြင်းမရှိဘဲ နှစ်ရက်မြောက်သောနေ့တွင်အဖျားကြီးကာသေဆုံးသွားခဲ့လေတော့
သည်။
မိချောရုတ်တရက်သေဆုံးခြင်းကိုရွာထဲမှမည်သူမျှမယုံ။တစ်နေ့ကပင်ငရုတ်ခင်းမီးရိူ့နေသေးသည်။ထို့ကြောင့်ဘခက်အိမ်သို့သွားရောက်မေးမြန်း
ကြရာ အမှန်ပင်သေဆုံးကြောင်းသိရလေသည်။ထို့အတွက် သွေးနုသားနု
တွင် သေဆုံးသွားသော မိခင်တစ်ဦးဖြစ်သူ မိချောအား လူမမယ်
ကလေးငယ်နှင့်လိပ်ပြာခွဲရန်အလောတကြီးစီစဉ်ကြလေသည်။သူကြီး
သည် အလောင်း၏နံဘေးတွင်ရပ်ကာ ညာလက်ကိုဆန့်တန်းလျက်
ချိန်ခွင်တစ်ခုကိုကိုင်ထားပြီးဘယ်လက်တွင်တောင်ဝှေးကိုကိုင်ထားလေ၏
ချိန်ခွင်သည် အလောင်း၏ရင်ညွန့်အလယ်တည့်တည့်တွင် အပေါ်စီးအနေ
အထားဖြင့်ရှိပြီးအလေးချိန်တူသောဂွမ်းစကလေးနှစ်ခုကိုချိန်ခွင်တစ်ဖက် တစ်ချက်စီတွင်ထည့်ကာ သူကြီးမှဦးဆောင်၍ရွာသူရွာသားများနှင့်
လိပ်ပြာခွဲလေတော့သည်။
" ကဲ … မိချော … ညာဘက်က တို့ဆွေမျိုးသားချင်းတွေပဲ … ဘယ်ဘက်ကတော့ နင်ပေါ့ … နင်ကငါတို့နဲ့ဘဝခြားသွားပြီ …
ငါတို့နဲ့နင်က ဆွေမျိုးသားချင်းမဟုတ်တော့ဘူး … နင်နဲ့ကလေးငယ်လေး
ဟာလည်း ဘာမှမပက်သက်တော့ဘူး … အဲ့ဒီတော့ တို့ကိုကလေးပေး
မပေး ချိန်ခွင်လျှာပြုအလေးသာတဲ့ဘက်နဲ့အတည်ယူမယ် … ဖြေပေတော့"
သူကြီး၏သြဇာပါလှသောအသံအဆုံးတွင်ရွာသူရွာသားများ၏မျက်လုံးအစုံသည် အလောင်း၏ရင်ညွန့်ပေါ်မှ ချိန်ခွင်လေးဆီသို့သာစုရုံးရောက်ရှိနေကြ
လေသည်။ခဏအကြာ ချိန်ခွင်သည် လူပ်ရှားကာ ဘယ်ဘက်သို့ လျှာထွက်အလေးသာလာသည်။
" ဟဲ့ … မိချော … ဒီကလေးဟာ နင်နဲ့ဘဝခြားသွားပြီ ငါတို့ကိုပဲပေးပါ "
သူကြီးကမြေမြင်ကိုဖနောင့်ဖြင့်ပေါက်၍ထပ်မံပြောဆိုလေ၏။ပြီးနောက်
ချိန်ခွင်လျှာသည် ညာဘက်သို့ အလေးသာလာသည်။သို့ရာတွင် မိခင်
တစ်ယောက်၏သားသမီးပေါ်တွယ်တာစိတ်တို့သည် မိချောတွင် လွန်ဆွဲ
နေဟန်တူ၏။ညာဘက်သို့အလေးသာနေသော ချိန်ခွင်လျှာသည်
ရုတ်ချည်းပြောင်းလဲသွားပြီး ဘယ်ဘက်သို့ပြန်၍အလေးသာသွားရာ
ညာဘက်သို့ပြန်မလည်လာတော့ပေ။
"မိချော … ခေါင်းမမာနဲ့ကလေးကို စိတ်ချပြီးငါတို့ကိုပဲပေးပါ "
