ဝိဥာဉ်‌များနှင့်‌ကခုန်‌ခြင်း

*****ပျော်စရာကြီးဘဲနော်(ဝိဉာဉ်များနှင့်ကခုန်ခြင်း)*******

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

အချိန်က၂၀၀၄ခုနှစ်၊ဒီဇင်ဘာလ။ခရစ်စမတ်မတိုင်မီပေါ့။ကျနော်တို့ရောက်နေတာကကချင်ပြည်နယ်၊ဒေါ့ဖုန်းယန်းမြို့နယ်ခွဲအတွင်းရှိခြေကုပ်တပ်စခန်းတစ်ခုမှာဖြစ်ပါတယ်။ခြေကုပ်စခန်းငယ်ဖြစ်ပေမယ့်မဟာဗျူဟာမြောက်သည့်နေရာလည်းဖြစ်၊ပတ်ဝန်းကျင်ဒေသကိုခြုံမိသည့်စိုးမိုးတောင်ကုန်းလည်းဖြစ်သဖြင့်လူကြီးများမှအထူးဂရုပြုစေပါတယ်။

ပိုပြီးအရေးကြီးတာကဒီစခန်းလေးမှာဗျူဟာမှူးထိုင်ပြီးလိုအပ်လျှင်ရှေ့တန်းတပ်မဌာနချုပ်အဖြစ်ပါသုံးလို့ရအောင်စီမံထားပါတယ်။အပေါ်တက်အောက်ဆင်းတပ်များဝင်ရောက်နားတတ်ရာနေရာလေးလည်းဖြစ်ပြီးနယ်မြေအနေအထားလည်းသိပ်ပြီးမဆိုးရွားတဲ့အညိုရောင်အဆင့်မှာရှိပါတယ်။

ဒီစခန်းကကျန်တဲ့ခြေကုပ်စခန်းများလိုရွာနဲ့မနီးဘဲတောခေါင်ခေါင်မှာဖြစ်နေတာပါ။တောကလည်းမိုးများတဲ့ဒေသဆိုတော့ကျွန်းနဲ့အင်ပင်တွေချည်းပါဘဲ။ကျနော်တို့လိုရှေ့တန်းရောက်စစ်သားတွေအတွက်ကတော့အိုအေစစ်လေးပေါ့ဗျာ။ဒါကဒီဇာတ်လမ်းဖြစ်ခဲ့တဲ့နေရာအခင်းအကျင်းလေးပေါ့။

ဇာတ်လမ်းကဒီလိုဗျ။

ရှေ့တန်းမှာရောက်နေတာ၅လကျော်နေလို့ပျင်းနေပြီဗျာ။ကျနော်တို့ကဗျူဟာအဖွဲ့အထိုင်တပ်ဖြစ်နေတော့ကျန်တဲ့တိုက်ခိုက်ရေးတပ်တွေလိုရန်သူနဲ့တောတိုးပြီးလိုက်တမ်းပြေးတမ်းကစားရတာမဟုတ်လေတော့ပိုပြီးပျင်းစရာကောင်းတာပေါ့ဗျာ။ရန်သူနဲ့ထိတွေ့မှုဆိုတာကလည်းမရှိတဲ့အပြင်နေရာအနေအထားအရကျည်ကွယ်မျက်ကွယ်နေရာဖြစ်တော့တစ်နေ့တစ်နေ့အောက်ခြေတပ်ကတက်လာတဲ့ကြေးနန်းတွေတင်ပေးလိုက်၊အထက်ဌာနကချပေးတဲ့ညွှန်ကြားချက်တွေဖြန့်ဝေလိုက်ဆိုတဲ့အလုပ်ကလွဲလို့ထွေထွေထူးထူးမရှိဘူးဗျ။မနက်တိုင်းဗျူဟာမှူးဆီဝင်ပြီးမိမိတပ်တည်တပ်လှုပ်သတင်း၊ထိတွေ့မှုသတင်းတွေတင်ပြလိုက်နဲ့ပေါ့ဗျာ။

