သေမင်းတမန်စာအုပ်
*************
အပိုင်း(၂)
အသုဘ လိုက်ပါပို့ဆောင်သူများ တရားနာပြီး၍ အလောင်းပါ ဂူသွင်းပြီးပြီမို့ အသီးသီး ပြန်ကုန်ကြသည် ။
မပြန်နိုင်သူများက ကိုကိုနဲ့ ညီရဲ ။
ယခု အသုဘသည် သူတို့၏ အချစ်ဆုံး သူငယ်ချင်း ငဇော်၏ ဈာပနာပင်မဟုတ်လား ။
ငဇော်အတွက် ယူကြုံးမရဖြစ်ကာ သုသာန်ထဲ၌ သူတို့နှစ်ဦးသာ ကျန်ရစ်ခဲ့လေသည် ။
" ဟူး ... ငဇော်ရာ "
ကိုကိုမှာ လေပူတစ်ချက် မှုတ်ထုတ်ကာ သဲ့သဲ့လေး ညည်းလိုက်သည် ။
" ညီရဲ ... ငဇော် ဘာလို့ သူ့ကိုသူသတ်သေသွားတာလဲ ငါသိချင်တယ်ကွာ "
မှန်ပေသည် ။
ငဇော်တစ်ယောက် သူ၏ အခန်းထဲတွင်ရှိနေသော ဓားအသေးလေးဖြင့် သူ၏ ပင်မသွေးကြောများကို ဖြတ်တောက်တာ သူ့ကိုယ်သူ အဆုံးစီရင်သွားခဲ့သည် ။
ထိုအဖြစ်အပျက်သည် ငဇော် ညီရဲကို နောက်ဆုံး ဖုန်းခေါ်သော နေ့က ဖြစ်ပျက်သွားခဲ့သည် ။
ညီရဲသည် ထိုနေ့ညကလည်း ကောင်းကောင်း အိပ်၍ မပျော် ။ မနက်လင်းတော့လည်း အစောကြီးနိုးကာ ငဇော့်ကို စိတ်ပူမိသဖြင့် နိူးနိုးချင်း ကိုကို၏ အိမ်သို့ သွားလေသည် ။
ကိုကိုက အိပ်ကောင်းနေဆဲ ။
" ဒေါက် .. ဒေါက် .. ဒေါက် ... "
" ကိုကို ... ကိုကို .. ဟေ့ရောင် ကိုကို ... "
" ဘယ်သူလဲ .. စောစောစီးစီး "
" ငါ ညီရဲပါကွ .. တံခါးဖွင့်ဦး "
ခဏအကြာ မျက်လုံးများကို ပွတ်သပ်ရင်း ကိုကို တံခါးလာဖွင့်သည် ။
" ဘာလဲကွာ .. စောစောစီးစီး "
ညီရဲကို တံခါးဖွင့်ပြီးသည်နှင့် ကုတင်ပေါ်တွင် ပြန်အိပ်နေသည် ။
" ဟေ့ရောင် ကိုကို .. ထပါကွ .. ငါတို့ ငဇော့်ဆီ သွားရအောင် "
" ဟာကွာ .. ဘာသွားလုပ်မှာလဲ "
" မနေ့ညက ငဇော်ငါ့ဆီဖုန်းဆက်ပြီးကတည်းက ငါ့စိတ်ထဲမှာ တစ်မျိုးကြီးပဲကွ .. "
" ညီရဲ .. မနေ့ညကလည်း ငါ့ကို အိပ်ရေးပျက်အောင်လုပ်ထားပြီးပြီ .. အခုလည်း အိပ်ရေးဝအောင် ပေးမအိပ်ဘူး ... ငဇော်က မင်းကို နောက်တာပါကွာ "
" ဘာပဲဖြစ်ဖြစ် သွားကြည့်ရအောင်ပါကွာ .. ငါ ငဇော့်ကို စိတ်ပူနေလို့ "
" ငါ အိပ်ရေးမဝသေးဘူးကွာ .. မင်းဖာသာသွား .. ငါမလိုက်ဘူး .. ဆက်အိပ်ဦးမှာ "