သူကြီးသည် ဘယ်လက်မှ တောင်ဝှေးကိုဝုန်းကနဲမြေပြင်နှင့်ရိုက်ချကာ ပြောဆိုလေ၏။သို့သော်ချိန်ခွင်လျှာမှာ ဘယ်ဘက်တွင်သာရှိနေလေ၏။
ရွာသူရွာသားတို့သည် ရင်တထိတ်ထိတ်ဖြင့်ကြည့်ရှူနေကြသည်။
သူကြီးသည်လည်းချွေးဇောများပြန်လာလေသည်။
" ဟဲ့ … မိချော ကလေးကိုနင်တကယ်ချစ်ရင် ကလေးကောင်းစားတာကို
မြင်ချင်ရင် ငါတို့လက်ထဲကိုထည့် ဒါနောက်ဆုံးပဲ "
ချိန်ခွင်လျှာသည် ဘယ်ဘက်တွင်မလူပ်မယှက်ရပ်နေလေသည်။အတန်
ကြာမျှငြိမ်သက်ပြီးနောက် ချိန်ခွင်လျှာသည် ညာဘက်တို့တရွေ့ရွေ့
ရောက်လာကာ ညာဘက်တွင်ရပ်တန့်နေတော့သည်။သူကြီးသည်
ထိုအခိုက်အတန့်အားအတည်ပြုကာ လက်ထဲမှချိန်ခွင်ကို ရုတ်သိမ်း
လိုက်လေသည်။ဤသို့ဖြင့် လိပ်ပြာခွဲခြင်းပြီးစီးကာ ကလေးကိုဘခက်ရ၏။
ပြီးနောက် မိချော၏ ရုပ်အလောင်းကို သုဿန်သို့သယ်ဆောင်ကာ ညနေခင်းသုံးနာရီခန့်တွင် မြေမြုပ်သဂြိုလ်ခဲ့လေသည်။
လပြည့်ကျော်နှစ်ရက်ဖြစ်၍ ကောင်းကင်ပေါ်မှ လသည် ပျူပျူငှာငှာသာ
နေသေးသည်။သခွတ်ပင်ရွာ၏ထုံးစံအတိုင်း အသုဘရှိသောအိမ်တွင်
ကာလသားများနှင့်ဆယ်အိမ်ခေါင်း ရာအိမ်ခေါင်း ၁၅ယောက်တို့သည်
ဖဲဝိုင်းဖြင့်ကူငွေကောက်ခံရင်းထိုအိမ်တွင်ပင် ညအိပ်ရလေသည်။မိချော
အသုဘကို ကူငွေလာထည့်သော ရွာသူရွာသားများနှင့် ည ၉နာရီလောက်
မှသာ လူခြေတိတ်တော့သည်။နောက်ပိုင်း ၁၀နာရီလောက်မှစ၍
ဖဲဝိုင်းများသည်သာလူစည်ကားနေတော့သည်။ညသည် နက်သထက်နက်
လာကာ ၁၂ နာရီပင်ထိုးလေပြီ။
" အူ … အူး … ဝူး … "
အသုဘအိမ်ရှေ့မှ ခွေးကြီးအောင်နက်သည် အိမ်တွင်းသို့စူးစိုက်ကြည့်ကာ
ဆွဲဆွဲငင်ငင်အူလိုက်လျှင် ဖဲရိုက်နေသောကာလသားများ ကြက်သီးမွှေး
ညင်းများထကုန်၏။ဖဲဝိုင်းများအနည်းငယ် လူပ်လူပ်ရှားရှားဖြစ်သွားကာ
ခဏအကြာတွင် နဂိုအတိုင်းပင် ဖဲဝိုင်းပြန်စည်ကားလာ၏။ထိုကာလသား
များထဲမှ မှတ်ကြီးသည် အရက်သောက်ထား၍အိပ်ချင်ပြီဖြစ်ကြောင်း
ပြောကာ အိမ်တွင်းရှိ ကွပ်ပျစ်ပေါ်တွင်ဝင်အိပ်နေလေ၏။
" အား … မိချော …မိချော … မဆွဲချပါနဲ့ ငါနင့်အိမ်မှာမအိပ်တော့ပါဘူး