တစ်နေ့မှာတော့ဗျူဟာမှူးဆီသတင်းတွေတင်ပြပြီးတော့ဗျူဟာမှူးက''ကိုမျိုးခိုင်၊မနက်ဖြန်ကျနော့်အသက်၅၃နှစ်ပြည့်ပြီဗျ''လို့ဆိုင်းမဆင့်ဗုံမဆင့်ပြောတယ်။ဆက်ပြီး''ကျနော်တို့ဗျူဟာအဖွဲ့တွေကိုမနက်ဖြန်ညကျရင်ထမင်းစားပွဲလေးလုပ်ချင်တယ်ဗျာ''လို့ပြောတယ်။ဒီလောက်ဆိုကျနော်သဘောပေါက်ပြီလေ၊ဗျူဟာမှူးဘာဆိုလိုတာလဲဆိုတာကို။Higher request is orderလေ။အထက်အ ရာရှိရဲ့တောင်းဆိုမှုကအမိန့်ဘဲလေ။ကျနော်ကလည်း''ဟုတ်ကဲ့ပါအဘ။ကျနော်စီစဉ်လိုက်ပါ့မယ်''လို့ပြောပြီးအခန်းထဲကထွက်လာခဲ့လိုက်တယ်။ဗျူဟာမှူးအခန်းဆိုတာမျက်လုံးထဲမြင်အောင်ပြောပြမယ်နော်။အမိုးနဲ့အကာကအင်ဖက်အခင်းကသဘာဝမြေကြီး၊စားပွဲကဝါးကြမ်းကပ်၊ထိုင်ခုံကသစ်တုံးတို၊ကုတင်ကလက်နက်ကြီးကျည်သေတ္တာခွံတွေစီထားတာ၊ခေါင်းဦးကဝါးပိုးဝါးထက်ခြမ်းခွဲ။ကဲဒီလောက်ဆိုမြန်မာ့တပ်မတော်ကဗိုလ်မှူးကြီးအဆင့်အရာရှိကြီးတစ်ယောက်ရဲ့ရှေ့တန်းကရုံးခန်းနဲ့အိပ်ခန်းကိုပေါ်လွင်တယ်ထင်ပါ့။

ဆက်ကြဦးစို့။

ကျနော်လည်းဗျူဟာမှူးကိုအာမဘန္တေသာခံလာတာ။ဒီတောခေါင်ခေါင်ထဲဘယ်နေရာမှာသွားshoppingထွက်လို့ရပါ့မလဲ။အဲဒါနဲ့ဆက်သွယ်ရေးစုကိုတခါတည်းဝင်လိုက်ပြီးဘေးကကာကင်းကုန်းတွေကိုအသားအတွက်ဟင်းစားရှာပေးဖို့စာတိုထုတ်ပေးလိုက်ရတယ်။ယမကာကထွေထွေထူးထူးမလိုကျနော့်တပည့်ကျော်ဖောက်ထားတဲ့ခေါင်ရည်ရှိတယ်လေ။

အဲဒီနေ့တစ်နေ့လုံးကျန်တဲ့အလုပ်တွေဟိုလုပ်ဒီလုပ်နဲ့တစ်နေကုန်သွားတယ်ဗျို့။ညနေထမင်းစားပြီးတော့ကျနော်ကဗျူဟာမှူးကိုနောက်နေ့မနက်မဆွမ်ဇွပ်ရွာဘက်လိုတာလေးတွေဝယ်ဖို့သွားလိုကြောင်းတင်ပြတော့လျှောလျှောလျှူလျှူဘဲခွင့်ပြုလိုက်တယ်ဗျ။မဆွမ်ဇွပ်ရွာဆိုတာကျနော်တို့စခန်းနဲ့၁၂မိုင်လောက်ဝေးတဲ့မြစ်ကြီးနားဗန်းမော်ကားလမ်းကိုသွားတဲ့တောလမ်းဘေးကရွာကြီးလေ။ဒီမှာတော့အဲဒီကကုန်စုံဆိုင်တွေကOcean Supermaketထက်ပိုတန်ဖိုးရှိတယ် ဗျ။

