ခေတ်သုံးဗန်းစကားများ ၄

ခေတ်သုံးဗန်းစကား ၄

||  ဆောင်းဖြူ  ||

■     မထသ

- အလုပ်ပေါင်းစုံ လုပ်တတ်သည့် လူမျိုးကိုတွေ့လျှင် “ဒီလူကတော့ လိုင်းပေါင်းစုံပဲ၊ မထသပဲ” ဟု ပြောလေ့ရှိသည့် စကား။

■     ချက်လက်မှတ်ဝေ

- ပြစ်ဒဏ် ဘောက်ချာဖြတ်ခြင်းကို ဆိုလိုသည့် စကား။ ဘတ်စ်ကား လမ်းကြောပေါ် တွင် ရှောင်တခင် စစ်ဆေးရေးအဖွဲ့များ၊ လှည့်ကင်းများရှိသည် ဟု ကြားပါက “တံခါးတွေ ပိတ်ထား၊ မှတ်တိုင်ရောက်အောင် မောင်း၊ ရှေ့မှာ ချက်လက်မှတ်ဝေနေတယ်” ဟု အချင်းချင်း သတိပေးသည့်စကား။

■     ပူကန်ပွင့်ကျယ်

- ရခိုင်မုန့်တီကို ခေါ်ဝေါ်သည့် စကား။ ( စားလိုက်ပါက ပူလည်းပူ၊ စပ်လည်းစပ် အခိုးတွေ၊ ချွေးတွေ ပွင့်ကန်ထွက်ပြီး မျက်လုံးပင် ပြူးကျယ် သွားရခြင်းကို အချို့ဆိုင်များက တင်စားခေါ်ဝေါ်သည့် သဘော )

■     အိုဗာတင်း

- ပိုပိုကဲကဲ၊ အလွန်အကျွံ ပြုမူပြောဆိုတတ်သော သူမျိုးကို ရည်ရွယ်ညွှန်း ဆိုသည့် စကား။

■     ဒိုင်စား

- ၀န်ထမ်းလောကတွင် နေ့ကြီးရက်ကြီး ရုံးပိတ်ရက်များနှင့် စနေ/တနင်္ဂနွေ ထပ်တူကျနေပါက “ဒီရက်တွေကတော့ ဒိုင်စားသွားပြန်ပြီ” ဟု ပြောလေ့ရှိသည့်စကား။

■     ရာသီဥတု ( ၀ယ်သာ )

- အလုပ်ခွင်တွင်ဖြစ်စေ၊ အိမ်တွင်ဖြစ်စေ အထက်လူကြီးများ မျက်နှာ မသာမယာ ရှိနေခြင်း၊ သို့မဟုတ် အထက်လူကြီးက အောက်လက် ငယ်သားများအပေါ် ဆူပူကြိမ်းမောင်းခြင်းများ ရှိနေပါက “ဒီနေ့ ကြည့်ကျက်နေကြ။ ရာသီဥတု(၀ယ်သာ)က ကောင်းတာ မဟုတ်ဘူး” ဟု အချင်းချင်း ပြောလေ့ရှိသည့်စကား။

■     ဘယ်၊ ညာ

- ဘတ်စ်ကားစပယ်ယာများက ခရီးသည် အမျိုးသမီးကို “ဘယ်” ဟုသုံးပြီး ခရီးသည် အမျိုးသားကို “ညာ” ဟု သုံးလေ့ရှိသည့် စကား။ ဥပမာ - “ဆရာရေ… ဘယ် ၁၊ ညာ ၂ ဆင်းမယ်”။

■     အပြာကား/ဆင်းရဲသားကား

- ဖိုမဆက်ဆံမှု အသားပေးသည့် ဇာတ်ကားကို ခေါ်ဆိုသောစကား။

■     ဗုံးကြဲ

- ကိစ္စရပ်တစ်ခုခုကို မြောက်မြားစွာ ပုံအော ပြုလုပ်သွားခြင်းကို ဆိုလိုသည့်စကား။

■     ဘီးကျဲ

- ပစ္စည်းဥစ္စာပြည့်စုံပြီး အိမ်ထောင်မကျသေးသည့် သက်လတ်ပိုင်း အမျိုးသား များကို ရည်ညွှန်းသည့်စကား။

■     ပစ္စည်း

- ပြည့်တန်ဆာ အမျိုးသမီးကို ခေါ်ဝေါ်သည့်စကား၊ သို့မဟုတ် အမည်မဖော်ပြ လိုသည့် အရာဝတ္ထုတို့ကို ခေါ်ဆိုလေ့ရှိသည့် စကား။

■     အသည်းပေါက်

- အဖြစ်အပျက် ကိစ္စရပ်တစ်ခုခုကြောင့် စိတ်ထဲ မခံမရပ်နိုင် ဖြစ်ရခြင်း ကို ဖော်ညွှန်းသည့်စကား။