ခွင့် … ခွင့် … ခွင့်လွှတ်ပါ "
အိပ်နေရာမှ ပြောရင်းဆိုရင်း မှတ်ကြီးထပြေးလာသည်။မျက်နှာမှာလည်း
အရက်သောက်ထားခြင်းကြောင့်ပြန်လာသောချွေးဇောလား။ကြောက်ရွံ့၍
ထွက်လာသောချွေးဇောများလားမသိနိုင်။မျက်လုံးအစုံသည်ကား
ဂဏှာမငြိမ် အလွန်ထိတ်လန့်နေပုံရ၏။ဖဲဝိုင်းမှကာလသားများက
မှတ်ကြီးအားမေး၏။မိချောသရဲခြောက်ကြောင်းပြောသောအခါ ဝိုင်း၍
လှောင်ရယ်ကြပြန်သေးသည်။မှတ်ကြီးသည် မည်သုိ့ပင်ဆိုစေကာမူ
ဒီအိမ်တွင်မအိပ်လိုတော့ပေ။ထို့ကြောင့် ရွာမြောက်ခြမ်းက ဘုန်းကြီး
ကျောင်းသို့သာ ပြေးလေတော့သည်။ကာလသားများသည်လည်း
ဖဲဝိုင်းသိမ်း၍ အသီးသီးအိပ်ရာဝင်ကြလေသည်။
" အူ … အူး … ဝူး …"
အောင်နက်၏အူသံဆိုးကြီးအားကြားရပြန်သည်။ထို့နောက် အိပ်နေသော
ကာလသားများ၏ခြေရင်းတွင် အရိပ်မည်းကြီး တရွေ့ရွေ့ရောက်လာလေ
၏။ထိုအရိပ်မည်းကြီးသည်ကာလသားများ၁၄ယောက်ခန့်အလျားလိုက်
အိပ်နေရာမှ တစ်ယောက်ချင်းကို အိမ်ပြင်သို့ဆွဲချလေတော့သည်။အလုံး
အထည်ကားမမြင်ရ။အရိပ်သက်သက်ပင်။သို့သော် ဘာမှမရှိပဲ အိမ်ပေါ်မှ ဆွဲချခံနေရသောကာလသားများသည်ပုဆိုးမနိုင်ပဲကွင်းသိုင်းပြေးကြသည်။ဖိနပ်မပါပဲပြေးကြသည်။ထိုစဉ် ကာလသားများခြံဝင်းနားအရောက် အိမ်ပေါ်မှ တစ်စုံတစ်ယောက်ခုန်ချလိုက်သကဲ့သို့ဝုန်းကနဲ့မြည်ကာ တုန်ခါသွားတော့သည်။ဘခက်သည်လည်းအိပ်နေရာမှထိတ်လန့်တုန်လူပ် ကာသားသမီးများအားခေါ်၍ရွာအရှေ့ပိုင်းသို့ထွက်ပြေးရလေသည်။မိချောဇာတ်လမ်းစချေပြီ။
မနက်လင်းသော် ရွာထဲတွင်အုတ်အော်သောင်းနင်းဖြစ်သည့်သတင်းမှာ
မိချောသရဲဖြစ်ပြီးအလွန်ကြမ်းတမ်းစွာခြောက်လှန့်နေကြောင်းပင်။ထို့
ကြောင့် သူကြီးဦးဆောင်၍ မနက်ခင်းတွင် မိချောအိမ်သို့သွားကြည့်သည်
ဘာမှမထူးခြားပေ။ထို့အတွက် ဒီညတွင်ပြန်စောင့်အိပ်ရန် ကာလသားများ
အားမှာကြားသော် မည်သူမျှမအိပ်ရဲကြပေ။
" ကောင်းပြီ ဒီညငါကိုယ်တိုင်စောင့်အိပ်မယ် … မောင်မြင့်နဲ့ နှစ်ယောက်
တည်းပဲစောင့်အိပ်မယ် …"
မောင်မြင့်သည် အရက်သမားတစ်ဦးဖြစ်ပြီး သတ္တိကောင်းလွန်းသူဖြစ်သည်