နောက်နေ့မနက်ဗျူဟာမှူးဆီသတင်းပို့ပြီးတာနဲ့ကျနော်လည်းတပည့်ကျော်၆ယောက်နဲ့အဝယ်တော်ခရီးထွက်ခဲ့တာပေါ့ဗျာ။တောလမ်းတလျှောက်သစ်ရွက်ကြွေချိန်မို့လမ်းလျှောက်တိုင်းအသံများဆူညံနေတာပေါ့ဗျာ။ကျနော်လည်းတပည့်လေးတွေနဲ့စကားတပြောပြောနဲ့လျှောက်လာတာရှေ့ကသွားနေတဲ့တပ်သားဝင်းထူးကတန့်လိုက်လို့ကျနော်လည်းရှေ့ကိုတက်သွားလိုက်တယ်။

ဒီနေရာမှာချစ်စရာကောင်းတဲ့ဓလေ့လေးတစ်ခုပြောချင်ပါတယ်။ကျနော်တို့နဲ့လက်နက်ကိုင်အဖွဲ့တွေဟာရပ်တည်ချက်တွေကြောင့်တိုက်ခိုက်နေကြပေမယ့်ထိပ်တိုက်ဆုံပြီးတိုက်ခိုက်ဖို့ကိုတတ်နိုင်သမျှရှောင်လေ့ရှိပါတယ်။ကျနော်တို့တပ်တွေကလမ်းကြောင်းထွက်ရင်လမ်းဆုံနေရာမျိုးမှာဝါးကိုခုတ်ပြီးလမ်းပေါ်တင်လေ့ရှိပါတယ်။လက်နက်ကိုင်အဖွဲ့တွေကတော့ဝါးကိုအစိမ်းလိုက်ချိုးပြီးတင်ခဲ့လေ့ရှိပါတယ်။

အခုလမ်းဆုံမှာဝါးကိုချိုးပြီးတင်ထားလို့ရှေ့မှာအဖွဲ့တဖွဲ့သွားထားတယ်လို့အချက်ပြထားတာပါ။အဲဒါနဲ့ကျနော်တို့လည်း၁၅မိနစ်လောက်နားပြီးတာနဲ့ဝါးကိုခုတ်ပြီးချထားခဲ့ပါတယ်။မနက်၉နာရီလောက်မှာမဆွမ်ဇွပ်ကိုရောက်ပြီးဝယ်စရာရှိတာဝယ်ဖို့အဖွဲ့တွေကိုဈေးဘက်လွှတ်လိုက်တယ်။ကျနော်ကတော့ထိုင်နေကျရဲစခန်းထဲကလက်ဖက်ရည်ဆိုင်လေးမှာဘဲထိုင်နေလိုက်တယ်။

အဖွဲ့တွေစုံပြီးမဆွမ်ဇွပ်ကနေပြန်ထွက်လာတော့မနက်၁၁နာရီကျော်ပြီပေါ့။ပြန်တော့လည်းအလာလမ်းတုန်းကလိုဘာမှမဖြစ်ဘဲစခန်းကိုနေ့ခင်း၂နာရီလောက်ပြန်ရောက်ကြပါတယ်။ကျနော်လည်းဗျူဟာမှူးကိုဝင်သတင်းပို့နေတုန်းကာကင်းကုန်းတစ်ခုကနေဆတ်တစ်ကောင်ရလို့လာပို့တာနဲ့ညနေ အတွက်တော့တော်တော်ဖူလုံသွားပြီလို့စိတ်ထဲကကျိတ်ဝမ်းသာမိသေးတယ်။