" ကိုကို .. မင်းကိုငါပြောမယ် .. ငါ မနေ့ညက ငဇော့်အကြောင်းတွေးပြီး မအိပ်ရဘူး .. မနက်ရောက်တော့လည်း အစောကြီးနိုးနေတာ .. ငါ့ကို အားနာပါဦးကွာ .. ငဇော် အဆင်ပြေတယ်ဆိုရင် ဒီနေ့တစ်နေကုန် မင်းအိပ်နေလို့ရတယ် .. ခုတော့ လိုက်ခဲ့ပေးပါကွာ .. ငဇော်က ငါတို့ သူငယ်ချင်းပါ .. သူတစ်ခုခု ဖြစ်/နေမှာ စိုးလို့ပါ "
" ညီရဲရာ . မင်းကိုတော့ ငါအတော် စိတ်ကုန်သွားပြီ . မလိုက်ရင်လည်း ငါ ဆက်အိပ်လို့ ရမှာ မဟုတ်ဘူး .. လိုက်မယ်ကွာ .. လိုက်မယ် "
ကိုကို အိပ်ရာမှ ထကာ ညီရဲနှင့် အတူ အောက်ထပ်သို့ ဆင်းလိုက်လာသည် ။
" သားတို့ .. ဘယ်သွားကြမလို့လဲ "
ကိုကို့အမေက ဆီး၍မေးသည် ။
" ငဇော့်ဆီ သွားမလို့ပါ မေမေ "
" ကော်ဖီသောက်ပြီးမှ သွားကြပါလား သားတို့ "
" မသောက်တော့ပါဘူး အန်တီ .. ငဇော့်အိမ်ရောက်မှပဲ သောက်တော့မယ် "
" အေးလေ .. ဒါဆိုလဲ ပြီးတာပဲ "
" ညီရဲ .. မင်း ဆိုင်ကယ်ပါလား "
" ပါတယ် .. မင်းမျက်နှာသစ်ဦးလေ "
" မသစ်တော့ဘူး .. ငဇော့်ဆီရောက်ရင် ဆက်အိပ်ဦးမှာ "
" မင်းသဘော "
ထို့နောက် ညီရဲ၏ ဆိုင်ကယ်လေးနှင့်ပင် ငဇော့်အိမ်သို့ ထွက်ခဲ့ကြသည် ။
ငဇော့်အိမ်က ရက်ကွက် သုံးခုလောက်သာ ခြားသဖြင့် သိပ်မကြာဘဲ ရောက်ခဲ့ကြသည် ။
" အန်တီမေ ... ငဇော်ရော "
" ငဇော် အိပ်ရာက မထသေးဘူးကွဲ့ .. သွားနှိုးပြီး ခေါ်ခဲ့ကြ .. အန်တီမေ ကော်ဖီဝိုင်း ပြင်ထားလိုက်မယ် "
" ဟုတ် .. အန်တီမေ "
ထို့နောက် အပေါ်ထပ်ရှိ ငဇော့်အခန်းသို့ တက်ခဲ့ကြသည် ။
" ဟေ့ရောင် .. လော့ချထားတယ်ကွ "
" ခေါ်လေ "
" ငဇော် .. ငဇော် .. "
" ဒုန်း .. ဒုန်း .. ဒုန်း .. "
" ဟေ့ရောင် ငဇော် .. "
အပြင်မှ ခေါ်သူများပင် မောလာပြီ ။
အထဲမှ တုံ့ပြန်သံ တစ်စုံတစ်ရာ မကြားရ ။ ထို့ကြောင့် ညီရဲမှာ မျက်နှာပျက်စပြုလာပြီ ။
" ကိုကို .. ဒီကောင် အိပ်မောကျနေတာတော့ မဖြစ်နိုင်တော့ဘူး "
" အေးကွ .. အန်တီမေကို သွားပြောမှ ဖြစ်မယ် "
ထို့နောက် ငဇော့်မိဘများက အပြင်မှ သော့ဖြင့် တံခါးကို ဖွင့်လိုက်ကြသည် ။
အထဲတွင် မြင်လိုက်ရသော မြင်ကွင်းကြောင့် ကိုကိုနှင့် ညီရဲတို့ အသက်ရှူပင် မှားသွားကြသည် ။
" ဟင် .. "
" ဟာ .. ငဇော် .. "