မူးနေရင် ပိုသတ္တိကောင်းလေ၏။ညသည် တိတ်ဆိတ်နေလေသည်။
အသုဘအိမ်တွင်မူသန်းခေါင်မတိုင်သေး၍လားမသိ။ဘာမှမတွေ့ရ။
သူကြီးနှင့်မောင်မြင့်သည်အသီးသီးအိပ်ရာဝင်ကုန်ကြသည်။ထိုစဉ်
မီးဖိုဆောင်ထဲမှ ဝုန်းကနဲအသံကိုကြားရ၏။
" မောင်မြင့်ရေ သွားကြည့်ချေဦး "
မောင်မြင့်သည် သူကြီးအားခေါင်းညိတ်ပြကာ မီးဖိုဆောင်သို့သွားလေ၏
သူကြီးကားတစ်ယောက်တည်းကျန်နေလေ။သို့သော်တစ်စုံတစ်
ယောက်ကသူ့အားဆွဲချရာ ရုန်းကန်မရ။ဘာမှလည်းမမြင်ရ။အံ့သြမှင်
သက်နေချိန် အိမ်ပြင်သို့လွင့်စဉ်သွားပြီး အိမ်ရှေ့မှ သစ်ပင်နှင့်ခေါင်းအား
ရိုက်မိရာ သူကြီးမူးမေ့သွားတော့သည်။မောင်မြင့်သည် မီးဖိုဆောင်တွင်
အိုးခွက်များပြန့်ကျဲနေသည်က်ိုတွေ့ရလေသည်။ထိုအခိုက် ထုပ်တန်းပေါ်မှ
အရိပ်မည်းကြီးသည် ဝုန်းကနဲခုန်ချကာ သူရှေ့တွင် ကြွေပန်းကန်ချပ်များ
ကိုရိုက်ခွဲရာ မူးနေသောမောင်မြင့် သောက်ထားသောအရှိန်များပြေကာ
ပင်ကိုသတ္တိပင်မရှိတော့ချေ။သူကြီးကိုလည်းသတိမရအိမ်ထဲမှတစ်ချိုး
တည်းထွက်ပြေးလေတော့သည်။
နောက်တစ်နေ့မနက်တွင် မောင်မြင့်ပြောပြမူကြောင့် သူကြီးအား အိမ်သို့
ပြန်လည်ခေါ်ဆောင်ပြီးဆေးကုသစေ၏။သူကြီးသတိရသော်မိချောသရဲမှာ
အလွန်ကြမ်းကြောင်းပြောလေ၏။ဤတွင် သူကြီးအား မောင်ညိုက
ထန်းပင်စုတွင် ပယောဂဆရာရှိကြောင်းအလွန်စွမ်းကြောင်းပြောသော
အခါ ဆရာကိုသခွတ်ပင်သို့ပင့်စေ၏။ဆရာအမည်မှာ မောင်ချမ်းဖြစ်ပြီး
သရဲမမိချောအားထွက်ပြေးစေရမည်ဟုအာမခံလေ၏။နောက်နေ့ညနေ
သခွတ်ပင်သို့လာခဲ့မည်ဟုဆိုလေ၏။ယခုဆိုတစ်ရွာလုံးမှောင်လာသည်နှင့်
အပြင်ကိုမထွက်ရဲကြ။သရဲမမိချောသည် ဘယ်သည့်နေရာကိုမျှ
ခြောက်လှန့်ခြင်းအလျဉ်းမရှိပါ။ယုတ်စွအဆုံး မိချော၏အလုပ်ရှင်
အိမ်နီးနားခြင်းဦးမိုးကောင်းကိုသော်မှခြောက်လှန့်ခြင်းမရှိပါ။သူ့အိမ်ထဲမှာ
သာကြမ်းတမ်းစွာခြောက်လှန့်ခြင်းဖြစ်သည်။အိမ်ထဲကိုမည်သူမျှအဝင်မခံ
ဆွဲချသည်။လွှင့်ပစ်သည်။ခွေးနှင့်ကြောင်ကိုတောင်သည်းခံခြင်းမရှိပေ။