ညနေစောင်းရောက်မှကျနော်စခေါင်းကိုက်ရတာဘဲ။ဒီနေ့ညကဗျူဟာမှူးကိုယ်တိုင်openပေးထားတော့အကုန်လုံးပျော်ပျော်ပါးပါးစားချင်သောက်ချင်ကြတာပေါ့ဗျာ။အဲဒီမှာကင်းချဖို့ခေါင်းခြောင်ရပြီလေ။အဲဒါနဲ့အများဆန္ဒအရမဲနှိုက်ဖို့ဆုံးဖြတ်ပေးပြီးဒီညကင်းကျတဲ့အဖွဲ့တွေကိုနောက်နေ့အစားပြန်ပျော်ခွင့်ရမယ်လို့ကျနော်အမိန့်ထုတ်ပေးလိုက်တယ်။

ညနေ၆နာရီလောက်ကတည်းကကျနော်တို့တွေမီးဖို၊အသားကင်နဲ့အလုပ်ရှုပ်နေတာပေါ့ဗျာ။အဲဒီအချိန်မှာစက်သမားလေးကကျနော်တို့အပေါ်ဘက်ကစခန်းကနေတပ်စိတ်တစ်စိတ်ဆင်းလာတဲ့အကြောင်းကြေးနန်းဝင်ကြောင်းလာသတင်းပို့တယ်ဗျ။ကျနော်လည်းမှတ်ချက်ရေးပေးပြီးအထက်ပြန်တင်ခိုင်းလိုက်တယ်။၇နာရီခွဲလောက်မှာပွဲကစပါပြီဗျို့။

စခန်းမှာရှိတဲ့ရဲဘော်တွေလည်းစားကြသောက်ကြနဲ့ပျော်နေတာပေါ့။ဒါမျိုးဆိုတာရှေ့တန်းမှာကြုံရခဲတယ်လေ။ကျနော်တို့လူငယ်တွေမပြောနဲ့။ဗျူဟာမှူးကြီးတောင်ပြုံးပြုံးနဲ့ပျော်နေတာဗျ။ပုံမှန်ဆိုရင်မျက်နှာတည်တဲ့ဗျူဟာမှူးကြီးကဒီနေ့သူကိုယ်တိုင်ချင်းရဲဘော်လေးဆလိုင်းဇာမွန်းရဲ့ဂီတာကိုယူပြီးတီးပြတယ်။လားရှိုးသိန်းအောင်၊ပလေးဘွိုင်သန်းနိုင်၊ခိုင်ထူး၊ခင်မောင်တိုးစုံလို့ဗျာ။ရဲဘော်လေးတွေတောင်းဆိုတဲ့သီချင်းမှန်သမျှကိုဆိုပြနေတာ။စစ်သားဖြစ်နေပေမယ့်အနုပညာမှာသူလည်းခေသူမဟုတ်ဘဲ။

ပျော်နေကြတဲ့အချိန်မှာအပေါ်စခန်းကဆင်းလာတဲ့တပ်စိတ်(တပ်စိတ်သာပြောတာပါ။အမှန်ကအရာရှိတယောက်နဲ့ရဲဘော်၆ယောက်တည်းပါတာပါ)ကရောက်လာတာနဲ့ဗျူဟာမှူးမွေးနေ့ကိုသူတို့ပါဝင်နွှဲသွားကြသေးတယ်။

သူတို့ခမျာအပေါ်စခန်းမှာနေနေရတော့လူတွေကပိန်ကပ်ကပ်၊ဖြူလျော်လျော်တွေဖြစ်လို့။ဟုတ်မှာပေါ့။သူတို့အပေါ်စခန်းဆိုတာသူတို့စခန်းကိုဝင်တိုက်လိုက်၊သူတို့ကသူများစခန်းသွားတိုက်လိုက်နဲ့ပင်ပန်းတာပေါ့။ဗျူဟာမှူးကြီးကိုယ်တိုင်သူတို့ကိုဒီညဒီမှာနားဖို့အမိန့်ပေးလိုက်တော့သူတို့လည်းတောပွဲကြုံသွားတာပေါ့ဗျာ။