" အမလေး .. သား .. သား .. "
အားလုံး အခန်းထဲသို့ ပြေးဝင်သွားကြသည် ။
ကုတင်ဘေးရှိ ကြမ်းပြင်ပေါ်တွင် ကြီးမှားသော သွေးအိုင်ကြီးနှင့် ထိုသွေးအိုင်ထဲတွင် မလှုပ်မယှက် ငြိမ်သက်နေပြီဖြစ်သော ငဇော် ... ။
" ကိုကို "
ညီရဲ ခေါ်လိုက်မှ လက်ရှိ အခြေအနေကို ပြန်သတိရလာသည် ။
" ဟင် .. "
" ငဇော်သေတာ ဟို စာအုပ်နဲ့ ပတ်သတ်နေတယ်ထင်တယ် "
" ဘယ်စာအုပ်လဲ "
" သူငါ့ဆီကို ဖုန်းဆက်တယ်လို့ မင်းကိုငါ ပြောသားပဲ .. ဟိုအိမ်ကြီးက စာအုပ်လေ "
" ဖြစ်နိုင်ပါ့မလား "
" မဖြစ်နိုင်ဘူးဆိုရင် ငဇော်က ဘာလို့ ခုလိုလုပ်မှာလဲ "
" ငါလည်း ဒါကိုပဲ စဉ်းစားမရအောင် ဖြစ်နေတာ "
" သူ ငါ့ဆီကို ဖုန်ဆက်တုန်းက တစ်စုံတစ်ခုကို ကြောက်နေသလိုပဲ .. သေချာတာက အဲ့စာအုပ်ကို သူမယူလာဘူးဆိုတာပဲ "
" မင်းကလည်း သူမယူလာရင် အဲ့စာအုပ်က ဘယ်လိုပါလာမှာလဲ "
" ငါလည်း မသိဘူးလေ .. သူလည်း အဲ့စာအုပ်ကိုမြင်လို့ ငါ့ဆီ ဖုန်းဆက်လိုက်တာ .. အထဲမှာ.စာတွေရေးထားတယ်လို့လည်း ပြောသေးတယ် "
" ညီရဲ "
" ဟင် "
" ဒါဆိုရင် သူ့အခန်းထဲမှာ အဲ့စာအုပ် ရှိနေတယ်ပေါ့ "
" အေးကွ .. ငါတို့ ခုမှ စဉ်းစားမိတယ် "
" ငါတို့ သွားရှာကြည့်ရအောင် "
" ကောင်းတယ် "
ထို့နောက် သုသာန်မှ ဆိုင်ကယ်အမြန်မောင်းပြန်ကာ ငဇော့်အိမ်သို့ သွားကြသည် ။
ငဇော့်အိမ်တွင် အသုဘကိစ္စဖြင့် လူအချို့ရှိနေသေးသည် ။
ငဇော့်မိဘများထံ ခွင့်တောင်းကာ ငဇော့်အခန်းရှိရာသို့ တက်ခဲ့ကြသည် ။
ငဇော့်အခန်းထဲသို့ရောက်သော် ထိုစာအုပ်ကိုရှာကြသည် ။
မတွေ့ ။
" ညီရဲရေ .. နေရာလည်း နှံ့နေပြီ .. မတွေ့ဘူးကွ "
" ဟုတ်တယ် .. သေချာပြန်ရှာကြည့်ပါဦး "
ထို့နောက် ဒုတိယမ္မိ ရှာကြပြန်သည် ။
အဝတ်ဗီရို ၊ ကုတင်အောက်ပါမကျန် နှံ့နှံ့စပ်စပ် ရှာကြသေည်လည်း အနက်ရောင် မှတ်စုစာအုပ်လေးကိုမူ မတွေ့ခဲ့ကြပေ ။
" ငါတော့ လက်လျှော့လိုက်ပြီ ကိုကို "
ထိုစဉ် အခန်းထဲသို့ ငဇော်၏ မိခင် ဝင်လာသည် ။
" သားတို့ .. ဘာရှာနေကြတာလဲ "
" အန်တီမေ .. ဒီအခန်းထဲက မှတ်စုစာအုပ်လေးများ မတွေ့မိဘူးလား "
" မှတ်စုစာအုပ် "