■     နှစ်ကျပ်ကွက်

- ခပ်ပေါပေါ ခပ်ချာချာ စိတ်ကူးကို အကောင်အထည်ဖော်ခြင်း သို့မဟုတ် ကလေးဆန်ဆန် အကွက်မျိုး ဖန်တီးခြင်းတို့ကို ဖော်ညွှန်းသည့်စကား။

■     ဘူကောင်

- ကံမကောင်းသည့်သူများကို ခေါ်တတ်သလို၊ ပေါင်းခြင်း “ဘူ” ရသည့် ဂဏန်းများရှိသော အရာဝတ္ထုကို ခေါ်ဝေါ်သည့် စကား။ ဥပမာ - လိုင်းကားလောကတွင် ၂၂၆၊ ၃၇ စသည့်ကားများကို “နောက်မှာတော့ ဘူကောင်ပါတယ် ဆရာရေ၊ နည်းနည်းလေး တွန်းထားပါဦး” ဟု ပြောလေ့ရှိသည်။

■     ဗန္ဓုလ/ မောင်ရစ်

- ကိစ္စရပ်တစ်ခုခုကို အချိန်ဆွဲပြီး ဝေ့လည်ကြောင်ပတ်လုပ်ကာ “ရစ်” နေသူနှင့် ကြုံရပါက ထိုသူကို “ဗန္ဓုလ၊ သို့မဟုတ် မောင်ရစ်” ဟု ပြောလေ့ရှိသည့်စကား။

■     တစ်လုံးချိုင့်

- အဆင့်မရှိသူ၊ တန်ဖိုးမဲ့သူကို ညွှန်းဆိုလိုပါက “ဒီဘဲက တစ်လုံးချိုင့်ပါကွာ” ဟု ပြောလေ့ရှိသည့် စကား။

■     ဆိုက်ဂျဲရိုး

- ပါဂျဲရိုးကားများ ခေတ်စားစဉ်ကာလက ဆိုက်ကားကို အပြောင် အပျက် ခေါ်ဆိုသည့်စကား။

■     လေဖြတ်

- ယာဉ်ကြောတစ်ကြောတည်း မောင်းနှင်နေကြသည့်အခိုက် ရှေ့မှကားက တွန့်ဆုတ်တွန့်ဆုတ် မောင်းနေသည့်အတွက် နောက်ကားမောင်းသူက “မောင်းပါဟ၊ မင်းလေဖြတ်နေတာနဲ့ မီးပွိုင့် ထပ်မိတော့မယ်” စသည်ဖြင့် ပြောတတ်သည့်စကား။

■     ကိုးခြောက်ကိုးသုံး

- ကိုယ့်ခြေထောက် ကိုယ်သုံး။ “မင်းဘာနဲ့ လာမလဲ” ဟု မေးသည့်အခါမျိုးတွင် “အေးအေး ငါ ကိုးခြောက်ကိုးသုံး စီးပြီးလာခဲ့မယ်” ဟု အပြောင်အပြက် ပြန်ပြောသည့်စကား။

■     နွားကြီး

- နီဆန်း အေဒီဗင် အမျိုးအစားကားကို ခေါ်ဆိုသည့်စကား။

■     ပေါက်စီ/ပေါက်စည်

- စည်ဘီယာထဲသို့ အရက်ပြင်း တစ်ပက်ဖြစ်စေ၊ နှစ်ပက်ဖြစ်စေ ရောခိုင်းလျှင် သုံးနှုန်းသည့်စကား။ ( အမျိုးသမီးတို့၏ ခန္ဓာကိုယ် အစိတ်အပိုင်း တစ်ခုကို လည်း သုံးနှုန်းသေးသည် )

■     ကြာဆံ

- ဆံပင်ဖြူကို ရည်ညွှန်းသည့်စကား။

■     မြွေဖမ်း

- ပြသ၁နာရှာခြင်းကို ဆိုလိုသည့်စကား။

■     ဘတ်သီး

- မျက်လုံးကို ခေါ်ဆိုသည့်စကား။

■     အဆုပ်ပွ

- စကားပြောများခြင်း၊ အာချောင်ခြင်းကို ဆိုလိုသည့်စကား။

■     တိုက်ပွဲကျ

- ခြေပစ်လက်ပစ်ဖြစ်ကာ စိတ်ရောကိုယ်ပါ ပင်ပန်းနွမ်းနယ်ခြင်း၊ ကိစ္စတစ်ခု ကို စိတ်တုံးတုံးချကာ အရှုံးပေးလိုက်ရခြင်းကို ရည်ညွှန်းသည့် စကား။

ဆောင်းဖြူ