ည၁၀နာရီခွဲလောက်ကျတော့လူတွေကအကုန်ကောင်းနေပြီ။တပည့်ကျော်ရဲ့ခေါင်ရည်ကကုန်လို့ဗျူဟာမှူးခွင့်ပြုချက်နဲ့စခန်းမှာရှိသမျှArmy Rumတွေအ ကုန်အိုးကြီးထဲထည့်သောက်နေကြပြီ။ဗျူဟာမှူးတောင်မှမျက်နှာကအရောင်တော်တော်တက်နေပြီ။အသားဖြူတဲ့ရှမ်းစပ်ဆိုတော့ပိုဆိုး၊နီရဲနေတာပေါ့။အဲဒီအချိန်ကျနော့်တပည့်လေးကကွန်ပျူတာဘောက်လေးတွေယူလာပြီးသူ့MP3လေးနဲ့တွဲဖွင့်ရော။သူ့သီချင်းတွေကလည်းကြည့်ဦးဗျာ။ကချင်မြေကိုလာပါ၊လတ်တီး။အကုန်လုံးကလို့ကောင်းတဲ့ဟညချည်းဘဲ။

ဗျူဟာမှူးကိုယ်တိုင်ရဲဘော်တွေနဲ့မီးပုံကြီးပတ်ပြီးကတော့တာဗျို့။နောက်ဆုံးသားစိုးရဲ့ဆိုင်းကြိုက်တဲ့မောင်လည်းရောက်ရောအကုန်ကကြတာဘဲ။တောတွင်းကလပ်တက်နေရသလိုပေါ့ဗျာ။ဧည့်သည်အဖွဲ့တွေလည်းကတာကွေးလို့။သူတို့ခမျာပျော်လွန်းလို့သာကနေကြတာ။မျက်နှာတွေမှာပင်ပန်းမှုကြောင့်မလန်းကြရှာပါဘူး။

၁၂နာရီလည်းကျော်ရောဗျူဟာမှူးကဝင်အိပ်နေပြီ။အဖွဲ့တော်တော်များများလည်းအိပ်ကုန်ကြပြီ။ကျနော်နဲ့ဧည့်သည်အဖွဲ့တွေလောက်ဘဲကျန်တော့တာ။ကျနော်လည်းဧည်သည်တပ်စိတ်မှူးလေး ကို''ညီတို့ကဘာရှိလို့အောက်ဆင်းတာလဲ''မေးတော့''အကိုရယ်၊ကျနော်ကလက်ထပ်ခွင့်တင်ထာားတာကျပြီလေ။အဲဒါကြောင့်နောက်တန်းခွင့်ပြန်ရမှာမို့ဆင်းလာတာ။ကျန်တဲ့အဖွဲ့တွေကတပ်ပြောင်းမိန့်ပါလို့လိုက်လာတာ၃ယောက်၊ဗိုလ်သင်တန်းပါလို့လိုက်လာတာ၁ယောက်။ဆေးရုံတက်ဖို့လိုက်လာတာက၂ယောက်ဗျ''လို့ပြန်ဖြေတယ်။