" ဟုတ်ပါတယ် .. သားရေဖုံး အနက်ရောင်လေးပါ "
" အန်တီမေတို့တော့ ဒီအခန်းထဲက ဘာပစ္စည်းမှ ယူမထားပါဘူး .. အရင်အတိုင်းပဲ ထားတာ .. အဲ့စာအုပ်က ဘာဖြစ်လို့လဲ "
" ကျွန်တော်နဲ့ ငဇော် နောက်ဆုံး ဖုန်းပြောကြတုန်းက ငဇော်က အဲ့စာအုပ်လေးအကြောင်း ပြောလို့ပါ .. အဲ့ဒါကြောင့် လာရှာတာ .. ရှာမတွေ့ဘဲ ဖြစ်နေလို့ "
" အန်တီမေတော့ ဘာမှ မသိပါဘူးကွယ် .. သားတို့ပဲ ဆက်ရှာကြနော် .. ဒီအခန်းထဲမှာ ရှိပါလိမ့်မယ် .. အန်တီမေ အောက်က ဧည့်သည်တွေဆီ သွားလိုက်ဦးမယ် "
" ဟုတ်ကဲ့ပါ အန်တီမေ "
မျက်ရည်လေး ရစ်ဝဲကာ ထွက်သွားသော အန်တီမေကို သူတို့ ကိုယ်ချင်းစာမိသည် ။
သူတို့တောင် သူငယ်ချင်းဖြစ်သူအတွက် အတော်ခံစားနေရကာ မိခင်ဖြစ်သူဆိုပါက ဆိုဖွယ်ရာပင် မရှိတော့ ။
ငဇော်သည် တစ်ဦးတည်းသော သားမို့ မိဘများ ရင်ကွဲအောင် ခံစားနေရမှာကို တွေးကြည့်ရုံနှင့် သိနိုင်သည် ။
ထပ်မံ၍ ရှာကြည့်သော်လည်း မတွေ့သည့်အဆုံး၌ နှုတ်ဆက်ကာ ပြန်ခဲ့ကြသည် ။
ရင်ထဲတွင်တော့ မတင်မကျ ။
~~~~~~
ထိုအတောအတွင်း ကိုကိုနှင့် ညီရဲတို့ ငဇော်၏ ရက်လည်ကိစ္စကို ဝိုင်းကူလုပ်ကြရင်း အချိန်ကုန်ကြသည် ။
ရက်လည်ပြီးသည့်နေ့ ညနေပိုင်းက ကိုကိုနှင့် ညီရဲတို့ ဘီယာဆိုင် ထိုင်ဖြစ်ကြသည် ။
ငဇော်၏ အကြောင်းကို ကြေကွဲစွာ ပြောကြရင်း အတော်သောက်ဖြစ်ကြသည် ။
ထို့ကြောင့် ညဥ့်နက်မှ အိမ်ပြန်ခဲ့ကြသည် ။
ညီရဲက ဆိုင်ကယ်မပါသဖြင့် ကိုကိုက ညီရဲအိမ်သို့ လိုက်ပို့သည် ။
" ညီရဲ .. ဖြစ်တယ်နော် "
" ဖြစ်တယ် .. မနက်မှ တွေ့ကြတာပေါ့ "
" အေး .. ဒါဆို ငါပြန်ပြီ "
ကိုကို၏ ဆိုင်ကယ် ထွက်သွားသည်နှင့် ညီရဲလည်း ခြံတံခါးပိတ်ကာ အိမ်ထဲသို့ ဝင်လာခဲ့သည် ။
အဖေနှင့် အမေတို့ အိပ်နေကြပြီမို့ တံခါးကို အသံမကြားအောင်ဖွင့်ကာ အိမ်ထဲသို့ ဝင်လာခဲ့သည် ။
ထို့နောက် အပေါ့အပါးသွားကာ အိမ်ပေါ်သို့ တက်လာခဲ့သည် ။
အခန်းတံခါးဖွင့်ပြီး အခန်းထဲသို့ ဝင်လိုက်သည် ။
ကုတင်ပေါ် လှဲမည်အပြု
" ဟင် ... "
ကုတင်ပေါ်တွင် အနက်ရောင် မှတ်စုစာအုပ်လေး ။
" ငါ့မှာ.ဒီလိုစာအုပ်မရှိပါဘူး .. ဒီစာအုပ်က ဘယ်ကရောက်လာတာလဲ .. အဖေ အမေတို့များ .. အို .. မဖြစ်နိုင်ပါဘူး .. ဒါ .. ဒါဆို .. "