ည၁၂နာရီထိုးသည်နှင့်မိချောပိုသောင်းကျန်းသည်။ထုပ်တန်းပေါ်မှ
ခုန်ချသံ။ထရံကာနံရံများအားကန်ကျောက်နေသံ။အိုးခွက်များရိုက်ခွဲနေသံ
တစ်ချက်ချက်ဟားတိုက်သံ။ဒေါသထွက်၍တောက်ခေါက်သံများ။ခွေးအူသံများကိုရွာမြောက်ခြမ်းမိချောနေအိမ်ထံမှတိတ်ဆိတ်နေသောတစ်ရွာလုံးနီးပါးကြားရလေ၏။ရွာသူရွာသားများအိပ်ရေးပျက်။မအိပ်နိုင်ညရောက်မှာ
ပင်ကြောက်လန့်သည်အထိအခြေအနေဆိုးခဲ့တော့သည်။
နောက်တစ်ရက်ညနေတွင်ဆရာချမ်းရောက်လာကာမိချောအိမ်သို့
ပို့စေ၏။ဆရာချမ်းသည် မိချောအိမ်ရှေ့တွင်မထီမဲ့မြင်ပြုသလိုသရြော်ပီး
ပြုံး၏။ဆရာချမ်း၏မျက်လုံးအစုံသည်အိမ်တွင်းသို့စူးစိုက်ကာ နူတ်မှတစ်စုံတစ်ခုကို ရွတ်ဆိုပြီမန်းမူတ်ကာ ညာလက်မှ ဆန်တစ်ဆုပ် ကိုကျဲပက်လေ၏။ထိုအထိဘာမှထူးခြားခြင်းမရှိ။ဆရာချမ်းသည်
အိမ်အတွင်းသို့အနှံ့ဆန်မန်းများလိုက်လံကျဲပက်ပြန်၏။
" တောက် … ဟင်း … ဟင်း "
ဆရာချမ်းသည် တောက်ခေါက်သံကို ပီသစွာကြားလိုက်ရသည်။
" မိချော နင်ကငါ့ကိုမထီမဲ့မြင်ပြုတာလား ငါဆရာရဲ့အမိန့် အခုချက်ချင်း
ထွက်လာစမ်း "
ဆရာကရှေ့တွင်အာရုံစိုက်အမိန့်ပေးနေစဉ်နောက်မှအရိပ်မည်းကြီးသူ့အား
အထက်စီးမှကြည့်နေခြင်းကိုမူမသိ။ဆရာချမ်းသည်သူ၏ခြေထောက်နားမှာကျနေသောနပ်ခါးလိမ်းသည့်မှန်ချပ်မှတစ်ဆင့် အပေါ်က အရိပ်ကြီးအားလှမ်းမြင်လိုက်ရာ ပရိတ်ရေများဖြင့် လှမ်းပတ်လိုက်လျှင်
အိမ်တစ်ခုလုံးတုန်ဟီးသွားကာ ဆရာချမ်း၏ကုတ်ပေါ်သို့ အရိပ်မည်းကြီး
တက်ခွလိုက်တော့သည်။လည်ပင်းကိုခြေထောက်ဖြင့်ပတ်ထားကာ
ဆရာချမ်းမှာအသက်ရူမရတော့ပေ။မေ့မျောသွားတော့၏။အချိန်မည်မျှ
ကြာသွားသည်မသိမနက်အရုဏ်ပင်တက်ချေပြီ။ထို့နောက် မိချောအိမ်မှ
အသံများလည်းငြိမ်သက်သွားလေသည်။
" ဆရာချမ်းရေ ဗျို့ ဆရာချမ်း "
ဆရာချမ်းအိပ်ပျော်နေသည်အထင်နှင့်သူကြီးတို့အဖွဲ့သည်မိချောအိမ်
အောက်မှ လှမ်းခေါ်နေလေသည်။သို့သော် ဆရာချမ်းမှအသံပြန်မပေး၍
အိမ်ပေါ်သို့တက်ကြည့်သောအခါ မေ့မျောနေသာ ဆရာချမ်းကို တွေ့ကြရ
သည်။ဤတွင် ဆရာချမ်းအား ပြန်ခေါ်လာပြီးလျှင် မိချောအိမ်အား