စကားတပြောပြောနဲ့၂နာရီထိုးခါနီးလို့ကျနော်လည်းအိပ်ရာဝင်အိပ်လိုက်တယ်။ဆူဆူညံညံအသံတွေကြောင့်ကျနော်လန့်နိုးလာတယ်ဗျ။ဗျူဟာမှူးအသံကိုပါကြားတော့ကျနော်လည်းအိပ်ရာကနေလူးလဲထလိုက်တယ်။နာရီကိုကြည့်မျတော့မနက်၆နာရီတောင်မထိုးသေး။အင်းဘာများအရေးပေါ်ပြန်ပြီလဲမသိပါဘူး။ကျနော်တဲအပြင်ရောက်တော့ဗျူဟာမှူးက''အေး၊အေး။IOလာဦး။အခုဘဲမောင်ရင့်ကိုနိုးခိုင်းတော့မလို့''ပြောတော့ကျနော်ကနေ''ဟုတ်ကဲ့ဗျူဟာမှူး၊ဘာဖြစ်တာလဲခင်ဗျ''လို့မေးလိုက်တော့မှဗျူဟာမှူးက''ကိုယ်တရေးနိုးအပေါ့ထသွားတာအပေါ်ကဆင်းလာတဲ့အဖွဲ့အိပ်တဲ့အနားရောက်တော့ဘယ်သူမှမတွေ့တာနဲ့ထွက်သွားတယ်ထင်လို့ကင်းသမားမေးကြည့်တာကင်းသမားကလည်းဘယ်သူမှမထွက်သေးဘူးပြောတာနဲ့စခန်းတစ်ခုလုံးပတ်ရှာခိုင်းတာမတွေ့ဘူးဖြစ်နေတယ်။အဲဒါမောင်ရင့်ကိုနိုးပြီးလိုက်ခိုင်းမလို့''ဟုပြောသဖြင့်ကျနော့်မှာညကအရှိန်တောင်ပြယ်သွားတယ်။

ဟုတ်တယ်လေ။နောက်တန်းပြန်ဆင်းရမယ့်အဖွဲ့တဖွဲ့လုံးကိုယ့်စခန်းကနေပျောက်သွားတာဆိုတော့ကိုယ်တွေမှာတာဝန်ရှိတယ်လေ။ပိုပြီးဆိုးတာကဗျူဟာမှူးထိုင်တဲ့စခန်းကနေကင်းသမားမသိဘဲပျောက်သွားတာဆိုတော့လူကြားမကောင်းချေ။ဗျူဟာမှူးလည်းစိတ်ရှုပ်ဟန်နဲ့အခန်းထဲပြန်ဝင်တော့ကျနော့်မှာအလုပ်ရှုပ်ပြီပေါ့။ဆက်သွယ်ရေးစက်နဲ့အောက်ကစခန်းကိုလှမ်းမေးတော့လည်းဘယ်သူမှမရောက်သေးကြောင်းသာအကြောင်းပြန်သဖြင့်ကျနော်လည်းစဉ်းစားရကျပ်သွားတယ်။

ဒီလိုနဲ့မိုးစင်စင်လင်းတော့ဗျူဟာမှူးကိုယ်တိုင်ကင်းသမားတွေကိုတယောက်ချင်းစစ်တော့တာဘဲ။အဲဒီအခါမှပိုထူးဆန်းတာကဆင်းလာတဲ့အဖွဲ့ဘယ်သူ့ကင်းချိန်မှာရောက်လာသလဲမေးတော့ကင်းသမားအကုန်လုံးကမရောက်လာကြောင်းသာဖြေသဖြင့်ပိုစဉ်းစားရကျပ်သွားတယ်။

အဲဒီအချိန်ဆေးတပ်သားလေး''ဗိုလ်ကြီး၊သူတို့အဖွဲ့ထဲကဆေးရုံတက်မယ့်သူတယောက်အနာကိုကျနော်ဆေးထည့်ပေးတော့ထူဆန်းတာတခုသတိထားမိတယ်ဗျ။''လို့ဝင်ပြောတယ်။ဆက်ပြီးတော့''ကျနော်သူ့အနာကိုဆေးထည့်တော့သူ့အနာကသွေးမထွက်ဘူး။ခြောက်နေတယ်။ပုံမှန်ဆိုအနာကပုပ်လို့ပြည်တောင်လိုက်ရမယ့်အခြေအနေကြီး''လို့ဖပ်ပြောတယ်။ကျနော်ဖြင့်ရူးချင်စိတ်တောင်ပေါက်လာတယ်။