ညီရဲ တစ်စုံတစ်ခုကို စဉ်းစားမိသဖြင့် ခန္ဓာကိုယ်တစ်ခုလုံး အေးစက်ထုံကျဉ်သွားသည် ။
" ဒါ .. ဒါ .. ငဇော်ပြောတဲ့ စာအုပ်လား .. ငါ့ဆီ ဘယ်လိုလုပ်ပြီး ရောက်လာတာလဲ "
အတွေးများက ညီရဲ၏ တစ်ကိုယ်လုံးကို ဆွဲကိုင်၍ လှုပ်လိုက်သည် ။
တုန်ယင်နေသော လက်အစုံဖြင့် စာအုပ်လေးကို အသာ ကောက်ယူလိုက်သည် ။
~~~~~~
ကိုကိုတစ်ယောက် အိမ်ပြန်ရောက်သည်နှင့် အိပ်ရာ တန်းဝင်ခဲ့သည် ။
ညဥ့်နက်သည်အထိ နေလေ့မရှိသဖြင့် ချက်ချင်းပင် အိပ်ပျော်သွားခဲ့သည် ။
နားထဲတွင် အသံအချို့ ကြားနေရသည် ။
မျက်လုံးက မဖွင့်နိုင် ။
ဆက်တိုက်ကြားနေရသဖြင့် ဖုန်းမြည်သံဖြစ်ကြောင်း သတိထားမိလိုက်သည် ။
ပေနေ၍ မရသည့်အဆုံး၌ အိပ်ချင်မူးတူးဖြင့် ဖုန်းကို လှမ်းယူကာ ပိတ်လိုက်မည်ပြုပြီးမှ ဖုန်းနံပါတ်ကို ကြည့်လိုက်တော့ ညီရဲဆီက ။
မကိုင်မချင်း ခေါ်နေမှာမို့ ကိုင်လိုက်သည် ။
" ဟလို .. "
" ဟလို .. ဘယ်သူပါလဲ "
ညီရဲဖုန်းမှန်း သိသော်လည်း တစ်ဖက်လူ၏ အသံမှာ ပုံမှန်မဟုတ်သဖြင့် မေးလိုက်ရခြင်းဖြစ်သည် ။
" ကိုကို .. ငါ .. ငါပါကွ .. ညီရဲ "
ညီရဲဟု ပြောသောကြောင့်သာ.ကိုကိုလက်ခံလိုက်ရသော်လည်း ညီရဲ၏ အသံမှာ ကြောက်ရွံ့တုန်လှုပ်နေဟန်ဖြင့် ပြည့်နှက်နေသဖြင့် အသံ ဖမ်း၍ မရ ။
" ဘာလဲကွာ .. ငါအိပ်နေတာ "
" ကို .. ကိုကို .. "
" ညီရဲ .. မင်းဘာဖြစ်နေတာလဲ "
" ကိုကို .. စာ .. စာအုပ် .. "
" ဘာစာအုပ်လဲ "
" မှတ်စုစာအုပ် "
" ဟမ် .. "
" မင်းနဲ့ ငါ ငဇော့်အခန်းမှာ သွားရှာတဲ့ မှတ်စုစာအုပ်လေ "
" ဘာဖြစ်လို့လဲ "
" အဲ့ .. အဲ့ မှတ်စုစာအုပ် .. ငါ့ .. ငါ့ဆီရောက်နေတယ် "
" ဘာ .. "
အိပ်ချင်နေသည့်စိတ်များ အဝေးသို့ လွင့်စဉ်သွားကြသည် ။
" ဘာပြောတယ် ညီရဲ .. ဒါ .. ဒါ နောက်စရာ မဟုတ်ဘူးနော် "
" ငါ .. ငါမနောက်ဘူး ကိုကို "
" မင်းဆီကို ဘယ်လိုရောက်နေတာလဲ "
" ငါပြန်လာပြီး အခန်းထဲဝင်လိုက်တော့ ငါ့ကုတင်ပေါ်မှာ ရှိနေတာ "
" အဲ့စာအုပ်ဆိုတာ.သေချာလို့လား "
" သေချာတယ် .. ငါ အခု အရမ်းကြောက်နေပြီ .. အခန်းအပြင်လည်း မထွက်ရဲဘူး .. မင်း ငါ့ဆီလာခဲ့ပါလား "