သော့ခတ်ပိတ်ထားလိုက်တော့သည်။
သူကြီးတို့ကြံရာမရသည့်အဆုံး ရွာ၏အားကိုးအားထားဖြစ်သော
အရပ်လေးမျက်နှာမှဆရာတော်ဦးသုမင်္ဂလအမှူးပြုသောကျောင်းထိုင်
ဆရာတော်ငါးပါးအား မိချောကိစ္စ ဦးတင်လျှောက်ထားရာ ဆရာတော်များမှ မိချောနေအိမ်တွင် ကမ္မဝါရွတ်ဖတ်မည်
ဖြစ်ကြောင်းမိန့်ကြားလေ၏။နောက်တစ်နေ့ညနေသုံးနာရီတွင်
ဆရာတော်ငါးပါးသည် မိချောနေအိမ်သို့ကြွချီကာ ကမ္မဝါ
ရွတ်ဖတ်လေတော့သည်။
" ကဲ … ဒယကာ ဒယိကာမတွေ ဘုန်းဘုန်းတို့ ကမ္မဝါညှပ်မှာဖြစ်သည့်အတွက်
မေးခွန်းသုံးခါမေးမယ် … နှစ်သက်ပါက နှစ်သက်ပါတယ် …
မနှစ်သက်ပါက … မနှစ်သက်ပါဘူးလို့ လျှောက်တင်ပေးစေလိုပါတယ် "
ဆရာတော်ဦးသုမင်္ဂလမှ ရွာသူရွာသား ဒယကာ ဒယိကာမများအား
မေးခွန်းများမေးလေ၏။
"ဤဝိုင်း ဤအိမ် ဤဌာန၌ မကောင်းသော မြေဖုတ်ဘီလူး သင်းကွဲပြိတ္တာ
တဆ္စေသရဲမိစ္ဆာများရှိနေသည်ကို ဤအိမ်ဝိုင်းပိုင်ရှင်များက
နှစ်သက်ပါသလား မနှစ်သက်ပါဘူးလား"
ထိုကဲ့သို့သုံးကြိမ်တိုင်တိုင်မေးရာ မနှစ်သက်ပါဘူးဟုလျှောက်တင်ကြ
သော် ဦးသုမင်္ဂလအမှူးပြုသောဆရာတော်သံဃာတော်ငါးပါးမှ
မြတ်စွာဘုရား၏နူတ်ကပါတ်တော်ဖြစ်သော ပဗ္ဗာဇနိယကမ္မဝါစာ အား နမောတဿသုံးကြိမ်ဆို၍အိမ်ရှေ့ဘုရားခန်းမှမိနစ်သုံးဆယ်ကြာရွတ်
ဖတ်သရဇ္ဈယ်ကြကုန်၏။ရွတ်ဖတ်ပြီးသော်သံဃာတော်များက ကွယ်လွန်သူမိချောအားအမျှပေးဝေလေ၏။ထိုစဉ်အိမ်ထဲမှဝုန်းကနဲအသံ
ကြားလိုက်ရသည်။ရွာသူရွာသားများအနည်းငယ်လူပ်ရှားသွားကြရာ ဆရာတော်ကြီးမှစိတ်မပူရန်စိတ်အေးအေးထားရန်မိန့်ကြားလေသည်။
ညနေ ၄ နာရီတွင် ဆရာတော်များသည် ကျောင်းအသီးသီး သို့ပြန် ကြွကြကုန်၏။ထိုနေ့ညတွင်မိချောအိမ်၌ဘာသံမျှမကြားရတော့။
သန်းခေါင်တွင်လည်းခွေးအူသံများမရှိတော့။သခွတ်ပင်ရွာလေး ယခင်ကဲ့သို့ပင် ငြိမ်းချမ်းသွားခဲ့ပြီး ဘခက်လည်း လိမ္မာသွားကာ သားသမီးတို့အတွက်ဖခင်ကောင်းပီသခဲ့လေသည်။သခွတ်ပင်ရွာလေး
ကောင်းမွန်စွာအိပ်မောကျနေချေပြီ။
အားလုံးကိုလေးစားလျက်
#ဒေါင်းဖဏ်သာ(အမေ့သား)
Post a Comment