ကျနော့်စိတ်ထဲတွေးမိတာကငါတို့တွေအမူးလွန်ပြီးတော့ဘဲမရှိတာကိုအရှိလို့အမြင်မှားသလားပေါ့။ဗျူဟာမှူးကိုကျနော့်ထင်မြင်ချက်တင်ပြတော့''IOရာ။မောင်ရင်ကတော့လုပ်ပြီ။အမူးလွန်လို့တွေ့လည်းတယောက်နှစ်ယောက်ပေါ့။အခုဟာကစခန်းတစ်ခုလုံးမြင်နေတဲ့ဟာကို။နောက်ပြီးတော့ရှိသေးတယ်။ဒီမှာကြည့်ဦး''ဆိုပြီးဓါတ်ပုံလေးတစ်ပုံပြတယ်။မိန်းကလေးတသ်ယောက်ပုံဗျ။ဗျူဟာမှူးကဆက်ပြီး''ဒီဓါတ်ပုံကခွင့်သွားမယ့်မောင်ကိုယ့်ဆီကိုလာသတင်းပို့တုန်းကကျနေခဲ့တာ။ကိုယ်ကမနက်ကျမှပေးမလို့ကောက်ထားတာ။သူတို့အဖွဲ့စခန်းကိုရောက်လာခဲ့တာတော့အမှန်ဘဲ။ဘယ်ကနေဝင်လာပြီးဘယ်ကနေပြန်ထွက်သွားသလဲဆိုတာတွေးမရတာ''လို့ပြောတယ်။ကျနော်လည်းဘာပြောရမှန်းမသိတော့တာနဲ့အလေးပြုပြီးပြန်ထွက်လာခဲ့လိုက်တယ်။

အဲဒီနေ့တစ်နေ့လုံးဗျာ၊ဒီကိစ္စနဲ့လူတိုင်းတအုံ့နွေးနွေးဖြစ်နေကြတာ။အထက်ဌာနကလည်းထုလှပြီ။ကိုယ့်စခန်းကနေစစ်သည်၇ယောက်ပျောက်သွားတယ်ဆိုတာအဓိပ္ပါယ်မရှိလှ။အဲဒီအဖွဲ့သာတဖက်လက်နက်ကိုင်အဖွဲ့ထဲဝင်သွားရင်တော့။ကျနော်ဆက်မတွေးချင်တော့ဘူး။ဗျူဟာမှူးလည်းတော်တော်စိတ်ညစ်နေပြီ။

နေ့လည်ထမင်းစားနေတုန်းရဲဘော်လေးတစ်ယောက်က''ဗိုလ်ကြီးစခန်းထိပ်မှာလူ၂ယောက်ရောက်နေတယ်။သတင်းလာပေးတာပြောတယ်ခင်ဗျ''လို့လာပြောတော့ချက်ချင်းလိုက်သွားလိုက်တယ်။စခန်းထိပ်မှာကချင်အဖိုးကြီး၂ယောက်။ကျနော်လည်းဗျူဟာမှူးဆီခေါ်သွားလိုက်တယ်။ဗျူဟာမှူးဆီရောက်မှအဖိုးကြီး၂ယောက်ကသူတို့ဟာကျနော်တို့စခန်းအပေါ်ဘက်၈မိုင်ခန့်ဝေးသောတောင်စောင်းကတောင်ယာသမားတွေဖြစ်ကြောင်း၊မနေ့ညကသူတို့တောင်ယာခင်းအစပ်နားမှာမိုင်းကွဲသံကြားသဖြင့်မနက်မိုးလင်းချိန်မှသွားကြည့်ရာတပ်မတော်တံဆိပ်များတွေ့သဖြင့်လာသတင်းပေးခြင်းဖြစ်ကြောင်းပြောပြကြတယ်။ဗျူဟာမှူးကကျနော့်ကိုအဖွဲ့တဖွဲ့နဲ့ချက်ချင်းလိုက်သွားခိုင်းတာနဲ့ကျနော်လည်းလိုက်သွားလိုက်တယ်။