" ဟင် .. ဘာ .. ဘာဖြစ်လို့လဲ .. အဲ့စာအုပ်က ဘာဖြစ်လို့လဲ "
" အ .. အထဲမှာ စာတွေရေးထားတယ် .. "
" ဘာ စာတွေရေးထားလို့လဲ "
" အထဲမှာ .. အထဲမှာ ရေးထားတာက .. "
ရုတ်တရတ် ဖုန်းလိုင်းပြတ်တောက်သွားသည် ။
" ဟလို .. ဟလို .. ညီရဲ .. "
ဖုန်းပြန်ခေါ်သည် ။
မရ ။
အကြိမ်ကြိမ်ခေါ်သည် ။
မဝင် ။
ထို့ကြောင့် အခန်းထဲမှ အမြန်ထွက်ကာ အိမ်အောက်သို့ ဆင်းခဲ့သည် ။
ည ၁၂ ထိုးပြီ ။
သူ ညီရဲထံသို့ အမြန်သွားမှဖြစ်မည် ။
ငဇော်တုန်းကလည်း သူပေါ့ဆမိလို့ ငဇော်၏ အသက်ကို အချိန်မီ မကယ်တင်နိုင်ခဲ့ပေ ။
ထို့ကြောင့် နောင်တကြီးစွာ ရခဲ့သည် ။
ညီရဲကိုတော့ ထိုအဖြစ်မျိုး ထပ်အဖြစ်မခံနိုင် ။
သူ အချိန်မီ သွားမှဖြစ်မည် ။
ညီရဲမှာ.အမှန်တကယ်ပင် ကြောက်လန့်နေကြောင်း သူ၏ အသံများက သက်သေခံနေကြသည်မို့ ကိုကို သံသယကင်းသည် ။
သူစဉ်းစားမရသည်က မှတ်စုစာအုပ် ။
နယ်တွင် စူးစမ်းလိုစိတ်ဖြင့် သွားရောက်ခဲ့သော အိမ်ကြီးတွင် တွေ့ခဲ့ရသည့်  အနက်ရောင် မှတ်စုစာအုပ်လေး ။
ငဇော်ယူခဲ့မည်ဟု ပြောသဖြင့် သူတို့၏ တားမြစ်မှုကြောင့် ငဇော် မယူခဲ့ပေ ။
သို့သော် ထူးဆန်းစွာပင် ထိုစာအုပ်လေးသည် ငဇော့်ထံသို့ ရောက်လာခဲ့သည် ။
ထို့နောက် ငဇော် သေဆုံးသွားခဲ့သည် ။
ယခင်နေ့က ငဇော့်အခန်းတစ်ခုလုံးကို မွေနှောက်က. ထိုစာအုပ်လေးကို ကိုကိုနှင့် ညီရဲတို့ ရှာခဲ့ကြသည် ။
မတွေ့ခဲ့ ။
ယခုမူ ထိုစာအုပ်လေးသည် ညီရဲထံသို့ ရောက်ရှိလာပြီ ။
ထိုစာအုပ်က ဘာလဲ ။
ဘာ့ကြောင့် သူ့အလိုလို ရောက်လာရတာလဲ ။
အထဲမှာ ဘာတွေ ရေးထားလို့လဲ ။
ငဇော်က အဲ့စာအုပ်ကို ရပြီးတာနဲ့ ဘာကြောင့်မို့ သူကိုယ်သူ သတ်သေရတာလဲ ။
ယခုလည်း .. ။
ညီရဲတစ်ယောက် ... ။
ကိုကို ဆက်မတွေးတော့ဘဲ ဆိုင်ကယ်ကို ခြံပြင်သို့ တွန်းထုတ်လာခဲ့သည် ။
အိမ်ထဲမှာ စက်နှိုးလျှင် အဖေနှင့် အမေတို့ နိုးသွားနိုင်သည်မဟုတ်လား ။
ထို့နောက် ညီရဲအိမ်သို့ အမြန်မောင်းလာခဲ့လိုက်သည် ။
စိတ်ထဲမှလည်း ညီရဲ ဘာမှမဖြစ်ပါစေနဲ့ဟု ဆုတောင်းလျှက် ... ။
******
ဆက်ရန်>>>
Post a Comment