အဖိုးကြီးတွေရဲ့တောင်ယာခင်းရောင်တော့နေ့ခင်း၂နာရီကျော်နေပြီ။သူတို့ပြတဲ့နေရာကိုလိုက်ကြည့်တော့မြင်ရတဲ့မြင်ကွင်းကမကောင်း။ကိုယ်ခန္ဓာအစိတ်အပိုင်းတွေကပြန့်ကျဲလို့။ကျနော်လည်းဖြစ်နိုင်တာကိုစဉ်းစားမိတာတော့တယောက်ကနင်းမိုင်းမိလို့တယောက်ကဖြုတ်ဖို့လုက်နေတယ်။ကျန်တဲ့အဖွဲ့ကလမ်းဘေးဆင်းအရှောင်နောက်ထပ်မိုင်းနင်းမိပြီးကွဲတယ်။အလောင်းတွေစစ်ကြည့်တော့လူက၆ဦးဖြစ်နေတယ်။

အဲဒီအချိန်မှာကျနော့်ရဲဘော်လေးတစ်ယောက်ကလာပြောလို့သူပြောတဲ့နေရာလိုက်ကြည့်တော့မိုင်းကွဲတဲ့နေရာနဲ့ကိုက်၂၀၀လောက်မှာနောက်ထပ်အလောင်းတလောင်း။ကျောက်တုံးတစ်ခုကိုမှီပြီးအသက်ပျောက်နေတာဗျ။သူကတော့မိုင်းစတွေမှန်ပြီးရသလောက်လမ်းလျှောက်လာတာဖြစ်မယ်။မရတဲ့အဆုံးကျောက်တုံးကိုမှီထိုင်နေရင်းသွေးထွက်လွန်သွားတာဖြစ်မယ်။ကျနော်လည်းထင်မြင်ယူဆချက်တွေကိုမှတ်စုထဲရေးပြီးအလောင်းတွေကိုမြေမြုပ်သင်္ဂြိုလ်ခိုင်းလိုက်တယ်။

အလောင်းတွေမလာမှကျောက်တုံးကိုမှီထိုင်နေတဲ့အလောင်းကပခုံးမှာအပွင့်၂ပွင့်နဲ့အရာရှိဆိုတော့စိတ်မကောင်းဖြစ်နေတုန်းမျက်နှာကိုမြငိလိုက်ရတော့ကျနော်လန့်သွားတယ်။

မလန့်ရှိမလားဗျာ။အဲဒီအရာရှိကမနေ့ညတညလုံးကျနော်တို့နဲ့စားသောက်ကခုန်ပြီးစကားတွေပြောသွားတဲ့လက်ထပ်ဖို့ခွင့်ပြန်မယ့်သူလေ။ကျနော့်စိတ်ထဲသဘောပေါက်သွားပြီ။သူတို့အဖွဲ့တွေဘယ်ကင်းသမားမှမသိဘဲစခန်းထဲဝင်သွား၊ထွက်သွားတာလဲဆိုတာကိုသိလိုက်ပါပြီ။

ကျနော့်စိတ်ထဲမှာတော့ကျနော်သိပ်ကြိုက်တဲ့အဆိုတော်အငဲရဲ့ပထမဆုံးစီးရီးခွေနာမည်ပေါ်လာတော့တယ်။
ဝိဉာဉ်များနဲ့ကခုန်ခြင်း။အမှန်ပါဘဲ။ကျနော်တို့တတွေဝိဉာဉ်တွေနဲ့ကခုန်ခဲ့ပါလား။

ရှေ့တန်းတစ်နေရာမှာကျဆုံးသွားခဲ့တဲ့ညီငယ်ဗိုလ်မျိုးဇင်အောင်နှင့်စစ်သည်၆ဦးအားဂုဏ်ပြုလျှက်

Credit-ဝင်းမျိုးခိုင်

ူ